Windtechnicek Hegoafrikako hiru parke eoliko berrietako hormigoizko dorreak egingo ditu
Windtechnic Engineering, aire-sorgailuentzako hormigoizko dorre aurrefabrikatuen diseinuan eta eraikuntzan aditua den enpresa, uda honetan hasiko da lanean Hegoafrikan hiru parke eoliko berri fabrikatzen. Orain, astero 2,5 dorre ekoizteko gai den planta berri bat ezartzeko prozesuan dago. Horrek 400 lanpostu berri sortuko ditu, gehienak tokiko komunitateenak.
Windtechnic Engineering Norten Eolica izenarekin sortu zen, Espainiako hormigoizko aurrefabrikatuetan sektoreko puntako enpresa batean, Norten PH. 50 urtetik gorako tradizioarekin, eta eraikuntza-egituren eta sektore zibilaren tipologia ugari —eustormak, ur-deposituak, harmailak eta apartamentu modularrak, besteak beste— garatu eta eraiki ostean, sektore eolikoaren hazkunde handia aprobetxatzea erabaki zuen, dibertsifikatzen jarraitzeko.
Ikerketaren, lehen fasearen, ondoren, 2007an Gamesak Norten Eolica hautatu zuen hormigoi aurrefabrikatuzko dorreak eraikitzeko, garai hartako merkatuko turbina eoliko handi eta indartsuenetako bati eusteko. 2013an, estatu mailan esperientzia hartu ondoren, eta sektoreak gero eta interes handiagoa zuenez, enpresak modu independentean ekin zion ibilbideari, Windtechnic Engineering izenarekin. Bere helburua diseinu eta aholkularitza zerbitzuak eskainiz nazioarteko merkatuan ekitea zen.
Ordutik, enpresa hazten jarraitu da, eta nazioarteko lider gisa kokatzen ari da hormigoizko dorre eoliko aurrefabrikatuen sektorean. Bezeroen eta proiektuen beharretarako optimizatutako dorreen diseinua eta eraikuntza eskaintzen du. Windtechnicek 100 dorre-diseinu eta 700 dorre baino gehiago ditu, Europan, Asian, Afrikan eta Amerikan eraikitako proiektuetarako. Porfolio hori lortzea ezinezkoa izango litzateke zenbait herrialdetan tokiko bazkideekin lankidetzan aritu izan ez balitz, adibidez, gaur egun Hegoafrikan egiten ari den proiektuan.
Électricité de Francek (EDF) sustatutako hiru parke eoliko berriak tokiko hainbat enpresarekin lankidetzan eraikiko dira (Renew Installations, WBHO eta Concrete Units). Azken enpresa horrekin hasieratik aritu da Windtechnic Hegoafrikan, non 2015ean eta 2019an bi parke eraiki zituen.
Fabrika berria Middelburg (EC) herrian kokatuko da, proiektutik gertu, eta, Álvaro Landeira Windtechniceko CEOaren arabera, “lantegi produktibo hori erabiltzen jarraitzeko asmoa dago, etorkizun hurbilean inguruetan garatu daitezkeen beste parke batzuei erantzuteko”.
Hau ez da Windtechnic gaur egun garatzen ari den proiektu bakarra, paraleloan mundu osoko bezeroentzat lan egiten baitu, merkatu eolikoko lurreko turbina indartsuenentzat haizearen bilketa eta energiaren sorkuntza hobetzen duten altuera handiko dorreak diseinatzen. Gainera, hidrogeno berdea sortzeko eta deskarbonizaziorako proiektu handietarako ekoizpen-instalazioak garatzen ari da, eta bost kontinenteetan parke eoliko potentzialak eraikitzea aztertzen jarraitzen du. Hori guztia, Landeiraren arabera, “hormigoi aurrefabrikatuzko dorreen diseinuan eta eraikuntzan berritzen jarraitzeko” asmoarekin, bere “presentzia potentzial handiko beste merkatu batzuetara hedatzeko” helburua ahaztu gabe.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.
Lotutako albisteak
Hidrogenoaren euskal ekosistemak loturak estutu ditu Japoniarekin sektorearen nazioarteko foro nagusian
Ekintza hau, hidrogenoa ardatz energetiko estrategikotzat garatzeko 2023az geroztik Euskadi eta Japoniaren arteko lankidetza bultzatzea xede duen ekimen zabalago baten barruan gauzatu da.
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz