Energia Klusterrak eta Fluidexek lankidetza hitzarmena sinatu dute
Energia Klusterrak eta Fluidexek sinatutako lankidetza-akordioak bi erakundeen arteko lankidetza-esparrua sortu eta garatzea du helburu, elkarren arteko jarduerak gauzatu ahal izateko, bereziki “Oil&Gas” sektorean.
Akordio honekin, bi elkarteei atxikitako enpresen lehiakortasuna eta nazioarteko posizionamendua hobetu nahi dira, berrikuntza teknologikoa, nazioartekotzea eta zaintza estrategikoaren arloetan bideratu beharreko jarduketen bitartez.
Akordioa 2019an gauzatzen hasi da lankidetza bidezko zenbait jardueraren bitartez: Saudi Aramcoren alderantzizko misioa eta Aberdeen-eko SPE Offshore Europe Azokan eta Abu Dhabiko ADIPEC Azokan izandako parte-hartzea.
Luis Rodríguez Llopis Energia Klusterra Elkarteko (ACE) Presidenteak eta Alex Eizmendi FLUIDEX Elkarteko Presidenteak bi erakundeen arteko lankidetza-akordioa sinatu dute gaur, elkarren arteko jarduerak egitea erraztuko duen lankidetza-esparrua sortu eta garatzeko. ACE eta FLUIDEX elkarteei atxikitako enpresen lehiakortasuna eta nazioarteko posizionamendua hobetzea da akordioaren helburu nagusia, “Oil&Gas” merkatuan duten presentzia indartuz eta produktu eta zerbitzuen eskaintzan lidergoa lortu eta merkatu-segmentu berriei (“offshore”, “subsea”) zein merkatuko eremu geografiko berriei ekitearen alde egin duten apustua babestuz. Era berean, Akordioan, eguzki-energiaren sektorean baterako jarduerak egiteko aukera aurreikusi da.
Bakoitzaren estrategiei jarraiki, ACEk eta FLUIDEXek modu positiboan baloratu dituzte bazkideei eskaini ahal dizkieten sinergiak eta balio erantsia, bi elkarteei atxikitako enpresei eta eragile ekonomikoei jarduerak modu koordinatu eta bateratuan zuzenduz. Horren kariaz, Akordioan esparru hauetan jarduerak bideratzea aurreikusi da:
. Berrikuntza teknologikoa: Fluidex elkarteari atxikitako enpresek ACEk “Oil&Gas” eta Eguzki sektoreen inguruan bultzatutako Lan Taldeei buruzko informazioa jasoko dute, horietan parte hartzeko aukera azter dezaten.
. Nazioartekotzea: Bi elkarteei atxikitako enpresek batak zein besteak antolatutako zuzeneko eta alderantzizko misioetan eta nazioarteko azoka eta ekitaldietan parte hartu ahal izango dute, lehentasun eta baldintza tekniko eta ekonomiko berberetan.
. Zaintza estrategikoa: Bi elkarteei atxikitako enpresek ACEk antolatutako “Oil&Gas” eta Eguzki sektoreetako topaguneetan landutako Lehia Adimenari buruzko informazio eta dokumentuetarako sarbidea eta foro horietan parte hartzeko aukera izango dute.
Akordioa gauzatzen hasia da 2019an garatutako lankidetza bidezko zenbait jardueraren bitartez; hala nola, Saudi Aramcoren arduradunen alderantzizko misioa, Aberdeen-eko (Erresuma Batua) SPE Offshore Europe Azokan izandako baterako standa edo Abu Dhabiko (Arabiar Emirrerri Batuak) ADIPEC Azokara bidalitako misioa.
Energia Klusterra eta Fluidex
Energia Klusterra euskal energia sektorearen lehiakortasuna hobetzea xede duen irabazi-asmorik gabeko elkartea da, betiere ETEei arreta berezia emanez eta enpresen arteko elkarlana eta lankidetza publiko-pribatua baliatuz, bazkideei teknologia, nazioartekotzea, talentua, berrikuntza eta iraunkortasunaren arloetan balio-ekarpena egiteko asmoz. Egun, 165 enpresak eta erakundek osatzen dute: energia operadoreak, ekipo eta osagaien fabrikatzaileak, ingeniaritza enpresak, zerbitzu enpresak, Zientzia, Teknologia eta Berrikuntzako Euskal Sareko eragileak eta Eusko Jaurlaritzako agentzia publikoak (EVE eta SPRI).
FLUIDEX, Fluidoak Prozesatzeko Ekipo, Soluzio eta Teknologien Espainiako Elkartea, Estatu osoan kokatutako enpresen lehiakortasuna hobetzea xede duen irabazi-asmorik gabeko elkartea da, eta horretarako, kalitate eta balio erantsiko zerbitzuak eskaintzeaz gain, atxikitako enpresen nazioartekotzea eta berrikuntza sustatzen ditu, Oil & Gas eta Energia sektoreak jarduketa-arlo estrategikotzat jo dituelarik.
Lotutako albisteak
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
Robotikak eta automatizazioak Euskadiren eta Txekiar Errepublikaren industriarako dituzten aukerak aztertu dituzte
Bilboko Merkataritza Ganberan egindako Euskadi – Txekiar Errepublika “Aukerak robotikan eta automatizazioan” jardunaldi ekonomikoan, Euskal Autonomia Erkidegoko hogei bat enpresatako ordezkariak eta ekonomiaren eta industriaren arloko beste eragile batzuk bildu dira.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
Eusko Jaurlaritzak deskarbonizazio industriala bultzatuko du, pizgarri eta laguntzen bidez, eta hidrogeno berdearen hidroduktu bat egingo du Aiaraldea eskualderako
Imanol Pradales Lehendakariak Laudioko Vidrala enpresaren instalazio berriak bisitatu ditu gaur, eta bertan labe berria inauguratu du
Euskadiko industria normaltasunez ari da, joan den asteleheneko itzalaldi orokorraren ostean
“Gure industria-sektorearen lana aitortu nahi dugu", aditzera eman du Mikel Jauregi, Eusko Jaurlaritzako Industria, Trantsizio Energetiko eta Jasangarritasuneko sailburua
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko