Salva Industrial, okindegi eta gozogintzarako labeen Europako 10 fabrikatzaile handienetako bat
Salva Industrial okindegi eta gozogintzako lantegietarako labeen Europako 10 fabrikatzaile handienetako bat da. Lezon kokatutako enpresa honek atzerrian saltzen du bere produktuen % 70. Enpresa horrek SPRI Taldearen zibersegurtasun industrialeko programaren laguntza bat jaso du. Duela hiru urtetik, SPRIk Basque Cybersecurity Centre (BCSC) zentroaren laguntza du zibersegurtasunaren euskal ekosistema bultzatzeko eta, ondorioz, baita ere laguntza ekonomikoak banatzen dituen programa honetarako.
Enpresa hau 1943an sortu zen, Jaime eta Juan Llordes anaien ekimenez. Mundu Gerraren garai nahasi hartan erabaki zuten Donostian labe bat fabrikatzea, okin bati saldu eta trukean urte osorako ogia izateko. Handik urte batzuetara, egun Lezon duen egoitzara eraman zuten Hornos Eléctricos Salva, eta okindegi zein gozogintzarako labeen fabrikazioan zentratu ziren, gero Estatu osoan saltzeko.
70eko hamarkadan ekin zioten nazioartekotze-prozesuari, filial komertzialak irekiz atzerrian. Frantzia, Ekialde Ertain, Erresuma Batu eta Mexikoko merkatuetan sartu ziren, gaur egungo % 70eko nazioartekotze-kuotara iritsi arte. 80ko hamarkadan hartu zuen enpresak gaur egun duen izena: Salva Industrial.
Supermerkatuak, hotelak nahiz okin artisauak dira konpainiaren bezeroak. “Okindegi eta gozogintzako lantegietarako labeak eta makineria fabrikatzen ditugu. Gai gara lantegi oso bat muntatzeko” dio David Llordesek, Europako 10 labe fabrikatzaile handienen artean kokatzen den enpresaren zuzendari nagusiak. “Ez daukagu lehiakide esanguratsurik ez Euskadin eta ez Espainian”.
Enpresa-taldeak bere baitan biltzen ditu industria arloko lau enpresa: “bi Gipuzkoan daude, labeetan eta hotz-sistemetan espezializatuak, Bartzelonakoa makinerian zentratzen da, eta enpresa elektroniko batean ere parte hartzen dugu”. 160 langileko plantilla du, eta aurtengo fakturazioa 40 milioi euroraino iritsi da, aise gainditu dituelarik pandemiagatiko krisi ekonomikoan fakturatutako 26 milioiak.
Hirugarren belaunaldia
Konpainia familiaren hirugarren belaunaldira iritsi da. “Profesionalki kudeatutako familia-enpresa bat da”. Bost kontinenteetako 100dik gora herrialdetan saltzen du, Espainia, Frantzia, Australia, Mexiko eta Ekialde Ertaina direlarik bere merkatu garrantzitsuenak. “Portzentajeari erreparatuz, Australiara gehien esportatzen duen enpresa gipuzkoarra gara”. Harro daude euren sustraiak Gipuzkoan izateaz eta “gure erantzukizun sozial korporatiboaz. Hirugarren sektoreko enpresetako 50 pertsona enplegatzen ditugu, uste dugulako hala egin behar dugula”.
Salva enpresak teknologia propioa du. “I+G guztia geurea da, 75 urte daramatzagu berritzen”. Izan ere, departamendu espezifiko bat dauka berrikuntza eta garapenerako, 15 langilerekin. Negozioaren % 2,5 bideratzen da I+G-ra.
Antzinako labe bat.
SPRI Taldearen zibersegurtasun industrialeko programaren bidez jasotako laguntzarekin hobekuntza globalak egin dituzte euren segurtasun sistematikan. “Nazioarteko enpresa bat gara eta segurtasunak zinez kezkatzen gaitu. Gainera, arazoak izan ditugu hackerrekin, nortasun-ordezteekin, eta kopiatu ere egin gaituzte. Eta ez hemen bakarrik, gertatu zaigu baita ere atzerrian”. Zibersegurtasuneko programa garatuta eta ezarrita dago jadanik.
Enpresa honek bere plan estrategikoan jaso duen erronketako bat da mundu mailako erreferente bihurtzea okindegi eta gozogintza sektoreetan “labeen egosketa kalitateagatik. Hori funtsezkoa da gure sektorean, hots, bero gozoa deitzen dena”. Konpainiak labe modular bat garatu du: “munduan gehien saltzen dena da, eta 7 izarreko hotelek erosi digute bere egosketa kalitateagatik”.
Beste helburuetako bat da Europako supermerkatuen sektorean garatzea eta “Ipar Amerikako merkatuan sartzea, horretarako behar diren ziurtapenekin (produktu askorentzat badauzkagu jadanik). Merkatu erraldoia da benetan”.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.