Indar: Estatu Batuetako ur eskasiari aurre egiteko euskal soluzioa
Indar konpainiak arrakastaz amaitu ditu Las Vegasen munduko ur-ponparik indartsuenak ezartzeko lanak.
Garaiz eta forman. Erantzuteko epeak une oro betetzeko ohiturari jarraiki, Ingeteam taldeari atxikitako Indar Electric konpainia gipuzkoarrak arrakastaz bukatu berri ditu Las Vegaseko lur-azpian munduko ur-ponpa urperagarri handienak muntatzeko lanak.
Makroproiektu hau Colorado ibaiaren arroan eta bereziki Mead lakuan inoiz izandako lehorterik handienak eragin du, izan ere, bertako ur-mailak 40 metro baino gehiago egin du behera 2000. urteaz geroztik. Egoera honi aurre egiteko, Indarrek enpresaren historiako kontraturik handiena sinatu du (ia 70 milioi eurokoa), teknologia arloan duen talentu aparta frogatzeaz gain.
Horren harira, Indar talde multinazional handien gainetik nagusitu da proiektua gauzatzeko lanetan, eta nahierako soluzioa eskaini eta diseinatu du Estatu Batuetako eremu horretan bizi diren bi milioi pertsonarentzako arazo larriari aurre egiteko. Peio Garciandia Beasaingo konpainiako Ur Ingeniaritzaren arduradunak proiektuaren gakoak azaldu dizkigu.
Garaiz eta forman. Pozik egongo da bezeroa, Nevada Hegoaldeko Ur Sistema (SNWA)…
Bai, jauna. Euskaldunok emandako hitza zor, eta guk oso ondo dakigu hitza betetzen. Erabateko konpromisoa bezeroarekin.
Erronka itzelezkoa izan arren…
Erronka erabatekoa zen, izan ere, hutsetik diseinatu behar ziren merkatuan ez zeuden motordun ponpa-talde urperagarri batzuk, eta gainera, denbora-tarte laburrean egin behar genuen, gu baino askoz ere handiagoak diren lehiakideei aurre egiteko, eta gerora ikusi denez, aurrea hartzeko gauza izan ginen. Prozesu osoa ingeniaria arloko itzelezko lana izan da.
Hain da itzelezkoa, ezen, ponpa-talde horrek 140 metroko sakoneran egunean 900 milioi galoi ur ateratzeko gaitasuna izango baitu… Nola jar dezakegu hau dagokion testuinguruan?
Parekotasuna eginez gero, segundoro 250 bainuontzi betetzeko gaitasuna izango genuke. Horixe da proiektuak duen itzelezko gaitasuna: eguneko 900 milioi galoi ur bil ditzake Mead lakuaren alderik sakonenetik, proiektu honetarako propio diseinatu eta 4000kWeko baterako potentzia gara dezaketen 32 ponpa urperagarriren laguntzaz.
Munduko ur-ponpa urperagarririk handienak dira?
Sakontasuna eta fluxua kontuan hartuz, bai, munduko handienak dira. Oso-osorik fabrikatu genituen Beasaingo lantegian, gero Kaliforniako Long Beacheko portura bidali eta handik kamioietan eraman zituzten Nevada hegoaldera.
Tamaina horrelako proiektuek ondoriorik al dute gerora bezero berriak erakartzeari dagokionez?
Gertatu izan zaigu. Kalifornian une honetan itsasoko ura hartzeko ponpa batzuk bukatzen ari gara San Dieko konderriko ‘Bud’ Lewis Carlsbad gatzgabetze-instalaziorako. Hauxe da Estatu Batuetan egun dagoen itsasoko ura gatzgabetzeko instalaziorik handiena, eraginkorrena eta aurreratuena, teknologiaren ikuspegitik, izan ere, egunean 190.000 m3 inguru gatzgabetzeko gaitasuna du. Indarren ekipamendua 2020aren erdialdean funtzionatzen hasiko da, eta honek herrialde horretan abian dugun Water Engineering estrategia indartzeko aukera emango digu, luze gabe erreferentzia berriak lortzeko esperoan.
Estrategiaren helburua horren lehiakorra den herrialde horretan merkatuko nitxo hori lideratzea dela dirudi…
Jarduketa honekin, bazkide lidertzat posizionatu gara ur-ingeniaritzako urpeko proiektuetan, Estatu Batuetan dugun presentzia indartzeaz gain, izan ere, Wisconsin estatuko Milwaukee hirian, 150 langile dituen sorgailu eolikoak ekoizteko lantegi bat dugu.
Nola liteke, horrenbeste urteren ondoren eta tamaina txikiko ETEa izanik, zuen enpresa talde multinazional handien gainetik nagusitzea?
Nire ustez, arrazoia Indarren jatorri teknologikoa da, motorraren eta ponparen munduari lotutakoa, izan ere, esparru horietan ‘case study’ edo nazioarteko erreferentzia bihurtu gara. Azkenean, etxean egindako diseinua eta esperientzia zabala dira soluzioaren giltza eman digutenak. Eta nik uste dut oso-osorik asmatu dugula, guztiz interesgarria den nitxo bateko negozioa baita, hazkunde handi-handiko aurreikuspenak dituena.
Lotutako albisteak
Geinsak 30 herrialdetan baino gehiagotan presente dauden tratamendu-lerro automatizatuak fabrikatzen ditu
Bizkaiko enpresak 50 urte baino gehiago eman ditu sektorean erreferente gisa, eta gaur egun bere merkatuaren %70 inguru nazioartekoa da.
Hemolinek test anitzeko sistema portatila garatu du hemostasiaren diagnostiko azkar eta zehatza lortzeko
iLine Microsystemsek zuzendutako proiektua osasun-sektorerako dispositibo bat garatzen ari da, antikoagulatutako pazienteak tratatzeko. SPRI Taldearen Hazitek Laguntza Programaren babesa izan du.
EGOKIA proiektuak elkarlaneko ikaskuntza automatikoko plataforma aitzindari ziberseguru bat lortu du
Hazitek proiektu hau hamar bat euskal enpresa eta ikerketa zentrok garatu zuten, Mondragon Assembly buru zela.
Aracel proiektuak irtenbide berriak garatu ditu eraikuntzan energia-mendekotasuna murrizteko
Belako Lanak buru duela, karbono-aztarna baxuko mortero bat eta isolamendurako eko-panelak diseinatu ditu, SATE sistema batean integratzeko. SPRI Taldearen Hazitek laguntza-programaren babesa izan du.
Alterity, robotika mugikorrarentzat eta mugikortasun elektriko arinarentzat bateriak fabrikatzen dituen enpresa bizkaitarra
Elkarteak SPRI taldearen nazioartekotze-programaren laguntza bat jaso du, eta bezeroak ditu jada Italian, Suitzan eta Herbehereetan
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
HIMUGI proiektuak mugikortasunean eta garraioan aplikazioak dituen hidrogeno-propultsio sistema bat lortu nahi du
Euskal erakundeen arteko partaidetza eta lankidetza handia du, eta SPRIren Hazitek programaren laguntza ekonomikoa jaso du.
Diseinua, estrategia eta helburua: horrela egiten du lan Dot.-ek, erakundeei aldaketarantz laguntzen dien kooperatibak
Hainbat bulego ditu gaur egun, eta krisi testuinguru batean jaio zen, sortzaileak hainbat eszenatokitara egokitzera behartu dituena.
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
GuLink: Kulturak konektatzen eta negozioak sustatzen aro globalean
GuLinken modu estrategiko eta jasangarrian globalki hedatzea bilatzen duten enpresekin lan egiten dute.