Otsailaren 13an euskal enpresek aukera izango dute Brexit-aren egoera ezagutzeko Erresuma Batuko Enbaxada eta Merkataritza Ganberaren eta Eusko Jaurlaritzaren eskutik
“Brexit-erako prestatzen” ekitaldia da euskal enpresei aholkularitza emateko antolatutako ekimenetako bat, brexit.eus informazio-trukerako plataformarekin batera
300dik gora enpresak baieztatu dute parte hartuko dutela ekitaldian eta oraindik badago aukera izena emateko
SPRI Taldean integratutako Nazioartekotzeko Euskal Agentziak jardunaldi bat antolatuko du otsailaren 13an, euskal enpresei Brexit-ari buruzko aholkularitza emateko. Ekitaldiaren helburua da euskal enpresei ikusaraztea kontingentzia-planak egin behar dituztela, eta asmoa da baita ere etorkizuneko eszenatokian sor daitezkeen erronkak eta aukerak aztertzea.
“Brexit-erako prestatzen” ekitaldia Bilboko Euskalduna Jauregian egingo da eta bertan izango dira: Simon Manley, Erresuma Batuko enbaxadorea; Chris Dottie, Britainia Handiko Merkataritza Ganberako presidentea Espainian eta Hays España enpresako zuzendaria; eta Arantxa Tapia, Ekonomi Garapen eta Azpiegitura sailburua.
Jardunaldian hizpide hartuko dira Brexit-ak ekarriko dituen eszenatoki berriak Erresuma Batuaren eta Euskadiren arteko merkataritza-trukeentzat, egoera berri horrek ekar ditzakeen aukera eta ondorioak, eta nolako inpaktua izango duen Erresuma Batuan interesak dituzten euskal enpresetan.
Mahai-inguru bat egingo da, eta Euskal Herriko Unibertsitateko (UPV-EHU) Nazioarteko Zuzenbide Pribatuko katedradun eta lege aholkulari Juanjo Alvarezek moderatuko du. Mahai-inguru horretan parte hartuko dute gorago aipatutako ordezkari britainiarrek eta Arantza Gomez Aranak, Birminghameko Unibertsitateko BREXIT Ikasketa Zentroko irakasleak.
Eusko Jaurlaritzak BREXIT Batzordea sortu zuen iaz, Iñigo Urkullu lehendakariaren buruzagitzapean. Batzorde horren xedea da mekanismo bat sortzea euskal enpresak kontzientziatzeko, ohartu daitezen prest egon behar dutela Erresuma Batua Europar Batasunetik irteten denerako, eta baita ere, beharrezkoa denean, kontingentzia-planak egin behar direla haustura-akordiorik gabeko eszenatoki bat gertatu daitekeelako.
Ekonomi Garapen eta Azpiegitura Sailak, SPRIri atxikitako Nazioartekotzeko Euskal Agentziaren bitartez, badu dagoeneko webgune bat, www.brexit.eus, enpresek euren kontingentzia-planak egiteko behar duten informazio, gomendio eta alertekin.
Eusko Jaurlaritzak uste du garrantzitsua dela prest egotea Erresuma Batua EBtik irteten denerako eta orobat garrantzitsua dela hartu beharreko neurriak sasoiz hartzea. Horregatik, aholkularitza ematen die enpresei Britainia Handiaren irteerak sor ditzakeen kalte eta ziurgabetasunak ahalik eta gehien minimizatzeko, batik bat, akordio-gabeko haustura gertatzen bada.
Gaur egun, 500 euskal enpresa inguruk esportatzen dute merkatu britainiarrera eta 60 konpainiak ordezkaritza komertzialak edota produktiboak dituzte. Erresuma Batua laugarren jomuga merkatua da eta euskal esportazio guztien %6 hartzen ditu.
Nazioartekotzeko Agentziaren eta SPRIren Londresko bulegoak zuzentzen du informazio guztia eta berak kudeatzen ditu edukiak, eduki horien barruan txertatzen dituelarik Erresuma Batuaren eta Euskadiren arteko harreman komertzialean eragina izan dezaketen jakinarazpen ofizialak eta informazio interesgarriak, batzuetan bulegoak berak eginak.
Informazio baliagarria eman eta antolatzeaz gain, Londresko bulegoko kideek, Pablo Fano arduradunaren esanetara, alertak bidaltzen dituzte ETEentzat bereziki garrantzitsuak diren oharrekin, eta etengabeko harremana dute interes orokorreko zalantzak nahiz zalantza partikularrak dituzten enpresekin.
Era berean, bulego horrek eskematikoki biltzen ditu sektore ekonomiko desberdinentzako gomendioak, kontuan hartuz aduanetako tasak, kontrolak, zerga-politika, garraioa edo langileen joan-etorriekin erlazionatutako bestelako alderdiak.
Auto-diagnostikorako plataforma
Hemendik gutxira plataforma bat sortuko da ETEei euren diagnostikoak egiten laguntzeko, eszenatoki berriko joko-arauen arabera. Analisi horien bitartez, enpresek posible izango dute neurtzea zein den euren kalteberatasun-maila edo, kontrara, zeintzuk diren beren indar-guneak BREXITak negozio-aukera berriak sor ditzan.
Lotutako albisteak
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz
Robotikak eta automatizazioak Euskadiren eta Txekiar Errepublikaren industriarako dituzten aukerak aztertu dituzte
Bilboko Merkataritza Ganberan egindako Euskadi – Txekiar Errepublika “Aukerak robotikan eta automatizazioan” jardunaldi ekonomikoan, Euskal Autonomia Erkidegoko hogei bat enpresatako ordezkariak eta ekonomiaren eta industriaren arloko beste eragile batzuk bildu dira.
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek bi txosten bildu ditu Smart Factory + Automation World 2025 ekitaldian parte hartu ondoren, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz