Euskal kooperatiba batek munduko bitrozeramika foku erradianteen erdia inguru ekoizten du
Nazioartekotzearen eta berrikuntza teknologikoaren aldeko apustua egin duen tokiko enpresa baten erakusgarria da Eika, beti ikuspegi soziala galdu gabe. 70eko hamarkadan sortu zen bero elektrikoa sortzen duten osagaien konpainia hau, industrializazio gutxiko eremu batean lanpostu berriak sortzeko eta gazteen emigrazioa saihesteko. Egun 1.100 langile ditu, bere egoitza den Etxebarrian (520), eta bere filialetan: Txekian (90), Mexikon (370) eta Polonian (120).
Kooperatiba hau Mondragon Korporazioko kide da 1991tik, eta 2000. urtean nazioarteko merkatura abiatu zen, Txekiar Errepublikan lehen filiala ireki zuenean. Horren ondoren beste bi ireki ziren, bat Mexikon 2004an, Estatu Batuetako merkatura irekitzeko helburuarekin, eta bestea Polonian 2006an. Kooperatibak zehaztu duenez, “garrantzitsua da beti kontuan izatea gure kanpoko plantak ezarpenak direla eta ez deslokalizazioak; ez gara kanpora ateratzen gure produktuen fabrikazioan kostu txikiagoak lortzeko, baizik eta urrutiko merkatuetan presente egoteko; izan ere, Etxebarrian fabrikatutako gure produktuek bidaiatzeko zailtasun handiak izango lituzkete“, azaldu du Iñigo Arrieta Eikako kontseilu errektoreko presidenteak.
Bilakaera horri esker, Bizkaiko konpainiak bere espezialitatearekin lotutako produktu berriak integratu ahal izan ditu, hala nola, interfaz elektrikoak, erresistentzia elektrikoak edo termostato elektrikoak, eta negozio-lerro berriei lotutako beste batzuk, hala nola Isoleika markako ultra-isolamendu termikoa. Horrela, mundu mailako presentzia “esanguratsua” lortu du, “enpresa multinazional handiekin” lehiatzea lortu du, bere garapen-gaitasuna gaindituz, eta 200 milioi bitrozeramikarako foku erradiante fabrikatzea lortu du. “Bero elektrikoa sortzeko elementu horien fabrikazioa 1995ean hasi zen, eta gaur egun munduan instalatuta dauden elementuen erdia inguru Eikak egin dituela esan dezakegu. Are gehiago, 200 milioi foku erradiante horiek ilaran jarrita, munduari bira emango liokete“, gaineratu du Arrietak.
Enpresen garapenean inbertitzeaz gain, Eikak “garrantzi handia” ematen dio arlo sozialean inbertitzeari. “Enpresaren helburu nagusia, hasieratik, eskualdean emakumeen kalitatezko enplegu industrial iraunkorra sortzea izan da, eta, gaur egun, langileen % 50 baino gehiago emakumeak dira. Etorkizunean hori ere mantendu nahi dugu, noski“, azpimarratu dute kooperatibatik.
Automatizazioa, enpleguari eutsiz
Eika, historikoki, bero elektrikoa sortzen duten osagaien muntaketan oinarritutako enpresa izan da. Hala ere, “lehiakortasunean irabazteko beharrak” hasiera batean kanpoko hornitzaileei erosten ziren osagaietako asko konpainian integratzera eraman du. Hori guztia, “ezagutza areagotzen eta langile kualifikatuen lana sortzen lagundu duten hainbat teknologia txertatzeari esker”, adierazi du kontseilu errektoreko presidenteak.
Arrietak azpimarratu duenez, “integrazio horiek, munduko kuota etengabe handitzearekin batera, Etxebarrian lanpostu iraunkorrak mantentzen laguntzen dute; izan ere, azken 15 urteetan, eta prozesuak etengabe automatizatu diren arren, plantilla 500 pertsonatik gora mantendu da bertan“.
Azken urteetan integratutako teknologien artean daude agregakina oinarri bezala erabiliz material isolatzaileak fabrikatzea, zinta eroaleak sortzea edo zeramika teknikoak prentsatzea eta sintetizatzea. Kooperatibak I+Gn inbertitzen jarraitu nahi du; izan ere, Arrietaren arabera, “I+Gren aldeko apustua beharrezkoa da lehiakortasunari eusteko, eta norabide horretan jarraituko dugu, inbertsioa gure eragin-eremuko ekoizpen-modu eta produktu berrien garapenera bideratzen, beste eremuetan presente egotea baztertu gabe”.
Euskal enpresen nazioarteko proiektuak bultzatzea da SPRI Taldearen helburuetako bat; izan ere, Basque Trade and Investment Nazioartekotzeko Euskal Agentziaren bidez, leihatila bakarraren bidez bere baliabide eta laguntza guztiak jartzen ditu enpresen eskura, sektore eta herrialde desberdinen ezagutza partekatuz.
Lotutako albisteak
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz
Robotikak eta automatizazioak Euskadiren eta Txekiar Errepublikaren industriarako dituzten aukerak aztertu dituzte
Bilboko Merkataritza Ganberan egindako Euskadi – Txekiar Errepublika “Aukerak robotikan eta automatizazioan” jardunaldi ekonomikoan, Euskal Autonomia Erkidegoko hogei bat enpresatako ordezkariak eta ekonomiaren eta industriaren arloko beste eragile batzuk bildu dira.
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek bi txosten bildu ditu Smart Factory + Automation World 2025 ekitaldian parte hartu ondoren, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia