Bi euskal zentro teknologikok elkarrekin lan egiten dute osagai plastikoetan elektronika integratzeko helburuarekin
Tekniker eta Gaiker teknologia-zentroek lankidetza-hitzarmen bat sinatu dute. Akordio horren helburua, soluzio bateratuak garatuz eta ezarriz, elektronika osagai plastikoetan integratzea eta enpresa-sareko beste eragile batzuekin sinergiak sortzea da. Bi zentroa, BRTAko kideak dira (Basque Research and Technology Alliance), eta elektronika integratuaren esparruan adituak.
Lankidetza-hitzarmen honek pieza plastikoetan integratutako elektronikaren alorrean azkenaldian gehien erabiltzen den teknologietako bat izango du ardatz: in Mould Electronics (IME). Fabrikazio-teknika honek plastikoa injektatzeko prozesuan elektronika integratzea ahalbidetzen du, fabrikazio malguagoa eta merkeagoa lortuz.
Alor honetako tekniketan duten esperientzia handiari esker, zentro teknologikoek hainbat teknologiatan lan egingo dute. Teknikerrek IMErako elektronika inprimaketa diseinuan, zirkuituen 2D inprimaketan eta gaur egun inprimatu ezin diren osagaien ezartzean lan egingo du.
Bestalde, material plastikoekin lotutako teknologietan jarriko du arreta Gaikerrek, materialen hautaketatik hasi eta prozesatzera arte. Adibidez, zirkuitu inprimatuaren termokonformazioa eta zirkuitu inprimatuak injekzio bidez gainmoldatzea, konexio-elementuak babestuz, edo soluzioen ekodiseinua eta iraunkortasuna, ekonomia zirkularra bultzatuz.
Aliantza horrek beste eragile batzuen lankidetza eta onura bilatzen du, Luis Uriarte Teknikerreko zuzendari nagusiak azpimarratu duenez: “Gure eskualdeko industria-sarearen lehiakortasuna hobetzeko xedea dugu. Akordio horren bidez, ezagutza eta teknologia berriaren transferentzia sustatu nahi da, hazten ari den eremu batean, hots, pieza plastikoetan txertatutako elektronikan”.
Bestalde, Gaikerren arabera, “akordio honen esparruan garatuko eta transferituko den teknologia Euskal Autonomia Erkidegoko industria-sektore traktoreek eskatzen dute. Gure inguruko enpresei balioa emateko aukera berri bat da”, adierazi du Santiago Rementeria Gaikerreko zuzendari nagusiak.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.