Langabezia % 10etik behera, BPGa % 40tik gora industrian eta zerbitzu aurreratuetan, eta I+G Europako batez bestekoan
Existitzen den produkzio-egitura indartzearen aldeko apustua egin du Tapiak eta hiru trantsizio nagusien inguruan —energia- eta klima-trantsizioa, trantsizio teknologikoa eta digitala, eta trantsizio soziosanitarioa— sortzen diren aukerak aprobetxatuz
Erronken artean azpimarratzekoak dira Energia Trantsizioko eta Klima Aldaketako Legea, I+G+b arloan % 6 inbertitzeko apustuari eustea edo Enpresa Ertain eta Txikiak batez ere kontuan hartuz enpresei laguntzak ematea
Berotegi-efektuko gasen murrizketa, ekonomia zirkularra sustatzea eta Bioekonomia izango dira klimaren aldeko ekintzaren eta hondakinen kudeaketaren ardatz
Ekonomiaren Garapen, Jasangarritasun eta Ingurumeneko sailburu Arantxa Tapiak Eusko Legebiltzarrean aurkeztu ditu, bere sozietateekin batera, legealdi honetan jorratuko dituen gobernu-printzipioak, jarduketa-ardatzak, helburuak eta proiektu nagusiak. Honako eginkizun hau izango dute:
Enplegua sortzeko suspertze ekonomikoa areagotzea, eraldaketa digitala, ekologikoa eta soziosanitarioa egitura produktiboaren lehiakortasuna indartzeko aukera gisa onartuz, eta ingurumeneko irizpideak sektore-politika guztietan integratzea, ez baldintzatzaile gisa, baizik eta balioa handitzeko lehiaketa-faktore gisa.
Arantxa Tapia buru duen sailak bere gain hartuko ditu Iñigo Urkullu lehendakariak datozen lau urteetarako ezarri dituen Herri-gobernuaren hamar helburuetako bost:
- Langabezia % 10etik behera murriztea.
- Industrian eta zerbitzu aurreratuetan BPGd-aren % 40 gainditzea
- I+Gn bateratasuna lortzea Europako batez bestekoarekin
- % 30 murriztea berotegi-efektuko gasen emisioa.
- Energia berriztagarrien kuota energiaren amaierako kontsumoaren % 20 izatea lortzea.
Arantxa Tapiak Legebiltzarreko taldeei azaldu die lan hori nola gauzatuko duten. Helburua da “existitzen den produkzio-egitura indartzea eta hiru trantsizio nagusien inguruan —energia- eta klima-trantsizioa, trantsizio teknologikoa eta digitala, eta trantsizio soziosanitarioa— sortzen diren aukerak aprobetxatzea”.
Energia Trantsizioko eta Klima Aldaketako Legea, I+G+b arloan % 6 inbertitzeko apustuari eustea edo Enpresa Ertain eta Txikiak batez ere kontuan hartuz enpresei laguntzak ematea erronka garrantzitsuak izango dira. Bertan jada lanean ari da lau sailburuordetzen eta zortzi erakunderen inguruan egituratutako talde bat:
- Teknologia, Berrikuntza eta Lehiakortasuna
- Industria
- Nekazaritza, Arrantza eta Elikadura Politika
- Jasangarritasuna eta Ingurumena
- SPRI Taldea (BTI – Arrisku Kapitala – Sprilur- Parke Teknologikoak)
- EEE
- Neiker
- HAZI Fundazioa
- ELIKA
- IHOBE
- URA Agentzia
- EKP Euskadiko Kirol Portuak
Gobernu-helburuak bete ahal izateko, Ekonomiaren Garapen, Jasangarritasun eta Ingurumen Sailak lan egingo du enpresa-ehunari azpiegitura berriak —ukigarriak eta ukiezinak— emateko, adibidez, Data Center, Adimen Artifizialeko Zentroa edo 5G sarea.
Euskadi 2030 Lurralde Plan Sektorial berriak, Jasangarritasunari buruzko Legearen garapenak eta Energia Trantsizioko eta Klima Aldaketako lege berriak energia berriztagarrien iturriak areagotzen lagunduko dute, fracking gabeko Euskadin, eta gasa trantsizioko energia gisa mantenduz.
Berotegi-efektuko gasen murrizketa, ekonomia zirkularra sustatzea eta Bioekonomia izango dira klimaren aldeko ekintzaren eta hondakinen kudeaketaren ardatz; hala, adibidez, industria-hondakinen zentro publiko berria sortzea oso garrantzitsua izango da legealdi honetan.
Euskadin elikagaien ekoizpena handitzea izango da legealdiko beste helburuetako bat, lehen sektorea eta elikaduraren tokiko katea sustatuz, eta lurralde-oreka handiagoa bermatzea, landa eta itsasertzeko nukleoetan bizi diren eta lan egiten duten pertsonei bizi-kalitatea eskainiz.
Genero-ikuspegia eta aukera-berdintasuna lan-arlo guztietan agertuko dira: teknologiaren arloan, industriaren arloan eta lehen sektorean. Premiazkoa da emakumeak sektore guztietan duen eginkizuna txertatzea eta ikusaraztea.
AURKEZPENA
INDUSTRIA
Helburua: Industria eta zerbitzu aurreratuak BPGren % 40ra iristea
Testuinguru estrategikoa eta arauemailea: 2020-2024 aldirako Industria Plan berria
Jarduera-ildo nagusiak: -tokiko balio-kate berriak diseinatzea klusterrekin
– Gure industria-sarea bultzatuko duten proiektu estrategikoak bultzatzea.
– ETEei laguntzeko tresnak, lehiakortasuna hobetzeko, finantzaketa barne.
– Osasun-industria indartzea Basque Health Clusterren eskutik
Arreta berezia:
4.0 industria eta zerbitzu aurreratuak
• ETEen modernizazioa eta digitalizazioa
• Digitalizaziora bideratutako profesionalen prestakuntza eta gaikuntza
Azpiegitura digitalak eta ez-digitalak
• Industrialdeetan, parke teknologikoetan eta portuetan azpiegiturak modernizatzea, prest jartzea eta efizientzia
• Enpresa-sarearen zerbitzura dauden azpiegitura ukigarri edo ukiezin berriez hornitzea.
Lurzorua
• Dagoeneko urbanizatuta dauden eta erabiltzen ez diren lurzoruak eta/edo instalazioak berrerabiltzea
• Parke teknologikoen espazioak garatzea eta zabaltzea
Eremu kaltetuak eta zailtasunak dituzten enpresak
• Diskriminazio positiboa eremu behartsuetan (EBko zuzentarauaren arabera)
• Eskualdeko plan estrategikoak egitea
• Zailtasunak dituzten enpresak berregituratzea
Ekintza berriak eta/edo azpimarragarriak:
Industria Garapena
• Renove Makineria Plana
• Inbertsiorako laguntzak (Gauzatu,
Industria 4.0 eta Zerbitzu Aurreratuak
• BDIH Konexio programa
• Robotikara egokitzeko Renove 4.0 planak eta Digitalizazioa
• ETEen zibersegurtasuna programa Azpiegiturak
• Basque Artifical Intelligence Center
• Data Center publiko pribatu berria
• Banda zabal ultralasterra osatzea
• 5 g-ko luzapena, dagoen proiektu pilotutik abiatuta
Lurzorua
• Lurzoru kutsatuak eta degradatuak balorizatzeko eta sustatzeko finantzaketa-funtsa
Eremu kaltetuak eta zailtasunak dituzten enpresak
• Ezkerraldea Meatzaldeko Parke Teknologiko berria garatzea
• Indar, Bideratu Berria eta Bideratu Covid programa
Proiektu estrategikoak. Adibideak:
• Ibilgailu autonomo eta konektatuaren proiektua
• Hidrogenoaren estrategiari laguntzea
NAZIOARTEKOTZEA
Helburua: enpresen nazioartekotzea Coviden egungo nazioarteko testuingurura egokitzea
Testuinguru estrategikoa eta arauemailea: enpresak Nazioartekotzeko 2020-2024 Plan berria
Jarduera-ildo nagusiak
• Adimen lehiakor aurreratuaren eredua
• Kanpoko sarea indartzea
• Inbertsioak Euskadira erakartzea
• Aldebiko akordioak eskualdeekin Kanpo Ekintzarekin lankidetzan
• Enpresak nazioartekotzeko finantza-laguntza
• Nazioarteko merkatuetan espezializatutako profesionalak gehitzea
• Euskadi Basque Country marka indartzea eta bultzatzea
Ekintza aipagarriak
• Kanpoko sareko bulego berriak irekitzea
• Beint bekak eta Global Training bekak
IKERKETA ETA BERRIKUNTZA
Helburua: I+Gko konbergentzia lortzea Europako batez besteko inbertsio eta emaitzekin –, eta Euskadi Europako berrikuntza-gune bihurtzea.
Testuinguru estrategikoa eta arauemailea: PCTi 2030 berria + RIS3 estrategia
Jarduera-ildo nagusiak:
• Bikaintasuna, merkatuarekiko hurbiltasuna eta espezializazioa
• I+G RIS3ren arlo estrategikoetan eta aukera-nitxoetan ardaztea
• Zahartze osasungarria, mugikortasun elektrikoa eta ekonomia zirkularra ikertzeko ekimen eragileak
• Berrikuntza “azken miliaraino” zabaltzea
• Erosketa publiko berritzailea
• Industria-doktoretzak sustatzea, emakumeen parte-hartzea eta lidergoa bereziki sustatuta
Ekintza aipagarriak
• Urtetik urterako aurrekontua +% 6 handitzea I+G+Brako
• I+G arloko 120 proiektu estrategiko bultzatzea
• Berrikuntza ez-teknologikoko laguntza-programak
• Hazinnova: ETEen berrikuntzarako laguntzak
EKINTZAILETZA BERRITZAILEA
Helburua: enpresa teknologikoen sorrera % 10 handitzea eta Euskadi tokiko industriarekin lankidetzan arituko diren nazioarteko startup-en ekosistema traktore gisa kokatzea
Testuinguru estrategikoa eta arauemailea: 2020-2024 Ekintzailetza Babesteko Erakunde arteko Plan berria
Jarduera-ildoak:
• Espiritu eta kultura ekintzailea sustatzea
• Aholkularitza eta laguntza BICen bidez (enpresa-berrikuntzako zentroak)
• Aholkularitza-, mentoring- eta coaching-zerbitzuak
• Finantza- eta inbertsio-laguntzako tresnak hobetzea: ekintzaile, Aurrera eta Basque Fondo
• Nazioarteko merkatuetan sartzeko laguntzak
Ekintza aipagarriak:
• Leihatila bakarreko atari zentralizatu bat garatzea
• Bind 4.0ren urteko deialdia; guztira 800 akordio egin dira traktoreen eta tokiko eta nazioarteko startup-en artean.
• 1.000 ekintzailetza-proiektu babestea eta oinarri teknologikoko 450 enpresa berri sortzea
Lotutako albisteak
EBN 2025 kongresua BIC Bizkaia Ezkerraldean egingo da
Kongresua aukera paregabea izango da industria-energia trantsizioaren inguruan eztabaidatzeko, gure lurralde eta ekonomien etorkizunerako funtsezko gaia baita.
Hidrogenoaren euskal ekosistemak loturak estutu ditu Japoniarekin sektorearen nazioarteko foro nagusian
Ekintza hau, hidrogenoa ardatz energetiko estrategikotzat garatzeko 2023az geroztik Euskadi eta Japoniaren arteko lankidetza bultzatzea xede duen ekimen zabalago baten barruan gauzatu da.
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.