Webgunea negozioaren gakoetako bat bihurtu da enpresa industrialentzat
SPRI Taldeak antolatutako Indusmedia marketin digitalari buruzko kongresuak Internet optimizatzeko modua erakutsiko du
Aitor Cobanera SPRI Taldeko Berrikuntza eta Teknologiako zuzendariak ziurtatu duenez, egun, enpresa batek ez du arrakastarik lortuko, I+G+b-aren, nazioartekotzearen eta digitalizazioaren aldeko apustuari eusten ez badio
Enrique Dans adituaren esanetan, enpresek “digitalean islatu behar dituzte” beraien gaitasunak
Enpresek webgunea negozioaren aldeko palankatzat erabiltzen ote duten, ez dago batere zalantzarik. SPRI Taldeak astearte honetan Hernaniko Orona Fundazioan antolatu duen Indusmedia marketin digitalari buruzko kongresuak webguneen erabilera eta optimizatzeko modua aztertu ditu, enpresen negozioa areagotzeko asmoz.
Dagoeneko bederatzigarren edizioa bete duen biltzarra Aitor Cobanera SPRI Taldeko Berrikuntza eta Teknologiako zuzendariak ireki du. Cobanerak argi utzi du, I+G+b eta nazioartekotzearen aldeko apustuari eutsi ezean, enpresa batek ezin duela arrakastarik lortu gaur egun. “Honi, ekoizpen prozesuei eta marketinari adimen handiagoa gaineratu dieten digitalizazioa eta 4.0 industria gehitu behar dizkiogu. Mundu digitala estu-estu lotuta dago jadanik ekoizpenaren munduarekin”.
Enrique Dans irakasle eta adituaren esanetan, sare sozialen goraldiarekin “alde industriala lausotuta gelditu da”. Haren hitzetan, marketin industrialean, “erosketak egiteko irizpideak beste era batekoak dira eta bezeroek ez dute nahi ardien antzera trata ditzatela”, sare sozialetan gertatzen den bezalaxe.
Webguneari dagokionez, Dansek garrantzitsutzat jo du “gure webgunea garrantzitsua dela ulertzen hastea”. “Lidergo kontua da, eraldaketa digitala pertsonen eraldaketa izan eta pertsonek modu digitalean pentsa dezatela lortzeko”.
Era berean, “garrantzi gorenekotzat” jo du enpresa baten webgunea “enpresa horrek egiten duenaren isla izatea eta bezeroen alde agertzea”. Haren iritziz, eraldaketa digitalak “papera erabiltzeari utzi” eta Linkedin sare soziala erabiltzea dakar, “horixe baita enplegu-profil baten bilaketa zehatz-mehatz segmentatzen duen sare bakarra”. Laburbilduz, “lehendik dauzkazuen gaitasunak modu digitalean islatu behar direla” adierazi du.
Alvaro Peña isocialweb eta Virality Mediaren sortzailekideak, aldiz, Googlek merkataritza-helburuak dituzten webguneei ezartzen dizkien penalizazioak izan ditu hizpide; eskuzkoak zein algoritmikoak.
“Lehenengoak, Googleko enplegaturen bat tarteko, Google Search Consoleren (GSC) bitartez jakinarazten dira”, eta besteak beste, erabiltzaileek sortutako spamak, berezkoak ez diren estekek nahiz dirua irabaztea xede duen spam hutsak eragiten dituzte. “Baina trafikoa berreskura daiteke, ondo lan eginez gero”.
Penalizazio algoritmikoen kasuan, Googleren berrikusketa automatikoaren ondorioa da (bilatzaileak algoritmoak egunean bi aldiz eguneratzen ditu), “baina hauetan, jakinarazpenik eza da arriskua, izan ere, penalizatuta egon zaitezke horren berri jakin gabe ere”.
Peñak azaldu duenez, baliorik gabeko orrialdeak sartzea penalizatzen da, baita inongo ekarpenik egiten ez duten orrialdeak indexatzea ere, eta Safecont deritzon tresna baliagarritzat jo du horrelako arazoak konpontzeko.
“Erabiltzailearengana iristeko aukera”
Bestalde, kontrol numerikoko tornuak fabrikatzen dituen CMZ enpresako Patricia Herasek argi utzi webgunea salmentarako tresna bilakatu dela. “Merkatu anglosaxoietan sartzeko digitalak izan behar genuela konturatu ginen. Eguneratu gabeko webgunea genuen, enpresaren errealitatearekin guztiz deskonektatuta zegoena. Baina erabiltzaileek CMZ tornuak bilatzen zituztenean, lehenengo postuetan ateratzen ginen”.
Orduko haren aldean, duela urtebete abiarazi zuten webgune berriak “erabiltzailearengana iristeko aukera ematen digu” eta, prozesu honetan, ahalegin berezia egin dute “pertsonak gauza guztien erdigunean kokatzeko”. Adierazi duenez, SEO da abiapuntua, eta horri gehitu behar zaizkio geroztik sare sozialetako presentzia, Google Ads eta e-mailingaren erabilera edota edukien sorrera, enpresako sail guztien partaidetzaz.
Betaurrekoak, aurikularrak eta bestelako babes-ekipoak ekoizten dituen Medop konpainiaren izenean, Leire Escurzak gogoratu du, lehen, salmentak banatzaileen laguntzaz egiten zituztela, prozesu korapilatsu baten bitartez. Horren ordez, beste sistema arinago bat finkatu zuten webgunearen bitartez. Apirilean abiatu zuten, eta hasierako gorabehera guztien gainetik, “orain erabat arrakastatsua da, izan ere, salmenten % 60 webgunearen bidez egiten dira dagoeneko eta kopuruak gehituz doaz hilabetez hilabete”.
Zerbitzu bereizgarri duen merkataritza-eredu berria eskaintzen dutela nabarmendu du, “eta industria eta salmenta guztiei buruzko informazioa dugu, balio erantsiko produktuak bultzatu ahal izateko”.
Itziar Cenoz Teknikerreko marketin eta negozio digitaleko zuzendariak zehatz-mehatz azaldu du zergatik erabaki zuen zentro teknologikoak Clickindustrial.es merkataritza elektronikoko proiektua bultzatzea. Haren hitzetan, ekosistema digitala ez da tradizionala bezalakoa: “negozio berri bat sortzen ari da, eta ondo jokatzen ez baduzu, dagokizun tarta-zatia gal dezakezu”.
Munduko biztanleriaren % 56 eta Europako biztanleriaren % 94 Internetera konektatuta dagoela eta % 72k sarearen bidez erosten duela gogoratu du. “Alabaina, merkataritza elektronikoko merkatua dagoeneko hiru aldiz handiagoa dela eta urtez urte % 10etik gorako hazkundeak dituela kalkulatu da”.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean