Erhardt taldea: “Ez dago erronka handiagorik familia-konpainia batentzat etengabeko eraldaketa baino”
Erhardt taldeak 136 urte daramatza Euskadin lanean, dagoeneko laugarren belaunaldiak dihardu, eta enpresa-dibertsifikazioaren adibide argia da
Erhardt taldearen ametsa 1882an hasi zen, Bilbon, euskal desarrollismoaren garaian. Orduan ekin zion Eugen Erhardtek bere jarduerari. Lehenbizi, burdinaren ekoizpena gainbegiratzen zuen Bizkaiko meategietan. Ekoizpen hori, gero, iparraldeko herrialdeetara itsasontziz eramaten zuten, eta gero Bilbora bueltan iristen zen produktu siderurgiko eraldatu gisa, orduan hasi berri zen trengintzarako. Gero, beste jarduera eta enpresa batzuen hasiera kudeatu zuen, ontzigintzari eta industriari, aseguru-konpainiei, ingeniaritzari, eraikuntzari eta abarri lotua.
Horrela jardun zuen, eta gaur egun bere enpresa-taldea 30 konpainiak, 800 profesionalek eta 10.000 bezerok osatzen dute, eta 150 herrialdetan egiten dute lan. Erhardt taldean laugarren familia-belaunaldia dago jada. Gaur egun, Rafael Erhardt da holding honen burua, eta hainbat sektoretan dihardu: garraioa, logistika, merkataritza eta siderurgiako eta industriako produktuen banaketa, besteak beste.
136 urtez aktibo, eta laugarren belaunaldia… Bosgarrenik izango al da?
Badago, bai, zorionez…
Familiak jarraitzen du taldea kontrolatzen?
Jainkoari esker, familia da enpresaren buru, eta berak du kontrol osoa.
Nola zuzentzen da horrelako holding bat?
Etengabe eraldatuz, ez dago beste sekreturik. Orain eraldaketa digitala deitzen diote, baina nik uste dut beti egon dela gauzetara eta egoeretara egokitzeko prozesu etengabe hori. Eta, akzioei dagokienez, hor ere eskuzabaltasunez jokatu behar duzu, haiek gabe familia-enpresek gaizki amaitzen baitute.
Zuen jarduera zabalari begiratu bat emanda, galdera hau egin behar dizugu: zer ez duzue egiten edo zer ez duzue egin zuen historian?
Azken finean, enpresa-jardueren dibertsitate handia dugu, eta horri esker iraun dugu urte hauetan guztietan. Jarduera ertainak eta txikiak, lurrari, herritarrei eta gure bezeroei oso lotuak, beti haien beharretara asko egokituz. Egia da gauzak ondo doazenean gauzak bakarrik joaten direla, baina, dibertsitate horri esker, krisiak lasaiago eraman ditzakegu.
Zer gelditzen zaizue egiteko?
Gauza asko! Garrantzitsuena, ordea, etorkizunerantz eboluzionatzen jarraitzea da, gure lanetan egunero etorkizunerako ikusten ditugun beharrak identifikatzea, gero eta azkarrago iristen den etorkizun horretarako. Olatu horietan surf egiten jarraitu behar dugu eta etengabe hazten jarraitu, gero une txarrak jasan ahal izateko.
Inoiz adierazi duzue multzo “desberdin eta dibertsifikatu” bat zaretela; zer esan nahi duzue horrekin?
Bai, bai, multzo desberdin eta dibertsifikatu bat gara, taldean oso jende ona duena, zorionez. Horixe da, hain zuzen, bilatzen duguna. Jarrera egokia eta trebakuntza ona duten pertsona onak. Orain, talentua esaten zaio horri. Zorionez, Euskadin profesional on asko ditugu, eta, ondorioz, aparteko lehengaia izan dezakegu.
Lotutako albisteak
HIMUGI proiektuak mugikortasunean eta garraioan aplikazioak dituen hidrogeno-propultsio sistema bat lortu nahi du
Euskal erakundeen arteko partaidetza eta lankidetza handia du, eta SPRIren Hazitek programaren laguntza ekonomikoa jaso du.
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Infinite proiektuak kontakturik gabe monitorizatzen du egitura aeronautikoen bizi-zikloa
Ideko zentro teknologikoak gidatutako proiektu europar honek mikrohariak erabiltzen ditu karbono-zuntzen egituren egoera kontrolatzeko, haien kalitatea ziurtatzeko, piezak sentsore kableatuekin hornitu beharrik gabe.
Vaillant Groupek aire-ur bero bonba berri bat merkaturatu du, eraginkorragoa eta zarata-mailak murrizten dituena
Behin Split proiektua amaituta, Europako merkatuan makinak merkaturatzen hasi da, eta 30.000 salmenta izatea aurreikusten du. SPRI Taldearen Hazitek Laguntza Programaren babesa jaso du.
Sintop proiektuak saldu osteko kudeaketa optimizatu du etxebizitzen eraikuntzan
Construcciones Olabarri buru dela, plataforma adimendun bat garatu da obrak denbora errealean amaitu direnean gorabeherak erregistratzeko. Ekimenak SPRI Taldearen Hazitek Laguntza Programaren babesa jaso du.
Hazitek proiektu batek Hesteetako Gaixotasun Inflamatoriorako diagnostiko-sistema eta terapia berriak garatu ditu
HANTURA, Faes Farma buru duela, sendagai berriak, gaixotasunaren tratamendurako alternatiba terapeutiko berrien garapenean egindako aurrerapenak eta pazienteen zaintza asistentziala hobetzeko tresna digitalak lortu ditu.
Tamag mikroteknologietan erreferente bihurtu nahi da nazioartean
Donostiako mikroETEak produktu berrien garapenari eta mikrohari amorfo magnetikoen elaborazioari aplikatutako I+Gn zentratzen du bere jarduera.
Teknikerrek errepideen mantentze adimenduna bultzatzen du teknologia robotiko aurreratuaren bidez
Zentro teknologikoak errepideak diseinatzeko, eraikitzeko eta mantentzeko teknologia robotikoak eta automatizazio adimendunak hornitzeko lanak gidatu ditu Europako Omicron proiektuan.
Robtwin proiektuak fabrikazio aurreratuaren aldeko apustua egin du automobilgintza-sektorean
Ingematek biki digitalaren kontzeptu aurreratu berri bat inplementatzen duen tresna bat garatu du, eta SPRI Taldearen Hazitek Laguntza Programaren babesa jaso du.
EKOHOOD, garraioen ontziratzeko soluzio jasangarria
Plastigaur buru duen proiektuaren helburua da kontsumo osteko material birziklatuarekin film-sorta berri bat sortzea hirugarren mailako packaging-erako. SPRI Taldearen Hazitek Laguntza Programaren babesa izan du.