Industria sailburuordeak Txekiar Errepublikarekiko negozio-aukerak nabarmendu ditu, “industria sendoa” partekatzeagatik
Txekiar Errepublikan 35 euskal enpresa daudela adierazi du Javier Zarronandiak, Nazioartekotzeko Euskal Agentziak antolatutako Smart citiei buruzko jardunaldi batean
Bilbok eta Donostiak hiri-eredu adimenduna ezartzeko darabiltzaten proiektuak azaldu dituzte Euskadin bisitari dabilen txekiar ordezkaritza baten aurrean
Javier Zarronandia Eusko Jaurlaritzako Industria sailburuordeak Euskadik Txekiar Errepublikan dituen negozio-aukerak nabarmendu ditu, izan ere, biek antzeko ezaugarriak dituzte: “industria sendoa” eta “egonkortasun politikoa”. Zarronandiak ireki du asteazken honetan Bilbon, Nazioartekotzeko Euskal Agentziak eta Txekiar Errepublikaren Espainiako Enbaxadak Smart citien arloko lankidetza-aukerei buruz antolatu duten jardunaldia.
Ekitaldia, zortzi txekiar eskualderen eta Europa erdialdeko herrialde horretako dozena erdi bat enpresaren ordezkariak Euskadira egiten ari diren bisitaren harira gauzatu da. Bilbo ekitaldiaren egoitzatzat hautatu izanaren arrazoia Smart City bezala duen posizio nabarmena izan da, eredugarria bilakatu baita txekiar eskualde eta hirientzat hiri adimendunen arloko proiektuen aplikazioari dagokionez.
Industria sailburuordeak nabarmendu duenez, Euskadi eta Txekiar Errepublika oso antzekoak dira industriaren pisuagatik eta zenbait sektoreren indarragatik: makina-erreminta, equipo-ondasunak, automobilgintza edota aeronautika. “Gure bi herrialdeetan, industriak pisu handiagoa du BPGan [Europan duen % 19ko batez besteko pisua baino]. Txekiar Errepublikan % 29,6ko pisua du eta % 24,6koa Euskadin”, eta haren hitzetan, ehuneko hauek Alemania eta Espainiakoak baino altuagoak dira (% 22 eta % 16, hurrenez hurren).
Zarraonandiak gogoratu du 35 euskal enpresa Txekiar Errepublikan finkatuta daudela “eta guztiz eroso daudela txekiar industriaren ekosisteman”. Gainera, bi herrialdeen arteko esportazioen fluxua garrantzitsua da, 400 milioi eurokoa, Euskadin zein Txekiar Errepublikan dagoen egonkortasun politikoaren ildoan. Sailburuordeak adierazi duenez, azaroaren bukaeran, Eusko Jaurlaritzaren ordezkaritza batek Europa erdialdeko herrialdea bisitatuko du I+G eta automobilgintzari buruzko gaiak jorratzeko.
Ivan Jancárek Txekiar Errepublikak Espainian duen enbaxadorearen hitzetan, jardunaldi honek, enpresentzako negozio-aukerak ez ezik, bi administrazioen arteko harremanak ere indartu ditu. “Azaroko bisitak jarraipena emango dio oraingoari, Txekiar Errepublikaren eta Euskadiren arteko harremanak sakontzeko”.
Bilbo eta Donostiako ereduak
Ane Miren Ibáñez BilbaoTIK erakundeko zuzendari nagusiak Bizkaiko hiriburua ezartzen ari den Smart city ereduaren sei oinarriak aipatu ditu: gobernu adimenduna, ekonomia, mugikortasuna, osasuna, hezkuntza eta kutsaduraren murrizketa. “Smart city eredua sustatzeko 500 ekimen baino gehiago zehaztu ditugu”. Ibáñezek ziurtatu duenez, orain arteko aurrerapenik handienak gobernantzan, mugikortasunean eta ingurumenean lortu dira.
Ana Aizpuruk, Donostia Sustapenaren (Gipuzkoako hiriburuko garapen-agentzia) izenean, Smart city eredua inplementatzeko zazpi plan dituztela argitu du. Horien artean, Donostiako Parte Zaharra ardatz duen Smartkalea deritzona nabarmendu du, IKTen erabilera zabalduz eta ingurumenaren zein baliabideen senezko erabilera sustatuz herritarren bizi-kalitatea hobetzea xede duena. Abian dagoen beste plan bat da dagoeneko 38 eragile partaide dituen Replicate delakoa, energia aurreztea eta abiadura handiko haririk gabeko sarea instalatzea helburu dituena.
Jardunaldiaren amaieran, Txekiar Errepublikako zenbait eskualderen ordezkariek energiari, teknologia informatikoei eta garraioari lotutako proiektuak aurkeztu dituzte, Txekiar Errepublikaren garapen tekniko handian oinarritutakoak. Praga hiriburuak zenbait Smart proiektu abian ditu garraioan, turismoan eta datuen transmisioan.
Lotutako albisteak
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz
Robotikak eta automatizazioak Euskadiren eta Txekiar Errepublikaren industriarako dituzten aukerak aztertu dituzte
Bilboko Merkataritza Ganberan egindako Euskadi – Txekiar Errepublika “Aukerak robotikan eta automatizazioan” jardunaldi ekonomikoan, Euskal Autonomia Erkidegoko hogei bat enpresatako ordezkariak eta ekonomiaren eta industriaren arloko beste eragile batzuk bildu dira.
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek bi txosten bildu ditu Smart Factory + Automation World 2025 ekitaldian parte hartu ondoren, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz