Industrial Green Deal: Estatu Batuen dirulaguntza ekologikoen planari erantzuteko epe luzeko estrategia
Europako Batzordeko presidente Ursula von der Leyen-ek epe luzeko estrategia bat aurkeztu du Davosen, zeinaren helburua baita erantzun bat ematea Estatu Batuek Inflazioa Murrizteko Legearen bitartez aurreikusi duten dirulaguntza ekologikoen planari. Estrategia horrek Industrial Green Deal du izena, eta bere asmoa da Europa teknologia garbiaren eta berrikuntza industrialaren babesgune bilakatzea zero isuri garbi lortzeko bidean.
Industrial Green Deal planak lau zutabe nagusi izango ditu: araudi-esparrua, finantzaketa, kualifikazioak eta merkataritza.
- Lehen zutabeari dagokionez, Batzordeak Zero Industria Garbiaren Legea (Net-Zero Industry Act) aurkeztuko du, helburu argiak finkatuko dituena Europako teknologia garbiarentzat hemendik eta 2030era, Chips legearen ereduari jarraiki. Xedea izango da inbertsioak hornikuntza-kate osoko proiektu estrategikoetan zentratzea (energia eolikoa, bero-punpak, eguzki energia, hidrogeno garbia, biltegiratzea eta abar) eta, partikularki, are gehiago sinpletzea eta azkartzea teknologia garbiak ekoizteko zentro berriak abiarazteko baimenak emateko prozesua. Lege hori Lehengai Kritikoen Legearen eskutik joango da, zeinaren helburua baita lur arraroak eta litioa bezalako lehengaien birfintze, eraldaketa eta birziklapen prozesua hobetzea Europan. Horrekin batera, EBk bere bazkide komertzialekin lan egingo du elkarrekin kolaboratzeko hornikuntzan, produkzioan eta eraldaketan, eta horrela Txinak gaur egun daukan monopolioa gainditzeko. Horretarako,lehengai kritikoen klub bat sortuko da, lankidetzan arituko dena antzeko ideiak dituzten bazkideekin –hasi AEBetatik eta Ukrainiaraino–, hornikuntza-kateak sendotzeko eta hornitzaile bakarrak dibertsifikatzeko.
- Finantzaketari dagokionez, Batzordearen asmoa da Estatuko laguntzei buruzko araudia egokitzea “krisi eta trantsizio garaiko aldi-baterako esparru” berri baten bidez,asko sinpletuko lituzkeena proiektu berdeei –eta bereziki energia berriztagarrien teknologia guztiei– ematen zaizkien Estatu-laguntzen gaineko arauak. Gainera, epe ertainera, Europako Subiranotasun Funts bat prestatuko da, urte amaieran egingo den aurrekontuaren berrikuspenaren barruan. Funts horrek egiturazko konponbide bat emango du baliabide gehiago eskaintzeko zero isuri garbi lortzeko funtsezkoak diren aurretiazko ikerketetarako, berrikuntzetarako eta proiektu industrial estrategikoetarako.
- Hirugarrenik, Bruselak langileen gaitasunak garatu nahi ditu aldaketa teknologikoei aurre egiteko.
- Laugarren lehentasun gisa, Von der Leyen-ek aipatu zuen bultzatu egin behar dela bidezko merkataritza irekia denon onurarako. Azken puntu horri dagokionez, presidenteak nabarmendu zuen ezinbestekoak izango direla hornikuntza-kate indartsu eta sendoak, energia garbiak mundu osoan zero isuri garbi sortuko baditu. Merkatu gehiagotara irekitzeko eta industriak behar dituen intsumoak eskuratzeko trantsizioa azkartu ahala, Europako ekonomiek gero eta menpekotasun handiagoa izango dute nazioarteko merkataritzarekiko. Zentzu horretan, asmo handiko agenda komertzial bat behar da akordio komertzialak ahalik eta gehien aprobetxatuz, besteak beste.
Lotutako albisteak
Hidrogenoaren euskal ekosistemak loturak estutu ditu Japoniarekin sektorearen nazioarteko foro nagusian
Ekintza hau, hidrogenoa ardatz energetiko estrategikotzat garatzeko 2023az geroztik Euskadi eta Japoniaren arteko lankidetza bultzatzea xede duen ekimen zabalago baten barruan gauzatu da.
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz