Euskal ETEek 15 milioi eurotik gora eskura dezakete berrikuntzarako Europako laguntzen bidez
SPRI Taldeak, Innobasque-k eta BEAZek antolatutako jardunaldi batean ezagutzera eman dira Eurostars eta Innowwide programek eskaintzen dituzten finantzaketa aukerak
Innowwide programa pilotu bat da, eta bere helburua da arriskuak murriztea EBtik kanpoko herrialde batean I+G-ko produktu bat garatzen hasi aurretik
Euskal enpresek, eta batik bat ETEek, gero eta maizago erabiltzen dituzte Europar Batasuneko funtsak finantzazio iturri bezala. SPRI Taldeak (enpresen garapenerako euskal agentziak), Innobasque-k eta BEAZek jardunaldi bat antolatu dute astearte honetan Bilbon, non hizpide hartu baitituzte berrikuntza finantzatzeko bi tresna hauek: Eurostars programa eta Innowwide ekimen pilotua. Bi programen artean 15 milioi eurotik gorako laguntzak eskainiko dituzte aurten.
SPRI Taldeko Teknologia eta Berrikuntzako zuzendari Aitor Cobanerak eman dio hasiera jardunaldiari, esanaz ekitaldiaren helburua dela, batetik, “euskal enpresei laguntzea Eurostars ekimenean ahalik eta baldintza onenetan parte hartzen” eta, bestetik, Innowwide programa berria aurkeztea.
Cobanerak azpimarratu du azken bost urteotan Eurostars programak 23 euskal enpresaren 18 proiektu finantzatu dituela, zeintzuek Estatuko Berrikuntza Agentziaren (CDTI) 5,5 milioi euroko finantzaketa jaso baitute. Innowwide ekimenari buruz esan du programa pilotu bat dela, helburutzat duena ETE berritzaileak nazioarteko merkatuetan kokatzea.
Hain zuzen, bihar irekiko da aurtengo bigarren fasea, 4 milioi euroko aurrekontuarekin. Lehen fasean 50 proiektu finantzatu dira, horietatik 20 Espainiakoak.
CDTIko ekintza teknologikoko programen zuzendari Javier Cañizaresek aipatu du Innowwide “ez dela esportaziorako laguntza bat, baizik eta tresna bat enpresa berritzaileak kokapen abantailatsuan jartzeko nazioarteko merkatuetan. Tokiko bazkideak EBtik kanpoko herrialde batekoa izan behar du, eta ez Europakoa”. Ekimen horren bidez finantzatzen dira VAPS direlakoak, bideragarritasun tekniko eta komertzialaren arloko balorazio azterketak, hau da, I+G-ko proiektu bat garatzen hasi aurretik egin beharreko urratsa. Azterketa horiek definitzen dute negozio-eredu berritzailea.
Hala, programa honek murriztu egiten ditu atzerriko merkatuan I+G-ko produktu bat garatzen hasi aurreko arriskuak. Teknologia sortu aurreko fasea finantzatzen du.
Proiektu bakoitzak gutxienez 86.000 euroko aurrekontua izan behar du, eta laguntza 60.000 eurokoa da. Deialdia seguruenik asteazken honetan (urtarrilak 15) irekiko da, eta eskaerak aurkezteko epea martxoaren 31n amaituko da. “Gomendatzen dizuet lehenengo EBtik kanpoko herrialde bateko bazkidea bilatzea”.
SPRI Taldeko kide eta Enterprise Europe Network (EEN) sarearen (nazioarteko proiekzioa duten ETEei laguntza emateko munduko sare handiena) Euskadiko koordinatzaile Arturo Antonek hizpide hartu du erakunde horren lana: laguntza eskaintzen du nazioarteko bazkideak bilatzeko, berrikuntza babesten du eta aholkularitza ematen du nazioartean hazteko.
Óscar González Llamazares, CDTIko ebaluazio eta lankidetzako zuzendaria, Eurostars programaz mintzatu da eta esan du finantzaketa deszentralizatua duela, hau da, agentzia bakoitzak bere herrialdeko enpresak finantzatzen dituela. Ekimen horrek 45 herrialde barne hartzen ditu (EBko guztiak, Ipar Amerika, Hego Amerikako hainbat herrialde, Hegoafrika, Israel edo Turkia), helburutzat harturik “nazioarteko lankidetzako proiektuak bideratzea. 45 herrialde horietako agentziok sinkronizatu egiten ditugu gure finantzaketa-tresnak”.
Óscar Gonzálezen arabera, “arrakasta-tasa handia duen programa bat da, zehazki % 25ekoa”. Aurten, 11,2 milioi euroko aurrekontua du Espainiako enpresentzat.
Eureka programako idazkaritzako (Eurostars ekimena programa horren barruan dago) Project officer Gabriel Martinek laguntzak eskuratzeko irizpideak azaldu ditu, eta horien artean aipatu du ETEek beren gain hartu behar dutela aurrekontuaren % 50a.
Nerea Anacabe (Tecnalia-ko eta Eurostars programako aditu batzordeko kidea) proposamen lehiakor bat prestatzeko moduaz mintzatu da eta María Delgado (CDTIko kidea eta Eurostars programako Proyect Officer-a), berriz, onartutako proiektuen finantzaketaz, eta aipatu du zein garrantzitsua den atzerriko bazkidea ongi aukeratzea.
The Art of Discovery-ko zuzendari nagusi Iñigo Angulo Barturenek Eurostars programan izan duten arrakastaz hitz egin du. The Art of Discovery BIC Bizkaian dago kokatuta eta malariaren aurkako farmakoak ikertzen ditu. Holandako enpresa batekin bat egin zuten, produktu bakar bat eskaintzeko malariari aurka egiteko sortzen diren munduko estrategia guztientzat, eta gomendatu du komeni dela CDTIko profesionalen taldea kontsultatzea proposamena prestatzean. “Eurostars palanka paregabea da proiektu berriei ekiteko” esan du.
Lotutako albisteak
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
Robotikak eta automatizazioak Euskadiren eta Txekiar Errepublikaren industriarako dituzten aukerak aztertu dituzte
Bilboko Merkataritza Ganberan egindako Euskadi – Txekiar Errepublika “Aukerak robotikan eta automatizazioan” jardunaldi ekonomikoan, Euskal Autonomia Erkidegoko hogei bat enpresatako ordezkariak eta ekonomiaren eta industriaren arloko beste eragile batzuk bildu dira.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek bi txosten bildu ditu Smart Factory + Automation World 2025 ekitaldian parte hartu ondoren, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz