Basque Trade & Investment-ek 100 beka atera ditu nazioartekotzearen arloko profilak prestatzeko
-
- plaza unibertsitatean dabiltzan 30 urtetik beherako gazteentzat -edo 2024an 30 urte beteko dituztenentzat-, bi urtez kanpo-merkataritzan espezializatzeko aukera izan dezaten.
- Orain arteko 37 edizioetan, 2.000 gazte baino gehiago nazioartekotzearen eta kanpo-merkataritzaren profesional bihurtu dira.
Eusko Jaurlaritzak, SPRI Taldearen eta Basque Trade & Investment (BT&I) Nazioartekotzeko Euskal Agentziaren bitartez, BEINT nazioartekotze-beken deialdia ireki du astearte honetan, martxoak 19. Euskal enpresen nazioarteko eskariei erantzuteko gai izango diren profesional berriak prestatzea da beka hauen helburua. Guztira, 100 plaza atera dira goi-mailako unibertsitate-titulazioa duten 30 urtetik beherako gazteentzat (edo 2024an 30 urte beteko dituztenentzat), bi urteko epean kanpo-merkataritzan espezializatzeko aukera izan dezaten.
BEINT beken orain arteko 37 edizioei esker, Euskal Autonomia Erkidegoko 2.000 gaztek baino gehiagok nazioartekotze-gaietan eta kanpo-merkataritzarekin lotutako zereginetan trebatu eta aditu bihurtzeko aukera izan dute.
BEINT beka-programak aukera paregabea eskaintzen du atzerrian lan-esperientzia eta esperientzia pertsonala lortzeko, mundu osoko enpresa eta erakundeekin lankidetzan. Bi urtez, onuradunek nazioarteko merkataritzaren munduan murgiltzeko aukera izango dute, merkatu globaletan jarduteko funtsezko trebetasunak eskuratuz.
Aurtengo deialdiak 30.000 eta 75.000 euro bitarteko zenbatekoak banatuko ditu nazioarteko helmugaren eta bertako bizi-mailaren arabera. Eskabideak aurkezteko epea 2024ko apirilaren 19an amaituko da.
Betebeharrak
Beka hauek jaso nahi dituztenek baldintza hauek bete beharko dituzte: 30 urte baino gutxiago izatea edo 2024an betetzea, goi-mailako unibertsitate-titulazioaren jabe izatea, gutxienez ingeleseko B2 maila izatea, Euskadin erroldatuta egotea eta aurretik antzeko bekarik jaso ez izana.
Beka hauek aukera bikaina ematen dute karrera profesionala nazioarteko merkataritzaren esparruan garatu ahal izateko. Esperientzia praktikoa eta prestakuntza espezializatua uztartzen duten neurrian, BEINT bekek beharrezko prestakuntza ematen diete parte-hartzaileei merkatu globalaren erronkei aurre egin eta euskal eskualdearen hazkunde ekonomikoan laguntzeko gai izan daitezen.
Hiru hamarkada baino gehiagotan, Eusko Jaurlaritza buru, beka-programa honek gazteak nazioarteko merkataritzan prestatu eta trebatzea izan du helburu, atzerrian praktikak egiteko aukera eskainiz. BEINT programa aldatuz joan da prestakuntza-premien eta nazioarteko merkatu eta erakunde globalen eskaeren arabera, eta aurten 4.500.000 euroko guztizko aurrekontua du.
Hiru fase dituen esperientzia
BEINT beka-programak prestakuntza-esperientzia betea eskaintzen du hiru fasetan. Hasieran, lau hilabeteko prestakuntza-aldia dago UPV/EHU, Deustuko Unibertsitatea eta Mondragon Unibertsitatearen lankidetzaz, kanpo-merkataritza, nazioarteko negoziazio eta salmenta-teknikei buruzko ezaguera sendoak lortzeko.
Ondorengo fasean, 12 hilabeteko lan-praktikak egingo dira hainbat erakundetan: Basque Trade & Investment-en Kanpo Sareko bulegoetan, Espainiak atzerrian dituen bulego ekonomiko eta komertzialetan, eta nazioartekotzea sustatzeko beste erakunde batzuetan.
Hirugarren faseak zortzi hilabeteko iraupena du, eta mundu osoko enpresetan nahiz bestelako erakunde multilateraletan lan-praktikak egitea du helburu.
BEINT beken eta eskaera-prozesuaren inguruko informazio gehiago lortzeko, Basque Trade & Investment webgunea bisita daiteke.
Lotutako albisteak

Hidrogenoaren euskal ekosistemak loturak estutu ditu Japoniarekin sektorearen nazioarteko foro nagusian
Ekintza hau, hidrogenoa ardatz energetiko estrategikotzat garatzeko 2023az geroztik Euskadi eta Japoniaren arteko lankidetza bultzatzea xede duen ekimen zabalago baten barruan gauzatu da.

Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.

Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena

Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat

Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.

BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan

Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura

Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.

Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin

Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz