Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Haizelur Debako ETEa da, balio erantsi handiko piezen doitasun-mekanizazioan jarduten du eta nazioartekotzearen aldeko apustua egin du. Azken zazpi urtetan, esportazioa minimoa izatetik fakturazioaren %35ekoa izatera igaro da. Enpresak bulego tekniko bat du eta pieza bakoitzaren mekanizazio-prozesuak optimizatzen dituzte bertan ingeniariek, 3D teknologiarik aurreratuenekin simulazioak eginez. Bi makina tridimentsionaleko gela bat ere badu, tenperatura konstantearekin, produktuen kalitatea eta zehaztasuna bermatzeko. Enpresak Eusko Jaurlaritzaren zibersegurtasun-programaren laguntza jaso du. Programak zibersegurtasuna sustatzen du euskal enpresetan, gai horri buruzko egitura ekonomikoa sortuz, SPRIk antolatuta.
Enpresa 1980an sortu zen Elgoibarren bost bazkideren ekimenez. Gipuzkoako udalerri horretako makina-erreminta eskolan ikasketak amaitu ondoren, enpresa sortu zuten doitasun-piezak mekanizatzeko. Bezeroak Elgoibarko enpresak ziren eta “hasieratik pieza oso doiak eskaintzen ziren, serie laburretan, baita unitarioetan ere”. Doitasuna enpresaren DNAn dago”, adierazi du Jose Luis Sudupe Haizelurreko kudeatzaileak.
Duela 23 urte erabaki zuten Itziarko industrigunera joatea, “bezeroetako bat hor zegoelako eta autopistatik gertu zegoelako”. Zerbitzua Elgoibartik kanpo zabaltzen hasi ziren eta bezeroen zorroa hogei ingurura iritsi zen.
Plantilla handitu egin zen eta duela zazpi urte mugarri garrantzitsu bat izan zen: pabilioia handitu zuten eta bi milioi euroko inbertsioa egin zuten lurzorua eta makinak erosteko. Inbertsio berriak nazioartekotzera begira egin zituzten, ordura arte minimoa baitzen.
“Plan estrategiko bat egin genuen eta gure bereizgarria gure doitasunaren eta kalitatearen kultura zen. Bulego tekniko propioari eta kalitatea kontrolatzeko gelari esker lortu dugu hori. Horrekin guztiarekin eta egindako inbertsioekin, etengabe esportatzen saiatzera ausartu ginen. Baina produktu propiorik ez genuenez, bezeroak erakargarri behar genituen, eta Gipuzkoako Merkataritza Ganberaren bitartez ari gara hori egiten”.
Haizelurrek doitasun-mekanizazioan jarduten du, “batez ere bost tonara hel daitezkeen piezak fresatu eta torneatzen ditugu. Bezeroak planoak bidaltzen dizkigu eta eskaintza bat prestatzen diogu horren gainean”. Eskaintzen duten kalitatea “pieza mekanizatu aurretik simulazioa egiten duen bulegoari” esker lortzen dute. “Hala, akatsak ekiditen dira makinan mekanizatzeko garaian. Eta gero beste urrats bat egiten dugu; gela tridimentsional bat dugu 20 graduko tenperatura konstantearekin eta bertan aztertzen dugu ea piezek planoan adierazitako tolerantziak betetzen dituzten. Hori da atzerriko bezeroek modu oso positiboan baloratzen dutena”.
Ekipo-ondasunetako (negozioaren % 55) sektoreentzat egiten dute lan batik bat, eta horren barruan sartzen dira, besteak beste, makina-erreminta, eta pneumatikoak, kartoiak edo botilak egiteko makinak. Horrez gain, siderurgian (% 10), defentsan (% 10), aeronautikarako tresnetan (% 10), robotikan (% 10) eta sektore hidraulikoan (% 5) ere jarduten dute. “Sektore exijenteak dira, baina eroso sentitzen gara exijentzia horretan”.
Haizelurrek 36 langile ditu eta urteko fakturazioa 3,5 milioi euro ingurukoa da. Atzerrira ateratzeari esker, esportazioak negozioaren % 35 izatera iritsi dira dagoeneko. “Duela zazpi urte atzerrian 25.000 euro fakturatzetik egun 1,2 milioi euro fakturatzera igaro gara”.
Orain 52 bezeroko ohiko zorroa dute eta horietatik 7 Frantzian daude, 2 Alemanian, 1 Herbehereetan eta 1 Finlandian. Haizelurrek 1.400 erreferentzia inguru mekanizatzen ditu urtean, batzuk serie unitario edo laburretan eta beste batzuk ertainetan.
Inbertsio handiak egiten dituzte, hiru edo lau urtean behin makina berriak erosten baitituzte. “Doitasunak berrikuntza behar du. Etengabe aldatzen ari den sektorea da”.
SPRI Taldearen zibersegurtasuneko programaren dirulaguntza digitalizaziorako erabili da, barne-informazioan zibersegurtasuneko arazoak ekiditeko. “Zerbitzari berri bat erosi dugu eta informazio mota bakoitza desberdindu eta segurtasun handiagoa ematen du”.
Erronkak dira nazioartekotzearekin jarraitzea –”Europako mekanizatzaileekin lehiatzen jarraitu nahi dugu”– eta makinetan eta langileetan egindako inbertsioarekin jarraitzea. “Jende gaztea hartu eta formatzen dugu. Urtero ditugu gazteak praktiketan”.
SPRI Taldeak bere kanaletan euskal enpresei beren jardueraren berri emateko aukera eskaintzen die. Zure proiektua gure gaiekin (I+G+b arloa, digitalizazioa, nazioartekotzea, ekintzailetza, berrikuntza…) lotuta badago, Zutaz mintzo gara ekimenean parte har dezakezu.
Lotutako albisteak
Makegik retrofitting industrialaren aldeko apustua egin du, nazioarteko hedapenerako bide gisa
Makina-erreminten eguneratzean espezializatutako enpresa gipuzkoarra merkatu aeroespazialean oinarritutako lan-ildo berriak garatzen ari da.
Veiss-ek 20 urte baino gehiago dihardu tokiko enpresa eta erakundeen eraldaketa digitalean laguntzen
Arabako enpresak webgune korporatiboak, mugikorretarako aplikazioak edo online dendak garatzen ditu sektore mota guztietarako.
Lancor, altxatzeko motor elektrikoen fabrikazioan Europako liderra
Abanto-Zierbenako enpresak SPRI Taldearen Gaitasun Digital Profesionalen programako laguntza jaso du eta esportaziorako produktu propioak garatzearen aldeko apustua egiten du.
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
Ormazabalek 20 milioi inbertitu ditu Igorreko lantegian bere industria ahalmena handitzeko
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
Mercanza: “Bezeroa bere datuen ustiapenean espezializatua bihurtzen dugu”
Enpresak eraldaketa digital tradizionala gaindituz soluzioak eta zerbitzuak eskaintzen ditu, enpresen eraginkortasuna eta produktibitatea bultzatzeko.
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
HIMUGI proiektuak mugikortasunean eta garraioan aplikazioak dituen hidrogeno-propultsio sistema bat lortu nahi du
Euskal erakundeen arteko partaidetza eta lankidetza handia du, eta SPRIren Hazitek programaren laguntza ekonomikoa jaso du.
Diseinua, estrategia eta helburua: horrela egiten du lan Dot.-ek, erakundeei aldaketarantz laguntzen dien kooperatibak
Hainbat bulego ditu gaur egun, eta krisi testuinguru batean jaio zen, sortzaileak hainbat eszenatokitara egokitzera behartu dituena.