Sistema robotikoak balbula aeronautikoak mihiztatzeko
Tecnalia euskal korporazio teknologikoa ReCam proiektu europarrean parte hartzen ari da, malgutasun handia behar duten fabrikazio-sistemetako ekoizpen-ildoak azken teknologia digitalen laguntzaz birkonfiguratzeko asmoz
Osagai aeronautikoen mihiztaketa prozesua optimizatzeko asmoz, Tecnalia euskal korporazio teknologikoa ReCam proiektu europarrean lan egiten ari da. Azken belaunaldiko soluzio robotikoen garapenean oinarrituta, malgutasun handia behar duten fabrikazio-sistemetako ekoizpen-ildoak birkonfiguratzea da ekimen honen helburua.
Zehazkiago esanda, euskal korporazioa, balbula aeronautikoen mihiztaketaren automatizazio-sistema robotizatuak egiaztatzeko saiakuntza-bankua baliozkotu eta abian jartzeaz arduratzen den lantaldean parte hartzen ari da. Sistema hauek eta proposatutako IKT tresnek berehalako eta errentagarritasun osoko erreakzioa erraztuko dute merkatuan gerta daitezkeen aldaketen aurrean.
