Amaierako topaketa batekin itxi da B-WOMENIN Globalaren lehenengo edizioa eta helburu berriak zehaztu ditu nazioartekotzean emakumeen lidergoa sustatzeko
B-WOMENIN Global Meeting & Expanding 2024 programaren lehen edizioa ixteko, topaketa bat egin da aste honetan nazioartekotzearekin lotutako 30etik gora profesionalen partaidetzaz, eta sei saiotan modu aktiboan lagundu dute horren garapenean, orain arteko lorpenen balantzea eginez eta estrategia berriak zehaztuz enpresen nazioartekotzean emakumeen presentzia bultzatzen jarraitzeko.
B-WOMENIN Eusko Jaurlaritzaren ekimena da, SPRI Taldeari atxikitako Basque Trade & Investment (BasqueTrade) euskal enpresak nazioartekotzeko agentziak antolatutakoa, eta amaierako ekitaldia Otalora prestakuntza-zentroan egin zen, Aretxabaletan (Gipuzkoa), MONDRAGONen laguntzaz.
Topaketan, Nagore Bonilla BasqueTradeko zuzendari nagusiak argi utzi zuen “B-WOMENIN Global funtsezko gunea izan dela enpresen nazioartekotzean emakumeen talentua sustatzeko, emakume gehiago animatuz sektore horretan lan egitera”. Gainera, MONDRAGONekin batera gauzatutako lehen edizio honen itxierak norabide horretan aurrera egiten lagunduko duten ekimenak bultzatzen jarraitzeko konpromisoa berresten duela nabarmendu zuen.
Bestalde, MONDRAGONeko Leire Mugerza Batzorde Iraunkorreko eta Kongresuko presidenteak beren-beregi nabarmendu zuen enpresa-ingurunean aukera-berdintasuna sustatzeko lankidetza-sare sendoak sortzearen garrantzia. Haren hitzetan, “B-WOMENIN bezalako ekimenak funtsezkoak dira egungo testuinguru globalizatuan hain garrantzitsuak diren emakumezko erreferenteak ikusarazteko eta lan-ingurune inklusiboagoak sustatzeko”.
Lan-bileran parte-hartu zutenek ikasitakoak eta programaren alderdirik baloratuenak aztertu zituzten, honen inpaktua indartzen lagun dezaketen ekimen berriei buruz eztabaida egiteaz gain. Lankidetza bidezko dinamiken laguntzaz, agerian utzi zen sektorean emakume liderrak inspiratu eta ikusarazteko moduko espazioak sortzen jarraitzeko premia, networking eta mentoringaren eginkizuna indartuz, garapen profesionalerako funtsezko tresnatzat.
Era berean, erronka horiei elkarlanean eta lerrokatuta ekitearen garrantzia azpimarratu zen, ekosistemako eragileen eta egungo emakume-sareen arteko lankidetza indartuz. Ildo horretan, Arantxa Tapia PWN Bilbaoren ordezkariak ezagutzera eman zuen nazioarteko eremuan emakumeak lidergo-posizioetara iristea eragozten duten oztopoak ezabatzen lagun dezaketen balizko sinergia eta lankidetza-aukerei buruzko ikuspegia.
Jardunaldiaren amaieran antolatutako networking-ekintzan, partaideen arteko komunitate-sena indartu eta B-WOMENIN Global programaren barruan etorkizuneko ekintzetarako oinarriak ezarri ziren. “Lehen pausoak eman ditugu lan honi jarraipena emateko moduko proiektuak garatzen jarraitzeko. Nazioartekotzean B-WOMENIN Global emakumeen lidergoa bultzatzeko erreferente bihurtzea da gure helburua”, adierazi zuen Bonillak.
Lotutako albisteak
Euskal enpresek Bogotako hiri-eraldaketari lotutako aukerak esploratu dituzte
Jardunaldian azpiegituretan espezializatutako hamar euskal enpresak parte hartu zuten, Kolonbiako hiriburuari soluzio teknologikoak eskaintzeko asmoz.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Global Training bekak kudeatuko dituzten erakunde laguntzaileen bila ari gara
Erakunde bakoitzak 50 eta 80 beka arteko eskaintza aurkeztu ahal izango du graduko unibertsitate-titulua edo goi mailako lanbide-heziketako titulazioa duten gazteentzat
Eusko Jaurlaritzak Euskadiren eta Japoniaren arteko ekonomia- eta enpresa-harremanak estutzen jarraitzen du
Mikel Jauregi sailburua Japoniako Finantza ministrordearekin bildu da, eta erakundeen, ekonomiaren eta enpresen arloko zenbait topaketatan parte hartu du, Euskadiren eta Japoniaren arteko harremanak sendotze aldera.
BEINT bekek ehun hautagai baino gehiago bildu dituzte azterketa-egunean
Guztira 134 pertsonak (73 emakumek eta 61 gizonek) parte hartu zuten hautaketa-prozesuaren fase honetan
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura
Euskadiko enpresek nazioartekotzeari buruzko aholkularitza jaso ahal izango dute 23 herrialdetan
Basque Trade & Investment erakunde publikoko profesionalek bilera pertsonalizatuak egingo dituzte maiatzaren 26an, 27an eta 28an.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz
Robotikak eta automatizazioak Euskadiren eta Txekiar Errepublikaren industriarako dituzten aukerak aztertu dituzte
Bilboko Merkataritza Ganberan egindako Euskadi – Txekiar Errepublika “Aukerak robotikan eta automatizazioan” jardunaldi ekonomikoan, Euskal Autonomia Erkidegoko hogei bat enpresatako ordezkariak eta ekonomiaren eta industriaren arloko beste eragile batzuk bildu dira.