Polypaleko biltegiratze-apalategi metalikoak, 30 herrialde baino gehiagotan presente
115 urteko ibilbidearekin, Polypal Storage Systems erreferente bihurtu da metalezko apalategiak fabrikatzeko altzairuaren eraldaketan, eta 30 herrialde baino gehiagotan du presentzia.
Egoitza nagusia eta ekoizpen-zentroa Iurretan (Bizkaia) kokatuta dago, eta filialak ditu Alemanian, Frantzian, Belgikan eta Herbehereetan. “Duela zenbait urtetik, nazioarteko merkatuaren aldeko apustua egiten dugu, eta bezeroak ditugu Perun, Kolonbian, Panaman, Guatemalan, Marokon, Aljerian, Tunisian, Egipton, Kaledonia Berrian, Finlandian, Suedian, Norvegian eta Estonian, besteak beste”, adierazi du José Ramón Palaciok, Polypal Storage Systemseko zuzendari nagusiak.
“Dagoeneko finkatuta gauden merkatuetan sendotzea eta haztea da gure asmoa, eta, bestalde, gure espezializazioarekin bat datozen merkatu berrietan murgiltzea”, aurreratu du enpresako ordezkariak.
Produktu-aukera zabala
Bizkaiko enpresak produktu-sorta zabala eskaintzen du: “paletetan karga biltegiratzeko apalategiak, karga ertaineko eta karga arineko apalategiak, produktuak eskuz manipulatzeko egokiak”, zehaztu du Palaciok. Gainera, bulegoetarako apalategiak eta artxibo dokumentala eskaintzen ditu; solairuarteak eta goitegiak, biltegien altuerako azalera maximizatzeko; eta metalezko leihatilak, bai laneko aldageletarako, bai ikastetxeetarako, bai erreminta eta gailu mugikorren biltegiratzeetarako. Baina espezializazio nagusia “paletizazio-apaletan dago, batez ere biltegiratze-sistema konplexu handietan, 45 metrorainoko altuerak izan baititzakete”, nabarmendu du.
Apal metalikoak soluzio moldakorrak dira, merkatuan dagoen edozein produktu modu eraginkorrean biltegiratzeko aukera ematen dutenak, paletetan, kutxetan edo bestelako edukiontzietan. “Eskura dagoen espazioa optimizatzeaz gain, produktuen antolaketa eta irisgarritasuna hobetzen dute, logistika eta lana edozein ingurunetan erraztuz”, zehaztu du José Ramón Palaciok.
Bere apalategiak merkantzia biltegiratzea behar duen edozein tokitan instala daitezke. “Gure apalategi batzuek askotariko erabilerak izan dituzte, hala nola itsasontziak edo autoak biltegiratzea. Peruko meategi baten barruan eta Helsinkiko Operan ere aurki daitezke”, azpimarratu du.
Gainera, Polypalek biltegi auto-sostengarriak ere eraikitzen ditu, eta, salgaiak gordetzeaz gain, eraikinaren egitura nagusia ere irudikatzen du. “Egitura horietan, apalak eraikinaren beraren euskarria dira, eta 45 metrorainoko altuerak izan ditzakete; horrek 15 solairuko eraikin baten parekoa izan liteke. Esan liteke apalategiekin egindako mega eraikuntza bat dela”, aitortu du zuzendari nagusiak.
Horrekin guztiarekin, euskal enpresak biltegiratze-soluzioak behar dituen edozein industriaren beharrei erantzuten die, elikagaien, logistikaren eta farmaziaren sektoreetatik retail, e-commerce, automobilgintza edo kimikaraino, besteak beste. Horri esker, 80 milioi euro baino gehiago fakturatu zituen azken urtean. Gaur egun, 180 langile inguru ditu.
Euskal enpresen nazioarteko proiektuak bultzatzea da SPRI Taldearen helburuetako bat; izan ere, Basque Trade and Investment Nazioartekotzeko Euskal Agentziaren bidez, leihatila bakarraren bidez bere baliabide eta laguntza guztiak jartzen ditu enpresen eskura, adibidez Elkartu, Gauzatu edo BEINT eta Global Training Bekak.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
Lotutako albisteak
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek bi txosten bildu ditu Smart Factory + Automation World 2025 ekitaldian parte hartu ondoren, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...
AEBk ezarritako arantzel berriak direla eta, euskal enpresei arreta goiztiarra emateko zerbitzua
Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.