Zibersegurtasun arloko nahitaezko elkarlana, arazo globala delako
SPRI Taldeak (enpresa garapenerako euskal agentziak) Enpresa Digitalaren bidez urtero antolatzen duen IndusSec kongresuak aztergai izan du industriako zibersegurtasunaren egoera, asteazken honetan telematikoki egin den bere laugarren edizioan. Zibersegurtasuneko Euskal Zentroko (Basque Cybersecurity Centre) zuzendari Javier Diéguezek azpimarratu du arazo globala dela eta, beraz, elkarlana ere ezinbestekoa.
Jardunaldiaren irekieran, Diéguezek azpimarratu du Euskadi “lurralde nabarmena dela zibersegurtasun arloan, ez bakarrik Estatuan, baizik eta baita ere Europan”. Esan du berak zuzentzen duen erakundeak, pandemia gorabehera, “%40 kontzientziazio-jarduera gehiago” antolatu zituela iaz, “nahiz eta telematikoki egin”.
Diéguezek azpimarratu du zibersegurtasunaren euskal ekosistema indartsu dagoela 125 enpresarekin, horietatik 29 startupak, eta animatu egin ditu enpresak laguntza publikoen programara atxikitzera, zeina laugarren ediziora iritsi baita eta aurten aurrekontu handiena baitu, 2,5 milioi eurokoa.
“Zibersegurtasunak lankidetza eskatzen du arazo globala delako”, esan du, sektoreko Cybasque enpresa-elkarteak bultzatzen duen Euskadiko lankidetza publiko-pribatua hizpide hartu baino lehen.
Orobat esan du ezen, egungo ziurgabetasun ekonomikoa gorabehera, zibersegurtasunak aukera bat eskaintzen duela sektore industrial guztiek dutelako digitalizatzeko beharra. “Zibersegurtasunaren sektorea digitu bikoitzekin hazi zen iaz”, gaineratu du.
Telefónica-ko Patricia Diezek hizpide hartu ditu 5G teknologiaren aukera berriak, esanez posible egiten duela, abiadura handitzeaz gain, erabilera hobea eraikinen barrualdean. Teknologia berri horrek erasoen aurka eskaintzen dituen neurriak erakutsi ditu. “Segurtasun-ahalmen handia du eta monitorizazio proaktibo oso garrantzitsua”.
Zibersegurtasun arloan aditua den Palo Alto konpainiako Pablo Ibáñezek esan du oso garrantzitsua dela jakitea nor sartzen den sare industrialean, sarrera-kontrol bat jartzea eta pasahitzak aldatzea, askotan zaharrak izaten direlako. “Erasoei aurre egiteko, funtsezkoa da zaintza-tresnak izatea eta ondo ezagutzea sarearen jokabidea eta taldeen arrisku-maila”.
Arraskatsuko kasuak
Jardunaldian enpresa arraskatsuko lau kasu azaldu dira. Mondragon Taldean integratutako Onnera Group-eko Sergio Saenzek hizpide hartu du enpresak azken hiru urteetan eraldaketa digitalean egin duen ahalegina. “Bakarrik egiten dugu funtzionatzen duena. Hiru eta sei hilabeteko proiektuak izaten dira. Funtzionatzen ez duena, geratu egiten dugu”. Produktu ez hain mekaniko eta bai digitalizatuago baten alde egiten dugu apustu, “eta horrek aukera ematen digu zerbitizazioan oinarritutako negozio-eredu berriak sortzeko. Horrek guztiak behartzen gaitu zibersegurtasuna ulertzera gauza estruktural, giltzarri bat bezala”.
Batez ere automobilgintzarako era guztietako malgukiak fabrikatzen dituen RPK-ko Andoni Apariciok esan du bere enpresak zibersegurtasuneko kanpo eta barne auditoretza bat egin zuela. “Segurutzat geneukan egoera batetik abiatu ginen, ekipo eguneratuekin eta pasahitz sendoekin. Baina auditoretzan zortzi ordu eskasetan ia dena hackeatu ziguten. Harrigarria da nola aurkitzen duten akatsik txikiena ere”.
Ezinbestekoa iruditzen zaio enpresek segurtasun arloko arduradun bat izatea, kontingentzia planak prestatzea eta langileak kontzientziatzea.
Injekzio eta propultsio moldeak diseinatzen eta fabrikatzen dituen Moldes Ura-ko kudeatzaile María Garcíak esan du segurtasunaren garrantziaz jabetu zirela ikusi zituztenean hornitzaile nahiz bezeroek jasan zituzten hackeoak. “Erabaki genuen auditoretza bat egitea SPRIk zibersegurtasunerako ematen dituen laguntzekin. Arazo ugari aurkitu ziren: sarearen ekipamendua zaharkitua zegoen, hari gabeko estaldura eskasa zen eta ordenagailu bakarra geneukan IT eta OT sareei zerbitzu emateko”.
Konponbidea izan zen, besteak beste, sareak zatikatzea hodeiari konektatu gabeko zerbitzari txiki batekin eta birusen aurkako software berri bat instalatzea. “Nola enpresa txiki bat garen eta ez daukagun instalazioetatik kanpoko konexiorik, babestuago gaude”.
Energia sortzeko ziklo konbinatuko Bahía Bizkaia Electricidad zentraleko Mantenimendu buru Sergio Gómezek esan du 2014an auditoretza bat egin zutela eta bertan ikusi zela OT eta IT sistemak konektatuta zeudela. “2015ean ohartu ginen malware bat genuela aspalditik eta auditoretza sakon bat egin genuen segurtasun-partxeekin, birusen aurkako software berriekin eta backup sistema zentralizatuekin, hornitzaileen zuzeneko sarbidea saihesteko”. Bestalde, babes-tresnak instalatu eta posta elektronikoak eskaneatu dituzte “20.000 email jasotzen ditugulako hilero”, eta zibersegurtasun batzordea eratu eta zibersegurtasun prozedurak sortu dituzte.
Gómezek gomendatzen die enpresei zibersegurtasunean espezializatutako konpainiak bilatzea, etengabeko monitorizazioa egitea eta pertsonak prestatzea.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
Adimen artifiziala, blockchaina eta zibersegurtasuna izango dira Elkargiko 35. Enpresa Topaketaren erdigunean
Ekitaldia apirilaren 10ean izango da Donostiako Kursaal Jauregian