Ekisolarrek bere negozioa deskarbonizaziorantz hedatu nahi du
Ekisolar egoitza Gasteizen duen enpresa da eta estalki industrialetan kokatutako energia fotovoltaikoaren inguruan egiten du lan. Orain, ordea, bere negozioa deskarbonizaziorantz hedatu nahi du. SPRI Taldearen laguntza ekonomikoa jaso du, BDIH Konexio programaren bidez. Programa horren baitan, Basque Digital Innovation Hubek ETE-en esku jartzen du fabrikazio aurreratuko aktiboen eta zerbitzuen sare konektatua, prestakuntzarako, ikerketarako, testatzeko eta baliozkotzeko.
Enpresa Gipuzkoako Aritu Kooperatiba Elkartea ingeniaritza-enpresaren, Bilboko Cimas ingurumeneko aholkularitza-enpresaren eta egungo zuzendari-bazkidearen, Jose Ignacio Mendozaren, arteko elkarlanari esker sortu da. Bere jarduera estalki industrialetan kokatutako energia fotovoltaikoa da. “Ordu hartan, Euskadin eguzki-baratzeen inguruan lan egiten zuten enpresa ugari zeuden, eta hor jarraitzen dugu”.
Baina, sektore osoari gertatu zitzaion bezalaxe, Ekisolarrek eguzkiaren zerga izenekoa jasan zuen (autokontsumkoko berriztagarri guztien faktura elektrikoan aplikatutako zordunketa) 2015ean. “Jarduera produktu berrietara dibertsifikatuko dugu. Horietako bat izango da, hain zuzen ere, ingurumeneko adierazleak kudeatzeko baliagarria den softwareko tresna bat. Hori guztia, gainera, SPRIren laguntzarekin egingo dugu”, adierazi du Jose Ignacio Mendozak. Orain bost urte, araudia aldatu izanak sektorea berpiztea ekarri zuen, “eta estalkietan lanean jarraitu dugu, langile kopurua laukoiztu dugu eta bulego berriak ireki ditugu”.
Produktu nagusia estalki industrialak dira, baina aerotermia, energiaren kudeaketa adimenduna, eguzki-markesinak edo ibilgailuak kargatzeko guneak ere eskaintzen dituzte. Fakturazioaren % 90 industriarekin lotuta dago, “eta gero administrazioarentzat lan egiten dugu, pilotalekuekin eta ospitaleekin lotutako lehiaketetan parte hartzen dugu, eta energia-komunitate txikietan ere egin dugu lan auzo-taldeentzat eta administrazio-batzarrentzat”.
Ekisolarrek nahiago du instalazio handietatik aldendu, eta “tokian tokikora eta gertukora bideratzen gara. Xumeagoa da, baina inpaktu positiboagoa du”.
Plantillan 35 pertsona daude Gipuzkoako, Iruñeko eta Gasteizko bulegoetan, eta fakturazioa 4 milioi eurokoa izan zen iaz. Gainera, aurten ere, kopuru horri eustea aurrez ikusi dute. “Diseinuaz, muntaketaz, alderdi administratiboaz eta mantentze-lanez arduratzen gara”.
I+G arloa garrantzitsua da enpresarentzat. “Beti izan da garrantzitsua enpresen arteko lankidetza, eta beti izan dugu pertsona multzo bat I+G arloan lanean”. Hazitek (SPRI Taldearen programa) laguntza eskatuko dute sektore agrovoltaikoan merkatu-nitxo berriak aztertzeko, eta iaz gaztandegietan proiektu bat amaitu zuten digitalizazioaren bidez, Gaztaenergy izenekoa.
SPRI Taldearen BDIH Konexio programaren laguntza Teknikerrekin batera garatu dute autokontsumo termikoaren bidez aprobetxamendu energetiko handiagoa lortzeko; hau da, “eguzki-energiaren soberakina industriarako ura berotzeko erabiltzen da”
Enpresak aurrean dituen erronkak dira hauek: maila teknikoan eta langileen arloan hobetzen jarraitzea, sektorean negozio-lerro berriak irekitzea eta deskarbonizazioaren arloan sakontzea. “Hain zuzen ere, eguzkiaren munduan bakarrik ez gaudela helarazteko, Ekienergy markara bidean aldaketa komertziala egiten ari gara”.
Lotutako albisteak
Industria Sailak 22 milioi euro jarriko ditu Euskal Autonomia Erkidegoko industriaren deskarbonizaziorako
Maiatzaren 7an irekiko da eskaera egiteko epea SPRIren webgunean.
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Pradales Lehendakaria: “Gure Plan Industriala europar jarraibideekin lerrokatzen ari gara”
"Euskadi eragile garrantzitsua izan daitekeelako eta izan behar duelako prozesu horretan”
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
Euskadik bere aurrerapena sendotu du ingurumenaren babesean, airearen kalitatean eta isurketen murrizketan hobekuntza nabarmenak eginez, Ingurumen-koiunturari buruzko 2024ko txostenaren arabera
Euskadiko airearen kalitatea nabarmen hobetu da, zeren 2023ko egunen ia % 91k kalitate "ona" edo "oso ona" izan baitute