Spyro Software, prozesu industrialen digitalizazioan espezializatutako ETE donostiarra
Spyro Software Donostiako ETE bat da, eta 40 urte betetzear da. Lau hamarkada horietan enpresen prozesu guztietarako digitalizazioa eskaini du. Prozesu industrialetan espezializatutako ERPa dute, eta fakturazioaren %15 I+Gra bideratzen dute. Etorkizunean adimen artifizialaren, zibersegurtasunaren, etengabeko berrikuntzaren eta talentua zaintzearen erronkei egin beharko diete aurre.
1985ean sortu zen konpainia enpresei ERP produktua eskaintzeko, prozesu guztiak kudeatzen laguntzen dien softwarea.” Enpresaren bihotz adimenduna eta datu guztien gordailu ofiziala da”, azaldu du Maialen Eguino Oteiza Spyro Softwareko kudeatzaileak. Enpresak, bestalde, enpresa-prozesuak optimizatzeko aukera ematen duten irtenbide gehigarrien ekosistema du. Horien artean, datuen ustiapena edo plataformak hirugarrenekin integratzea.
Orain dela bost urte Spyro TSSn (Total Specific Solutions) txertatu zen, software-enpresen elkarte europarrean, eta merkatuan haien posizioa indartzeko balio die.
Dagoeneko 60 langile dituzte; horietatik % 55 gizonezkoak dira eta % 45 emakumezkoak. Hain zuzen ere, “ez da ohiko datua gizonezkoak gehiengo dituen sektore batean”. Urteko fakturazioa 5 milioi euro baino gehiagokoa izango da aurten.
I+G gakoa da enpresarentzat, eta hori erakusten du urteko irabazien % 15 horretara bideratzeak. “Historikoki egin dugun zerbait da, eta etorkizuneko berrikuntzaren gure bermea da”.
Euskadi eta Nafarroa
Haien merkatua Euskadi eta Nafarroan dago nagusiki. “Halere, Espainian ere operatzen dugu banatzaileen bidez, eta gure bezeroei laguntzen diegu nazioartekotzean. Haien bidez, 15 herrialde baino gehiagotan gaude”.
Dagoeneko ERPn txertatzen ari diren adimen artifiziala aplikatzea eta beste aplikazio batzuk dira etorkizuneko erronkak. “Algoritmoen garapen-proiektu bat gauzatu dugu plangintza-tresnetan, eskariaren aurreikuspenetan eta salmenta gurutzatuetan. Era berean, keinuetan eta ahotsean oinarrituta jarraibideak ematera zuzendutako Jakintek izeneko programa abiatu dugu ekoizpen-lantegietan erabiltzeko”.
Zibersegurtasuna eta datuen babesa ere erronka garrantzitsua da. “ISO27001 dugu, eta kide garen enpresa-taldeak gidatzen duen segurtasun-marko zorrotz batean ari gara lanean”. Bestalde, etengabeko berrikuntza –“egin ezean atzean geldituko gara”- eta talentuaren kudeaketa dira beste erronka batzuk. Azken hori ezinbesteko alderdia da teknologiaren sektorean, lehiakortasuna eta berrikuntza giza kapitalak baldintzatzen baitu.
Spyro bere 40. urteurrenaren hurrengo jarduerarako prestatzen ari da, kongresu bat antolatzen ari baitira. “Merkatuan 40 urte egitea lorpen bat ez ezik, gure bezeroekin batera eraikitako ahalegin, inbertsio eta konpromisoaren erakusgarri ere bada. Eta digitalizazioak eskaintzen dituen aukerekin beste 40 urtez ere jarraitzeko ilusioa dugu. Enpresen partner teknologikoa gara”.
SPRI Taldeak bere kanaletan euskal enpresei beren jardueraren berri emateko aukera eskaintzen die. Zure proiektua gure gaiekin (I+G+b arloa, digitalizazioa, nazioartekotzea, ekintzailetza, berrikuntza…) lotuta badago, Zutaz mintzo gara ekimenean parte har dezakezu.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat