Singapurren gidabaimena lortzeko euskal simulagailuak
Singapurreko hiri-estatuan gidatzeko baimena eskatzen duten pertsonek zenbait proba egin beharko dituzte Euskadin sortutako simulagailuetan, azken azterketa praktikoa egin aurretik. 375 simulagailu mundu osoan zehar dituen Lander Simulation & Training Solutions enpresa donostiarraren erantzunak aukera eman du Asiako hiriko Zirkulazio–Poliziaren araudi berria betetzeko. Araudi horrek trafiko-simulazioetan parte hartzera behartzen du orain, etorkizuneko gidariak errepidera irten aurretik.
2019an proba pilotu bat egin zen, gidaria trebatzen dituzten hiru zentroekin: Comfort Delgro Driving Center, Singapore Safety Driving Center eta Bukit Batok Driving Center. 2019ko abendutik aurrera, nahitaezkoa da simulagailuetako prestakuntza gainditzea Singapurren autoak edo motorrak gidatzeko baimena lortzeko. Hiru modulu dira, eta errepideko benetako ibilgailu batekin azterketa praktikoa egin aurreko pausua dira.
Gaur egun, 13 auto-simulagailu eta 6 moto-simulagailu dituzte martxan, eta horiei esker, egunero, 8:30etik 22:30era, 300 pertsonak baino gehiagok egin ditzakete joan den abenduan euskal enpresak Asiako hirian instalatu zituen simulazioak.
Mozkortuta gidatzea edo txirrindulariak aurreratzea
Sistema automatizatuta dago, interaktiboa da eta Trafikoko Poliziak emandako datuetara eta ikerketetara egokitu da. Hori dela eta, simulagailua hau munduan dagoen bakarra da; izan ere, aurrez konfiguratutako egoerak ditu, ohiko hamar istripuekin eta Singapurreko errepideetan gertatzen diren arrisku-egoerekin.
Errepideko istripuak eta heriotzak murrizteko helburuarekin, pertsonek hainbat egoera errealetan trebetasunak garatu ditzaten eta etorkizuneko gidariak arriskuei buruz kontzientziatu daitezen martxan jarri dira simulagailuak. “Mozkortuta gidatzea, txirrindulariak puntu itsuetan saihestea, kamioi batetik objektuak erortzen diren bezalako egoerak, trafikoaren ustekabeko portaerak eta baldintza klimatiko larriak, besteak beste dira ikasleek simulagailuan aurre egin behar dieten egoerak, errepide erreal batean arrisku handiak dituztenak“, aipatu dute 2002an sortutako eta 80 langile baino gehiago dituen euskal enpresako bozeramaileek.
Sistemaren irakasle birtual adimendun batek ikasleei jarraibideak azaltzen dizkie. Aldez aurretik hitzordua eskatzen dute era automatizatuan eta ikaslea gelara sartu bezain laster ekipoek badakite zein moduluri hasiera eman behar dioten. Bost egoera desberdin daude, aurrez zehaztutako ibilbidean zehar ustekabeko arriskuak eta gertaerak dituztenak, eta, beraz, instruktore birtualak aginduak eta gomendioak ematen dizkie ikasleei. Egindako saioari buruzko txostena momentuan sortzeaz arduratzen da sistema.
Arriskuko gidatze-probak
Hau ez da Lander Simulationen lehen gidaritza-proiektua. Aurtengo urtarriletik, Turingiako (Alemania) poliziak enpresa horren simulagailuak ditu haien akademian. Simulagailu berriak larrialdietan gidatzeko gai diren poliziak prestatu nahi ditu, ezin baitute horrelako probarik egin errepide errealetan. Lander Simulationen gailuak horrelako testuinguruetan lortzen diren abiadura handiak erreplikatzen ditu, baita une horretan aktibatu behar dituzten elementuak ere (sirena, argiak, irratia, etab.).
Konpainiak Estatuko automobilgintzaren sektore hasi zituen simulagailuen instalazioak, eta, ondoren, Euskotrenen, Renferen, Metro Bilbaoren eta beste enpresa batzuen proiektuekin trenbide-eremuan sartu zen. Ordutik, Lander Simulationek atzerrira aurrera pausoa eman du, lehenengo Latinoamerikan gidatzeko prestakuntzekin, ez bakarrik autoentzat, baita autobusentzat eta beste ibilgailu astun batzuentzat ere. CAFen eskutik, Zeelanda Berriko eta Indiako ekimenetan parte hartu du enpresa honek, eta gaur egun tranbien simulagailuetarako sektorean Europako enpresa liderra da.
Lander Simulationek bere gidaritza-simulagailuen teknologian urrats berriak emateko SPRI Taldeak bultzatutako Hazitek programan parte hartu du. Euskal enpresen I+G sustatzeko tresna, aktibo, laguntza, lantalde eta aliantzei buruzko informazioa eskuragarri dago hemen.
Lotutako albisteak
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek bi txosten bildu ditu Smart Factory + Automation World 2025 ekitaldian parte hartu ondoren, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...
AEBk ezarritako arantzel berriak direla eta, euskal enpresei arreta goiztiarra emateko zerbitzua
Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.