Araniak hazkundea bizkortu du berrikuntzaren, iraunkortasunaren eta eraldaketa digitalaren bidez
Bizkaiko Amorebietan egoitza duen Arania enpresa erreferente bihurtu da doitasun handiko hotzean laminatutako altzairuaren sektorean Hego Europan. 28.000 m²-ko lantegia du eta urtean 140.000 tona baino gehiago ekoizteko gaitasuna dauka. 190 langile baino gehiagok osatzen dute taldea, eta ekoizpenaren %65 nazioarteko merkatuetara bideratzen du, 20 herrialde baino gehiagotan presentzia izanik. “Karbono handiko eta baxuko materialetan, baita aleazio eta mikroaleazioetan ere, dugun espezializazioari esker, industriaren gero eta eskakizun zorrotzagoak bete ditzakegu”, azaldu dute enpresatik.
Hazkunde globala Araniaren estrategiaren ardatz nagusietako bat da, eta 2024an urrats garrantzitsua egin du Ipar Amerikan. Kanadan hedapen-plan bat abiarazi du, hotzean laminatutako altzairuaren merkatu nagusietako batean sendotuz. “Gure posizioa indartu dugu bikaintasun operatiboan eta bezeroarenganako hurbiltasunean oinarritutako estrategiari esker”, azaldu dute konpainiako ordezkariek. “Aurrerapauso honek gure ibilbide sendoa berresten du Mexikon, non bi hamarkada baino gehiago daramatzagun lanean emaitza positiboekin. Horrek erakusten du merkatu estrategikoetara egokitzeko eta hazteko dugun gaitasuna”.
Iraunkortasunaren aldeko apustua: ARANIA D-CARB eta energia berriztagarriak Araniaren ingurumen-estrategiaren barruan, urrats esanguratsua izan da ARANIA D-CARB abiaraztea, karbono isuri txikiko altzairu mota bat, Europan sektorearen deskarbonizazioa sustatzeko helburuarekin. “Iraunkortasunarekiko dugun konpromisoa ekintza zehatzetan gauzatzen da: hondakinak berrerabiltzea, karbono-aztarna murriztea eta energia berriztagarriak sustatzea”, nabarmendu dute zuzendaritzatik.
Ildo horretan, eguzki-panel fotovoltaikoen instalazioa urrats garrantzitsuenetako bat izan da; gaur egun, plantako energia elektrikoaren %8 sortzen dute. Ahalegin horri esker, Araniak EcoVadis Urrezko Domina jaso du, forja, prentsaketa, estanpazio eta metal-laminazioaren sektorean iraunkortasunaren arloan munduko %5 onenen artean kokatuz. “Duela urtebete Zilarrezko Domina jaso genuen, eta orain lortutako aitorpen honek berresten du gure apustua: hazkunde iraunkorra eta erantzukizun korporatiboa”, azpimarratu dute enpresatik.
Smart Factory: eraldaketa digitala lehiakortasuna indartzeko
Ingurumen-estrategiari paraleloan, konpainiak eraldaketa digitala bizkortu du, Smart Factory eredua ezarriz. Adimen artifiziala eta big data oinarri dituen sistema aurreratu honi esker, ekoizpen-prozesuak optimizatu, eraginkortasuna handitu eta lehiakortasuna indartu ahal izan ditu merkatu globalean. “Sistema honek aukera ematen digu erronka berriei aurrea hartzeko eta industriaren etorkizuneko joerei egokitzeko”, azaldu dute enpresako ordezkariek.
Lidergoa deskarbonizazioan eta etorkizunerako apustua
Ekimen horiekin, Araniak urrats sendoa eman du sektorearen deskarbonizazioaren liderratzan eta praktika iraunkorren sustapenean, hotzean laminatutako altzairuaren industrian eragile giltzarri gisa sendotuz.”Etengabeko berrikuntzaren aldeko apustuari eusten diogu, gure jarduera puntako mailan mantentzeko eta etorkizuneko erronkei arrakastaz aurre egiteko. Horretarako, beti bikaintasun industrialaren ikuspegia eta konpromiso sendoa izango ditugu oinarri”, nabarmendu dute enpresako arduradunek.
Lotutako albisteak
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
Bizitegi-jabeen komunitateetako instalazio elektriko zaharrak berritzeko inbertsioetarako laguntza-programa
EEEren programa Deskarboniza programaren parte da
Energia berriztagarrien bidez autokontsumorako energia elektrikoa sortzeko eta kontsumo termikoak elektrifikatzeko laguntza-programa
EEEren programa Deskarboniza programaren parte da
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin