Rulisa-ren zehaztasuna funtsezkoa da aire-sorgailuen mugimenduan
Rulisa familia-enpresa Gamarrako industrialdearen erdian kokatuta dago duela 35 urtetik, eta nitxokoa den jarduera bat garatzen du; banatzaile hidraulikoak fabrikatzen ditu, pieza biziki espezializatuak, ezinbestekoak direnak, esaterako, aire-sorgailuen hegalak mugitzeko. Horixe da 23 profesionalez osatutako ETE honen zehaztasun-maila, eta bere espezializazioari esker, Estatuko fabrikatzaile onena eta Europako hiru onenetako bat bilakatu da, halaxe dio enpresako kudeatzaile Iñaki Delgadok.
Nola iritsi zarete honaino?
Nire ustez, honaino iristeko behar dena da ahalegina, lana eta dedikazioa. Jakina, gurea bezalako ETEek asko arriskatu behar dute inbertsioekin, gehienetan jakin gabe bezeroek zein lan bolumen emango diguten.
Zein tamaina eta material erabiltzen dituzue?
Bloke hidraulikoak era askotakoak izan litezke, bai tamainari eta bai materialei dagokienez. Altzairu, burdinurtu, aluminio eta herdoilezinak erabiltzen ditugu, eta metakrilatozko bloke txikiak ere egiten ditugu arlo didaktikorako (gehienbat unibertsitateetarako). Blokeen tamaina, berriz, asko aldatzen da, hasi esku ahurrean sartzen direnetatik eta 2.500 kilo dituztenetaraino.
Pieza horiek gabe aire-sorgailuen hegalek ez lukete funtzionatuko… Horrela da, ezta?
Gure blokeek instalazioaren potentzia erregulatzen dute errotorearen hegalek haizearekiko duten posizioaren bidez. Baita ere esan liteke galgaren parte direla. Haize zakarra dabilenean, hegalak bandera posiziora arte biratu daitezke, errotorea geldiarazteraino.
Hogei urteko ibilbidea egin duzu enpresan. Zure ustez zer aldatu da harrezkero?
Dena aldatu da. Duela 20 urte langileen eskuak ziren garrantzitsuena, artisauak ginen. Gaur egun, ordea, goi-mailako teknologia iritsi da eta piezak ia ez dira manipulatzen mekanizatu prozesuan.
Gustura zaude 2022ko ekitaldiarekin?
Oro har, 2022a nahiko urte ona izan da. Egia da merkatuan ziurgabetasuna nagusitu dela, eta ezin izan dugula egin epe luzerako aurreikuspenik, baina gustura gaude azken emaitzarekin.
Zein dira 2023rako helburuak?
Aro guztiz digital batean gaude, eta Rulisa-k bide horri ekin nahi dio. Horregatik, aurten lantegiko datuak atzemateko sistema bat ezarri nahi dugu, papera ahalik eta gehien murrizteko eta fabrikazioan gertatzen denaren denbora errealeko ikuspegi bat izateko. Horrela, produkzio-prozesuak arintzea lortuko dugu.
Bukatzeko, badut jakin-mina. Nondik dator enpresaren izena, Rulisa?
Bloke hidraulikoez gain, beste produktu bat ere fabrikatzen dugu, eta produktu horri zor dio izena. Gurpil libreak (ruedas libres) dira, transmisio-mekanismo konplexurik gabeak, zeintzuei esker ardatzek norabide bakarrean biratzen duten, beste norabidea blokeatuz.
Lotutako albisteak
HIMUGI proiektuak mugikortasunean eta garraioan aplikazioak dituen hidrogeno-propultsio sistema bat lortu nahi du
Euskal erakundeen arteko partaidetza eta lankidetza handia du, eta SPRIren Hazitek programaren laguntza ekonomikoa jaso du.
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Infinite proiektuak kontakturik gabe monitorizatzen du egitura aeronautikoen bizi-zikloa
Ideko zentro teknologikoak gidatutako proiektu europar honek mikrohariak erabiltzen ditu karbono-zuntzen egituren egoera kontrolatzeko, haien kalitatea ziurtatzeko, piezak sentsore kableatuekin hornitu beharrik gabe.
Vaillant Groupek aire-ur bero bonba berri bat merkaturatu du, eraginkorragoa eta zarata-mailak murrizten dituena
Behin Split proiektua amaituta, Europako merkatuan makinak merkaturatzen hasi da, eta 30.000 salmenta izatea aurreikusten du. SPRI Taldearen Hazitek Laguntza Programaren babesa jaso du.
Sintop proiektuak saldu osteko kudeaketa optimizatu du etxebizitzen eraikuntzan
Construcciones Olabarri buru dela, plataforma adimendun bat garatu da obrak denbora errealean amaitu direnean gorabeherak erregistratzeko. Ekimenak SPRI Taldearen Hazitek Laguntza Programaren babesa jaso du.
Hazitek proiektu batek Hesteetako Gaixotasun Inflamatoriorako diagnostiko-sistema eta terapia berriak garatu ditu
HANTURA, Faes Farma buru duela, sendagai berriak, gaixotasunaren tratamendurako alternatiba terapeutiko berrien garapenean egindako aurrerapenak eta pazienteen zaintza asistentziala hobetzeko tresna digitalak lortu ditu.
Tamag mikroteknologietan erreferente bihurtu nahi da nazioartean
Donostiako mikroETEak produktu berrien garapenari eta mikrohari amorfo magnetikoen elaborazioari aplikatutako I+Gn zentratzen du bere jarduera.
Teknikerrek errepideen mantentze adimenduna bultzatzen du teknologia robotiko aurreratuaren bidez
Zentro teknologikoak errepideak diseinatzeko, eraikitzeko eta mantentzeko teknologia robotikoak eta automatizazio adimendunak hornitzeko lanak gidatu ditu Europako Omicron proiektuan.
Robtwin proiektuak fabrikazio aurreratuaren aldeko apustua egin du automobilgintza-sektorean
Ingematek biki digitalaren kontzeptu aurreratu berri bat inplementatzen duen tresna bat garatu du, eta SPRI Taldearen Hazitek Laguntza Programaren babesa jaso du.
EKOHOOD, garraioen ontziratzeko soluzio jasangarria
Plastigaur buru duen proiektuaren helburua da kontsumo osteko material birziklatuarekin film-sorta berri bat sortzea hirugarren mailako packaging-erako. SPRI Taldearen Hazitek Laguntza Programaren babesa izan du.