Txekiar Errepublikako ordezkaritza batek sektore aeroespazialeko negozio-aukerak aurkeztu ditu Bilbon
Txekiar Errepublikako ordezkaritza bat -Txekiako Industria ministroaren eta Espainiako enbaxadorearen buruzagitzapean- jardunaldi batean izan da Bilbon astearte honetan, sektore aeroespazialak euskal enpresei eskaintzen dizkien negozio eta inbertsio aukerak aurkezteko.
Txekiako industria-sareak aukera mordoa eskaintzen dizkie euskal enpresei, munduko herrialde bakarretakoa baita balio-kate integral bat duena hegazkinak eta hegazkin-motorrak osoki ekoizteko. Gainera, tradizio luzea du sektore horretan, bertako dozenaka fabrikatzailez osatua.
SPRI Taldeko Nazioarteko Euskal Agentziak (Basque Trade & Investment) astearte honetarako antolatu duen jardunaldiak jarraipena eman dio iragan azarokoari, zeinetan sektore aeroespazialeko enpresen arteko lankidetza eta enpresentzako aukeren identifikazioa sustatu baitziren.
Mikel Amundarain Industria sailburuordeak eman dio hasiera jardunaldiari, nabarmenduz 30 euskal enpresa baino gehiago daudela kokatuta Txekiar Errepublikan. “Txekiako konpainia askok hornitzaileak aurkitu dituzte Euskadin, eta baditugu inbertitzaile txekiarrak, Euskadik berebiziko industria-kontzentrazioa daukalako Europan eta mundu mailako erreferenteak garelako hainbat sektoretan”.
Amundarainek gogorarazi du euskal erakundeen ordezkaritza bat Txekiar Errepublikan izan zela 2019an hainbat sektoretako elkarlanerako aukerak jorratzeko, euren artean sektore aeroespaziala, eta harrezkero hainbat ekitaldi antolatu dira sektore barruan lankidetza sustatzeko.
Jardunaldian parte hartu dute baita ere Ivan Jancarek txekiar enbaxadoreak eta Martina Tauberova Txekiako Industria ministroak, eta Txekiako ordezkaritzak sektore aeroespazialari buruzko datuak eman ditu.
Ondrej Svab-ek, Txekiako Industria Ministerioko teknologia espazialen arloko arduradunak, azpimarratu du sektore espaziala estrategikoa dela bere gobernuarentzat, eta baduela 2025era arteko plan sektorial estrategiko bat. Bere esanetan, sektoreak 7,3 milioiko ekarpena egin zien Europako Agentzia Espazialari (ESA) 2009an, eta gaur egun kopuru hori 57,5 milioi eurokoa da. Gainera, gogorarazi du Txekiako industria aeroespazialak bere baitan biltzen dituela 50 enpresa eta 34 startup baino gehiago.
Petr Bares-ek, 2006an sortutako Txekiako Elkarte Espazialeko (CSA) presidenteak, adierazi du dagoeneko badirela 14 ETE sektorean, bezero dituztenak, besteak beste, Europako Agentzia Espaziala, Europako Defentsa Agentzia eta Txekiar Errepublikako Defentsa Ministerioa.
Ekitaldian, hamabost enpresa aeroespazial txekiarrek euren konpainien jarduera aurkeztu dute, balizko kolaborazioak edo inbertsioak egiten hasteko Euskadiko konpainiekin.
Lotutako albisteak
Robotikak eta automatizazioak Euskadiren eta Txekiar Errepublikaren industriarako dituzten aukerak aztertu dituzte
Bilboko Merkataritza Ganberan egindako Euskadi – Txekiar Errepublika “Aukerak robotikan eta automatizazioan” jardunaldi ekonomikoan, Euskal Autonomia Erkidegoko hogei bat enpresatako ordezkariak eta ekonomiaren eta industriaren arloko beste eragile batzuk bildu dira.
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek bi txosten bildu ditu Smart Factory + Automation World 2025 ekitaldian parte hartu ondoren, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...
AEBk ezarritako arantzel berriak direla eta, euskal enpresei arreta goiztiarra emateko zerbitzua
Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz