Aurrelan, Europako iparraldean hazteko planak dituen automatizazio enpresa
Aurrelanek, duela 30 urte sortutako enpresak, Aretxabaletan du bere egoitza eta 15 langile inguru ditu. Garraio eta manipulazio sistemetan espezializatuta dago eta, besteak beste, automobilaren, eraikuntzaren, etxetresna elektrikoen eta elikaduraren sektoreetako enpresei ematen die zerbitzua. Batez ere, Aurrelanek bere inguruko (Debagoiena) edo Bilbo inguruko enpresekin egiten du lan. “Gure inguruko enpresek behar izan gaituzten momentuan egon gara beti”, adierazi dute Gipuzkoako enpresako arduradunek.
Enpresaren hasierako planen arabera, bere jarduera eremua Penintsulako erdialdera eta Frantziako hegoaldera zabaltzeko helburua zegoen. Hala ere, Europako iparraldetik gero eta eskari gehiago jasotzen ditu. Hori ikusita, Aurrelanentzat merkatu handia izan daiteke, Ibai Galindez enpresako arduradunetako batek azaldu duenez: “Euskadi markak kalitate agiria du eskualde horretan, eta daukagun prezioa nahiko lehiakorra izan daiteke tokiko enpresekin konparatuz”.
Plan horiek aurrera eramateko, Aurrelan bere produktuen estandarizazio prozesu batean murgilduta dago, atzerrian modu eraginkorragoan saldu ahal izateko, katalogo bat sortuz. Euskadin, Aurrelanek bezeroak eskatzen dituen premien arabera lan egiten du, eta neurrira sortzen du produktua premia horiei erantzuteko.
Makinen kateatzeak, garraiorako eta manipulaziorako elementuak eta zelula robotizatuak dira bezeroek gehien eskatzen dituzten produktuak. Gainera, Aurrelanen apustu handia egin da xaflarako ebaketa-mahaien ekoizpenaren alde, zenbakizko kontrol baten bidez hainbat dimentsiotako piezak mozteko aukera ematen baitu. Spriren Ekintzaile programaren laguntzari esker, apustu hori Aurrelan enpresatik kanpo sortuko den beste enpresa berri batekin garatuko da, tokiko hornitzaile batekin batera. Oraindik ez dago martxan, baina datorren urtean proiektuari hasiera ematea espero dute enpresatik.
Pandemiaren ondorioz, Aurrelanek online jardueran ahalegin handiagoa jartzea erabaki du. Komunikazio eta marketin agentzia batekin batera, enpresa bere irudia eta webgunea birmoldatzen ari da, esportazio kopuruak gora egiten jarrai dezan. Enpresaren beste helburuetako bat inguruko bezeroen sare handia izaten jarraitzea da; izan ere, Ibai Galindezen arabera, “beti hobekuntzaren aldeko apustua egiten duen eskualde batean bizi gara, eta hori onuragarria da gurea bezalako enpresentzat”.
Euskal enpresen nazioarteko proiektuak bultzatzea da SPRI Taldearen helburuetako bat; izan ere, Basque Trade and Investment Nazioartekotzeko Euskal Agentziaren bidez, leihatila bakarraren bidez bere baliabide eta laguntza guztiak jartzen ditu enpresen eskura, adibidez Elkartu, Gauzatu edo BEINT eta Global Training Bekak.
Lotutako albisteak
EBN 2025 kongresua BIC Bizkaia Ezkerraldean egingo da
Kongresua aukera paregabea izango da industria-energia trantsizioaren inguruan eztabaidatzeko, gure lurralde eta ekonomien etorkizunerako funtsezko gaia baita.
Hidrogenoaren euskal ekosistemak loturak estutu ditu Japoniarekin sektorearen nazioarteko foro nagusian
Ekintza hau, hidrogenoa ardatz energetiko estrategikotzat garatzeko 2023az geroztik Euskadi eta Japoniaren arteko lankidetza bultzatzea xede duen ekimen zabalago baten barruan gauzatu da.
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.