fvem informe coyuntura
Albisteak 2 Azaroa, 2020

Metalaren sektorearen abaguneari buruzko txostena: jarduera hobetu egin da, baina egoera konplikatua da oraindik

Enpresak hainbat neurri ari dira martxan jartzen krisiaren inpaktuari aurre egiteko, gehien zabaldutako gomendioak jarraituz: teknologia eta berrikuntza bultzatzea, digitalizazioa, lankidetza, nazioartekotzea, hazkundea…
-

Irailaren amaieran eta urriaren hasieran eginiko eta 275 enpresak erantzundako inkesta baten arabera, merkatua (barrukoa+kanpokoa) atzeraldian edo atzeraldi gogorrean murgilduta dago inkestatuen % 51,3ren iritziz (portzentaje hori ekaineko % 58a baino apur bat baxuagoa da). Era berean, berraktibatze-fasean daudela dioten enpresen portzentajea bikoiztu egin da, baina orotara % 18koa da soilik.

Merkatuko egoeraren eta enpresaren tamainaren arteko harremana aztertuz gero, ondorioztatzen da konpainia zenbat eta txikiagoa izan, orduan eta okerragoa dela bere merkatuko egoera. Hala, metalaren sektoreko 10 langilerainoko enpresen % 59k uste dute merkatua atzeraldian dagoela; aldiz, 100dik gora langileko konpainien artean portzentaje hori % 29koa da.

Datozen 6 hilabeteetan merkatuek izango duten bilakaeraren aurreikuspenei dagokienez, % 44ren iritziz, atzeraldian edo atzeraldi gogorrean murgilduta jarraituko dute, nahiz eta portzentaje hori ekainean baino 10 puntu txikiagoa den. Halaber hobetu egin da epe laburrean berraktibatze-fasean sartuko direla uste duten enpresen portzentajea, eta multzo horretan nabarmentzen dira automozioko hornitzaileak, % 30ak aurreikusten baitu laster sartuko direla berraktibatze-fasean.

Eskaera zorroei dagokienez, egoera ekainean baino hobea da, baina hiru enpresatik bik pentsatzen dute oraindik ahula edo oso ahula dela. Aipatzekoa da adierazle horrek automozioko enpresetan izan duen bilakaera: ekainean enpresen % 94k uste zuten eskaera-maila ahula zela, eta urrian % 65era jaitsi da portzentaje hori. Bestalde, oraindik ere hamar langile baino gutxiagoko enpresak dira eskaera-maila ahulena dutenak.

4. hiruhilekorako aurreikuspenen arabera, lau enpresatik hiruk espero dute ohiko jardueraren % 75aren gainetik egongo direla, eta enpresen % 30ek adierazi dute % 50aren azpitik egongo direla. Parametro horretan aipatzekoa da alde handia dagoela enpresaren tamainaren arabera. Soilik 10 langile baino gutxiago dituzten enpresen % 10ak lortuko du % 76 eta % 100 bitarteko jarduera-mailara itzultzea; aldiz, 51 eta 100 langile bitarteko enpresetan datu hori % 53koa da, eta 100dik gora langile dituzten enpresen kasuan, % 61ekoa.

Aurreko datuekin bat etorriz, hiru enpresatik bitan produkzio-gaitasunaren erabilera-gradua 2019an baino txikiagoa da, eta hori ekainekoa baino datu hobea da (% 77). Kasu honetan, adierazle hori 51-100 pertsona enplegatzen dituzten enpresetan murriztu da gehien.

Era berean, bost enpresatik lautan fakturazioa murriztu egin da 2019ko lehen bederatzi hilabeteekin alderatuta, eta enpresa txikienak dira emaitza okerrenak dituztenak. Sektoreko batez besteko fakturazioa 2019an baino % 27 txikiagoa izan da 2020an. Urtearen amaierako fakturazio aurreikuspenei dagokienez, enpresen erdiak baino gehiagok uste dute joerak okerrera egingo duela. 100dik gora langileko plantillak dituzten enpresak dira pertzepzio onena dutenak, % 27,8ak bakarrik uste baitu egoerak okerrera egingo duela; aldiz, % 30,6k pentsatzen du egoera hobetu egingo dela.

Esportazioek behera egin dute ekainarekin alderatuta, eta urtarrila-iraila arteko batez besteko bilakaera aurreko urteko garai berekoa baino % 26 txikiagoa da. Jarduera berraktibatzeko beharko den denborari erreparatuta, ikusten da datuak ezkorrak direla: 3 enpresatik 2k kalkulatu dute gutxienez 12 hilabete beharko direla horretarako.

Etorkizuneko gakoen artean, enpresek garrantzi handia ematen diote berankortasunaren faktoreari, 10 enpresatik 4ren iritziz, jasango dutelarik arazo hori. Gainera, enpresa zenbat eta txikiagoa izan, orduan eta gogorragoak izango dira faktore horren ondorioak.

Hirugarren hiruhilekoaren amaieran, enpresen % 63,8k uste dute plantilla-maila egokia dutela beren egoerari aurre egiteko (ekainean gauza bera uste zuten enpresen % 56,9k). Aldiz, murriztu egin da plantilla-maila handiegia dutela uste duten enpresen kopurua, ekaineko % 41,9tik gaur egungo % 32,3ra. Kasu honetan, 10 pertsona baino gutxiagoko enpresak dira euren premiei ongien egokitutako plantillak dituztenak (% 75), eta 10 langile baino gehiago dituztenen (edozein dela ere beren tamaina) % 33-% 38k adierazi dute plantilla handiegia dutela.

Plantillaren bilakaera aurreikuspenak egitean, langile kopurua murriztu beharko dutela pentsatzen duten enpresen bolumena % 28tik % 19ra jaitsi da, eta langile gehiago hartu beharko dituztela uste dutenena, berriz, % 5etik % 10era igo da. Plantillari dagokionez, 10 langile baino gutxiago dituzten enpresak dira egonkorrenak, eta horietatik % 80k ez du aurreikusten inolako aldaketarik.

Azkenik, azpimarratu behar da enpresak hainbat neurri ari direla martxan jartzen krisiaren inpaktuari aurre egiteko, gehien zabaldutako gomendioak jarraituz: teknologia eta berrikuntza bultzatzea, digitalizazioa, lankidetza, nazioartekotzea, hazkundea…

 

Lotutako albisteak

Europar  Batasunak  zigor  ekonomiko  eta  energetiko  berriak  onartu  ditu  Errusiaren  aurka
21/07/2025 Nazioartekotzea

Europar Batasunak zigor ekonomiko eta energetiko berriak onartu ditu Errusiaren aurka

Hamazazpigarren neurri-sorta honek Ukrainako gatazkari lotutako ontzi eta erakundeei eragingo die, eta pixkanaka-pixkanaka Errusiako erregai fosilekiko mendekotasuna ezabatzea aurreikusi du

Global  Trainingek  euskal  gazteentzako  nazioarteko  esperientzia  bultzatzen  du
15/07/2025 Nazioartekotzea

Global Trainingek euskal gazteentzako nazioarteko esperientzia bultzatzen du

Global Training laguntza-programa Euskadiko gazteen nazioarteko mugikortasuna eta prestakuntza errazteko diseinatuta dago. Programaren aurrekontua 6.445.000 €-koa da eta laguntzek ordaindutako praktika profesionalak eskaintzen dituzte atzerrian.

Europar  Batasunak  Itsaso  Beltzean  egonkortasuna,  garapena  eta  jasangarritasuna  bultzatzeko  plana  aurkeztu  du
12/07/2025 Nazioartekotzea

Europar Batasunak Itsaso Beltzean egonkortasuna, garapena eta jasangarritasuna bultzatzeko plana aurkeztu du

Estrategia Europako beste politika batzuekin koordinatuta garatuko da, EB zabaltzeko prozesua, Ekialdeko Elkartea eta Global Gateway estrategia barne.

Europar  Batasuna  eta  Arabiar  Emirerri  Batuak  negoziatzen  hasiak  dira  Golkoko  lehen  merkataritza-akordio  integrala  lortzeko
11/07/2025 Nazioartekotzea

Europar Batasuna eta Arabiar Emirerri Batuak negoziatzen hasiak dira Golkoko lehen merkataritza-akordio integrala lortzeko

Ondasun eta zerbitzuen merkataritza erraztu, inbertsioa sustatu eta merkataritza digitalaren garapena bultzatzea da negoziazio-prozesuaren helburua

1M  €-rainoko  laguntza  ematen  dizugu  zure  enpresa  2025  Nazioarteko  Gauzatu  programarekin  nazioartera  zabaltzeko
11/07/2025 Finantziazioa

1M €-rainoko laguntza ematen dizugu zure enpresa 2025 Nazioarteko Gauzatu programarekin nazioartera zabaltzeko

Nazioarteko Gauzatu programak nazioartekotzeko estrategiak garatzeko aukera ematen die euskal enpresei, eskatutako inbertsioei ekiteko baliabideekin eta finantzaketarekin hornituz. Interesik gabeko kredituak eskaintzen ditu, 1M euro artekoak, atzerrian instalazioak ireki, handitu edo berritzeko. Laguntza hau eskatzeko epea uztailaren 15ean hasteko da eta azaroaren 11an amaituko da.

Europako  Batzordeak  muga-zergak  ezarri  dizkio  Txinako  latorriari,  ‘dumping’  praktikak  detektatu  ondoren
10/07/2025 Nazioartekotzea

Europako Batzordeak muga-zergak ezarri dizkio Txinako latorriari, ‘dumping’ praktikak detektatu ondoren

Erabakia Bruselak hasitako ikerketaren ondoren hartu da, Europar Batasuneko ekoizleei eragindako kalteak identifikatuta.

Jauregiren  hitzetan,  “oraindik  aukera  dago  Estatu  Batuekin  merkataritza-akordio  ona  lortzeko”
09/07/2025 Nazioartekotzea

Jauregiren hitzetan, “oraindik aukera dago Estatu Batuekin merkataritza-akordio ona lortzeko”

Pradales Lehendakariaren mezua berretsi du: Euskadi prest dago joan den otsailetik Trumpen muga-zergen mehatxuari aurre egiteko.

Europar  Batasuna  Estatu  Batuekin  negoziatzen  ari  da  merkataritza  arloko  akordioa  lortzeko
03/07/2025 Nazioartekotzea

Europar Batasuna Estatu Batuekin negoziatzen ari da merkataritza arloko akordioa lortzeko

Batzordearen esanetan, AEBetako muga-zergek Europak Estatu Batuetara egindako esportazioen % 70i eragiten diete, 382.000 milioi euro inguruko inpaktuarekin.

Euskadi,  itsas-energia  eolikoan  espezializatutako  Koreako  azokan
03/07/2025 Nazioartekotzea

Euskadi, itsas-energia eolikoan espezializatutako Koreako azokan

Hego Koreako Offshore Wind Supply Chain Exhibition & Conference azokan Basque Trade & Investmenten bidez izandako parte-hartzeari esker, euskal industriaren gaitasunak eman dira ezagutzera sektoreko eragile nagusien aurrean

Euskal  sektore  aeronautikoa  Txinara  joan  da  Asiako  merkatua  gertutik  esploratzeko
25/06/2025 Nazioartekotzea

Euskal sektore aeronautikoa Txinara joan da Asiako merkatua gertutik esploratzeko

Euskal enpresa-ordezkaritza bat herrialde hartan dabil bisitari aste honetan, Basque Trade lagun duela, industria horretako eragile estrategikoekin harremanak finkatzeko

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.