Eusko Jaurlaritzaren BEINT beken onuradun izan diren eta gaur egun Washingtonen lanean diharduten euskal profesionalen topaketa
Bileran orobat parte hartu zuten BEINT 2020 programarekin Washingtonera iritsi diren bekadunek
Eusko Jaurlaritzaren BEINT programako bekadun izandako hainbat euskal gazte profesional Washingtonen elkartu ziren joan den urtarrilaren 30ean. Gazte horiek lanean ari dira egoitza Estatu Batuetako hiriburuan duten nazioarteko finantza-erakundeetan, hala nola, Munduko Bankuan, Nazioarteko Finantza Korporazioan eta Garapenerako Amerika arteko Bankuan. Finantza-erakunde horiek hainbat herrialdez osatutako organismoak dira eta finantzaketa nahiz aholkularitza teknikoa ematen dute garapena sustatzeko eta pobrezia desagerrarazteko.
Topaketan orobat parte hartu zuten BEINT 2020 programaren barruan Washingtonera iritsi diren bekadun berriek. Hala, hobeto ezagutu zuten zer egiten duten horrelako organismoek, eta aholkuak partekatu zituzten bekaren hirugarren fasea prestatzeko eta, agian, antzeko lanpostu bat lortzeko.
30 urtetik beherako ehun gazte inguru aurkezten dira urtero BEINT beketako bat lortzeko deialdira. SPRI Taldean integratutako Basque Trade & Investment – Nazioartekotzeko Euskal Agentziak eskaintzen du tresna hori, zeinaren helburua baita nazioartekotze arloko talentu berriak prestatzea euskal enpresa eta erakundeen premiei erantzun diezaieten. Beka hauek aukera paregabea dira goi-mailako unibertsitate titulazioa duten gazteek prestakuntza jaso dezaten nazioartekotzeari eta kanpo-merkataritzari buruz. Programa honen barruan, bekadunek erreferentziazko titulu propio bat eskuratzen dute, prestakuntza praktikoa jasotzen dute eta 8 hilabeteko egonaldia egiten dute mundu osoan zehar kokatutako euskal enpresetan.
34 urteko ibilbidea egin ondoren, talentu berriak nazioartekotzeko tresna honek ia % 100eko enplegagarritasun indizeak dauzka.
Lotutako albisteak
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz
Robotikak eta automatizazioak Euskadiren eta Txekiar Errepublikaren industriarako dituzten aukerak aztertu dituzte
Bilboko Merkataritza Ganberan egindako Euskadi – Txekiar Errepublika “Aukerak robotikan eta automatizazioan” jardunaldi ekonomikoan, Euskal Autonomia Erkidegoko hogei bat enpresatako ordezkariak eta ekonomiaren eta industriaren arloko beste eragile batzuk bildu dira.
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek bi txosten bildu ditu Smart Factory + Automation World 2025 ekitaldian parte hartu ondoren, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz