Euskadik hidrogenoaren aldeko apustua aurkeztu dio Frantziari Tourraren iritsierarekin
Eusko Jaurlaritzak Frantziako Tourraren iritsiera baliatu du Frantziako erakundeei energia berriztagarrien aldeko apustua aurkezteko, hala nola hidrogenoarena. SPRI Taldearen barruan dagoen Euskadiko Nazioartekotze Agentziak, Business Francek, Okzitaniako Gobernuak eta Credit Lyonnaisek (Tourreko babesle nagusia) antolatutako jardunaldi batean aurkeztu dituzte Euskadiren eta Frantziaren estrategia energetikoak.
Jardunaldia Mikel Amundarain Industriako sailburuordeak zabaldu du eta nabarmendu du Frantzia dela Euskadiren bazkide komertzial nagusietako bat. “Euskadiko 90 enpresa baino gehiago daude Frantzian”, gogorarazi du, eta aipatu du aurten harremana indartu egingo dela Parisko Gobernuaren ordezkaritza berriarekin.
Amundarainek adierazi du hidrogenoa dela “etorkizuneko apustu handia” Euskadi sektorean erreferente bihurtzeko eta “Hidrogenoaren Euskal Korridorea bezalako proiektu gakoen bitartez” ekosistema sortzeko. Azken 30 urtetan izan den nahasketa energetikoaren aldaketa aipatu du. 1990ean energiaren % 20 ikatzetik zetorren eta egun desagertu egin da ia. Halaber, areagotu egin da gasaren erabilera, % 12tik % 35era.
“Euskadiren helburua da 2050ean erabat deskarbonizatzea. Lehen sortze-fabrika handiak zeuden, orain bakoitzak izan ditzake panelak, kooperatibak, eta Euskadik indar handia du horretan”. Sailburuordeak aipatu du Euskadiko 2023era bitarteko energia-estrategiaren xedea dela “Europan erreferentziazko lurraldea” izatea eta 2024an energia berriztagarrien kuota amaierako energia-kontsumoaren % 20 izatea. Zehaztu du planak zortzi energia berriztagarri motatan oinarritzen direla: eolikoa, fotovoltaikoa, hidrogenozkoa, biomasa, biometanoa, ozeanoa, olatuak eta karga elektrikoa.
Hidrogenoaren kasuan, nabarmendu du 38 proiektu baino gehiago daudela Hidrogenoaren Euskal Korridorean, eta 3.000 milioi eurotik gorako inbertsioa dago. “Eolikoetan industria-ekosistema oso sendoa dugu, 150 enpresa baino gehiagorekin, 15.700 milioi euroko fakturazioarekin eta 5.000 langile baino gehiagorekin”.
Basquevolt proiektua
Bi proiektu aipatu ditu: litiozko bateria solidoak egiteko Basquevolt proiektua, Gasteizen lantegi handi bat ezartzeko helburua duena, eta Basque Net-Zero Supercluster, industria deskarbonizatzeko teknologiak identifikatzeko proiektu publiko-pribatua.
Jorge Martin Invest in Franceko zuzendariak Frantziako inbertsioen plana azaldu du. 2023ra bitarte 54.000 milioi euro bideratu dituzte berrikuntzara, industriaren eta teknologiaren suspertzera eta prestakuntzara, eta horietatik 12.000 gastatu dira. “Helburua da Frantzia karbono baxuko hidrogenoan liderra izatea, 9.000 milioirekin”.
Jalil Benabdillah Okzitaniako Gobernuko Ekonomia, Enplegu, Berrikuntza eta Berrindustrializaziorako presidente ordeak azaldu du 6 milioi biztanleko Frantziako eskualde horrek 170.000 milioi euroko BPG duela, eta liderra dela munduan aeronautika zibilean eta Europan espazioko aeronautikan. “Hidrogenoa garatzeko 300 ikerlari eta adituren proiektua dugu”.
Credit Lyonnaiseko Odile Doyetek energia gaietan aholkularitza jasotzeko bankuak duen aholkularien taldea aipatu du, eta Phillippe Sudres Tourreko komunikazio-arduradunak nabarmendu du txirrindularitza-lasterketaren antolakuntzako autoak hibridoak direla % 100ean, eta 2024rako “ibilgailu guztiek, Tourrean akreditatutakoak barne, elektrikoak izan beharko” dutela. Erantsi du plastikoa ezabatu dutela eta proban zehar 100.000 poltsa berrerabilgarri banatzen dituztela.
Jardunaldia amaitzeko hizketaldia egin dute Frantziako Tourraren gainean. Aitor Urzelai SPRI Taldeko zuzendari nagusiak gidatu du eta Julian Gorospe eta Marino Lejarreta euskal txirrindulari ohiak izan dira hizlari. Arantxa Tapia Ekonomiaren Garapeneko, Jasangarritasuneko eta Ingurumeneko sailburuak ere hitz batzuk esan ditu eta honakoa nabarmendu du: “Okzitanian jarduketa bateratua egiteko eta energia eta aeronautika gisako ikuspegi espezializatuetan harremana indartzeko aukera handia dugu”.
Lotutako albisteak
Hidrogenoaren euskal ekosistemak loturak estutu ditu Japoniarekin sektorearen nazioarteko foro nagusian
Ekintza hau, hidrogenoa ardatz energetiko estrategikotzat garatzeko 2023az geroztik Euskadi eta Japoniaren arteko lankidetza bultzatzea xede duen ekimen zabalago baten barruan gauzatu da.
Mikel Jauregi: “deskarbonizazio adimentsuaren aldeko apustua egiten dugu, eta bide desberdinetatik hel gaitezke horretara”
Sailburuak adierazi duenez, Euskadi, azken hilabeteotan, ahalegintzen ari da bertako industriak eta bertan ezarri nahi diren enpresa-proiektu berriek eskatzen duten potentzia lortzen
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
Bizitegi-jabeen komunitateetako instalazio elektriko zaharrak berritzeko inbertsioetarako laguntza-programa
EEEren programa Deskarboniza programaren parte da
Energia berriztagarrien bidez autokontsumorako energia elektrikoa sortzeko eta kontsumo termikoak elektrifikatzeko laguntza-programa
EEEren programa Deskarboniza programaren parte da
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura