Ipar Amerikako 15 Estatuk euskal enpresak hautatu dituzte Estatu Batuetan inbertitzeko duten potentzialagatik
SPRI Taldean integratutako Nazioartekotzeko Euskal Agentziak eta AEBetako Enbaxadak hainbat Estatutako ordezkariak ekarriko dituzte Bilbora, negozio-aukeretarako gune gisa aurkeztu dezaten beren burua.
Azalpen-jardunaldirako izena emateko eta B2B bileren eskaera egiteko, hemen
Ipar Amerikako 15 Estatutako gobernuek adierazi dute Euskadi herrialde ekonomiko erakargarria dela enpresa arloko inbertsioak atzemateko, SPRI Taldean integratutako Nazioartekotzeko Euskal Agentziak eginiko tramiteei esker. Hala, martxoaren 13an lan-jardunaldi bat egingo da Bilbon, zeinak Ipar Amerikako Enbaxadaren babesa ere bai baitu. Jardunaldi horretan, aipatu Estatu horietako ordezkariek beren merkatuak eskainiko dizkiete euskal enpresei merkatu horietan inbertitu eta negozioak egin ditzaten. Horrez gain, aukera egongo da banan-banako B2B bilerak egiteko ekitaldian bildutako ordezkariekin.
Enbaxadako kideez gain, Euskadira etorriko dira Estatu hauetako ordezkariak: Colorado, Florida, Georgia, Illinois, Indiana, Iowa, Kentucky, Ohio, Tennessee, Virginia, South Carolina eta Maryland, New Jersey, Pennsylvania eta West Virginia, azken lau horiek First Energy enpresaren eskutik –Estatu Batuetako energia konpainia garrantzitsuenetako bat da, zienak laguntza ematen dien Estatu horietan kokatzea edo haztea helburu duten enpresei.
Misio bakar batean Ipar Amerikako hainbat Estatutako ordezkaritza handiena ekarri duen ekintza hau Europako beste sei hiritan baino ez da egingo: Porton, Bartzelonan, Madrilen, Erroman, Milanen eta Vicenzan. Jardunaldian izena emateko eta bilera pertsonalak eskatzeko, jo spri helbidera.
Estatu Batuak lehentasunezkoak dira Eusko Jaurlaritzaren Ekonomi Garapen eta Azpiegitura Sailaren Plan Estrategikoan, beraz, 15 Estatu horien Bilboko misioa aukera paregabea da estrategiaren helburuak lortzen jarraitzeko. Gainera, Arantxa Tapia sailburua Estatu Batuetara joango da haiek hona etorri baino astebete lehenago zuzeneko enpesa- eta instituzio-misio batean, Euskadiren eta Estatu Batuen arteko merkataritza harremanak sendotzeko.
Jardunaldiak ordubete iraungo du eta Nazioartekotzeko Euskal Agentziak Bilbon duen egoitzan egingo da, goizeko 11:00etatik 12:00etara. Ondoren, alde biko eta banan-banako bilerak egingo dira Estatu bakoitzeko ordezkarien eta inbertsioak handitu nahi dituzten edo Estatu horietan proiektu berriak garatu nahi dituzten enpresen artean, betiere aldez aurretik erregistratzen badira eta Estatu bakoitzak adierazitako interes sektorialen barruan kokatzen badira.
Merkataritza harremanak Euskadirekin
Estatu Batuak Euskadiko esportazioen hirugarren jomuga dira, Alemania eta Frantziaren atzetik. Hauek dira AEBetara esportatzen diren produktu garrantzitsuenak beren balio ekonomikoaren arabera: petrolioa, petroliotik eratorritako produktuak eta lehengai horrekin lotutakoak; errepideko ibilgailuak; burdina eta altzairua; metalezko produktu manufakturatuak eta makinak eta ekipo industrialak.
Esportazioek gorantz egin dute azken urteotan, salbu eta 2016an, urte horretan %10,50 jaitsi baitziren. Iazko azarora arte, %7,14ko hazkundea erregistratu zen 2017arekin alderatuta eta, aurreikuspenen arabera, aurtengo hazkundea 2017koaren berdina edo handiagoa izango da.
Nazioartekotzeko Euskal Agentziaren (Basque Trade & Investment) erregistroen arabera, 80 baino gehiago dira Estatu Batuetan merkataritza edota produkzio ezarpenen bat duten euskal enpresak, zeintzuek 130 establezimendu baitituzte guztira. Horietatik 38 produkzio lantegiak dira, 58 ordezkaritza komertzialak eta 12 zerbitzu-enpresak.
Lotutako albisteak
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz
Robotikak eta automatizazioak Euskadiren eta Txekiar Errepublikaren industriarako dituzten aukerak aztertu dituzte
Bilboko Merkataritza Ganberan egindako Euskadi – Txekiar Errepublika “Aukerak robotikan eta automatizazioan” jardunaldi ekonomikoan, Euskal Autonomia Erkidegoko hogei bat enpresatako ordezkariak eta ekonomiaren eta industriaren arloko beste eragile batzuk bildu dira.
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek bi txosten bildu ditu Smart Factory + Automation World 2025 ekitaldian parte hartu ondoren, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz