Eusko Jaurlaritzak “ziurtasuna eskaintzen du industriaren aldeko apustuaren bitartez”, Javier Zarraonandia sailburuordearen esanetan
Zarraonandiak nazioartekotzearen finantzakeari buruzko jardunaldi batean nabarmendu duenez, industriak eta zerbitzu aurreratuek biltzen dute Euskadiko aberastasunaren % 50
SPRI Taldeko Arrisku Kapitalaren Kudeaketak 138 milioi euroko guztizko partaidetza du egun 92 enpresatan
“Ziurgabetasunaren aurrean, Brexitari, Alemaniaren atzeraldiari eta Estatu Batuen eta Txinaren arteko merkataritza arazoei aurre eginez, ziurtasuna eskaini nahi dugu elkarri lotutako industriaren eta zerbitzu aurreratuen aldeko apustuaren bitartez”, adierazi du asteazken honetan Bilbon Javier Zarraondandia Eusko Jaurlaritzako Industria sailburuordeak, SPRI Taldeari atxikitako Nazioartekotzeko Euskal Agentziak enpresen nazioartekotzea finantzatzeko tresnei buruz antolatu duen jardunaldiaren barruan.
Sailburuordeak nabarmendu duenez, industriak eta zerbitzu aurreratuek biltzen dute Euskadiko Barne Produktu Gordinaren (BPG) % 50, “eta ondorioz, gure ekonomiaren erdigunea dela esan dezakegu”. Ildo horretan, Eusko Jaurlaritza “ekintzailetzarako laguntzak, banda zabalaren ezarpena eta nazioartekotzea bera” tarteko dituen ekosistema bultzatzeko lan egiten ari dela gaineratu du.
Zarraonandiak esportazioen uztaileko datua aipatu du, % 9 jaitsi baitziren Euskadin, baina automobilgintzan lortutako indize positiboa ere nabarmendu du, % 22ko hazkundearekin. “Gure ekonomia erabat nazioartekotuta dago, eta Nazioartekotzeko Euskal Agentzia sortzeaz gain, lehia-adimenaren unitatea ere eratu dugu. Horrekin batera, gure kanpo-sarea zabaltzen ari gara. Hori guztia, finantzaketa-tresnen laguntzaz eta sektore pribatuarekiko lankidetzaz”.
José Luis Curbelo Cofideseko (espainiar enpresen nazioartekotzea finantzatzeaz arduratzen den Estatuko agentzia) presidenteak goraipatu egin du sailburuak industria eta zerbitzu aurreratuen arteko loturaz esandakoa. Jarraian, Cofidesen ezaugarriak argitu ditu, izan ere, hauxe da klimaren inguruko funtsak kudeatzeko akreditatuta dagoen Espainiako agentzia bakarra. “Gure zorroan, 1.000 milioi euro eta 250 proiektu ditugu. Beste agentzia batzuen aldean, ez dugu lan egiten bakarrik garatzeko bidean dauden herrialdeetan, baita herrialde garatuetan ere”.
Curbeloren esanetan 75.000 eta 40 milioi bitarteko proiektuak finantzatzen dituzte, bezeroaren neurrira egindako maileguak eta bonuak eskaintzeaz gain. “Euskadin 132 proiektu finantzatu ditugu 522 milioirekin, eta 2.600 milioi baino gehiago sorrarazi dituzte inbertsioetan”. 145.000 lanpostu baino gehiago proiektu horiek sustatu dituzten euskal enpresei lotuta daudela eta enpresa onuradunen % 56 ETEak direla gaineratu du.
Josu Garay Finantzen Euskal Institutuko presidenteak adierazi duenez, nazioartekotze arloan, esportazioei zuzendutako laguntzak dituztela, “edozein kontratutarako, milioi bat eurorainoko kreditu-polizekin”, baita Brexitaren ondorioz zailtasunak izan ditzaketen enpresei laguntzeko ildo berritzaile bat ere. Nazioartekotzeko Euskal Agentziak eta Cofidesek nazioartekotzea finantzatzeko gauzatu duten akordioa ere aipatu du.
Zenon Vázquez Elkargiko zuzendari nagusiak erakunde honetara hurbiltzeko gonbidapena luzatu die euskal ETEei, prestakuntza zein kontsultoretzarekin batera eskaintzen dituen finantzaketa-zerbitzuak ezagutzeko aukera izan dezaten.
Yolanda Beldarrain SPRI Taldeari atxikitako Arrisku Kapitalaren Kudeaketako zuzendari nagusiaren hitzetan, enpresetan parte hartzea da erakundearen jarduera nagusia, “beti gutxiengo bezala, kudeatu gabe, 100.000 euro eta bost milioi bitarteko kopuruen bitartez”. Enpresetan izan ohi duen presentzia 5 eta 7 urte bitartekoa da, “eta gure irteerak argi egon behar du hasi-hasieratik”.
Egun, Arrisku Kapitalaren Kudeaketak 138 milioi euroko guztizko partaidetza du 92 enpresatan. “Izaera berritzailearekin eta nazioartekotzearekin batera, beren-beregi baloratu ditugu bazkideen apustua eta inbertsiokidetza, alderdi positibo bezala”, ziurtatu du Yolanda Beldarrainek.
Lotutako albisteak
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz
Robotikak eta automatizazioak Euskadiren eta Txekiar Errepublikaren industriarako dituzten aukerak aztertu dituzte
Bilboko Merkataritza Ganberan egindako Euskadi – Txekiar Errepublika “Aukerak robotikan eta automatizazioan” jardunaldi ekonomikoan, Euskal Autonomia Erkidegoko hogei bat enpresatako ordezkariak eta ekonomiaren eta industriaren arloko beste eragile batzuk bildu dira.
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek bi txosten bildu ditu Smart Factory + Automation World 2025 ekitaldian parte hartu ondoren, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz