SPRIk bere agendan sartu du Zilarrezko Ekonomiarekiko konpromisoa, eta “Silver is Gold” ekitaldian parte hartu du
SPRIk bere agendan sartu du arlo sozio-sanitarioko proiektuak eta berrikuntzak garatzen dituzten enpresentzako laguntza- eta orientazio-zerbitzua, eta konpromiso horrekin parte hartu du “Silver is Gold” ekitaldian. Ekitaldi horren helburua da Zilarrezko ekonomiak Gipuzkoan eskaintzen dituen aukerak sustatu eta dinamizatzea eta baita ere ikusgai jartzea agente instituzional zein pribatuek jokatu behar duten papera berrikuntza aktibatzeko eta zahartze osasuntsurako konponbideen garapena ahalbidetzeko.
SPRIko Osasun eta Trantsizio Sozio-sanitarioko arduradun Maria Aguirrek parte hartu du “Silver is Gold” jardunaldian, bertatik bertara aurkezteko “SPRIk sektoreko enpresei eskaintzen dien arreta-zerbitzu pertsonalizatu berria”. Aguirreren arabera, “zerbitzu honen xedea da gidari eta orientabide izatea arlo horietako konponbideak garatzen dituzten enpresentzat, eta ezagutza espezializatuarekin osatzea I+G, berrikuntza, giza baliabide, ekintzailetza, nazioartekotze, eraldaketa digital eta beste hainbat arlotan eskaintzen diren laguntza transbertsalak.
Adinberrik, Gipuzkoako Foru Aldundiak eta SPRIk elkarrekin eskainitako hitzaldi batean eman da ezagutzera zerbitzu berria. Eta Adinberriren balio-proposamenaren esparruan aurkeztu da bere laguntza-zerbitzu integrala, hiru erakundeen tresna, zerbitzu eta laguntzez osaturik dagoena eta 2021etik aurrera hirurek elkarrekin eskaintzen dutena.
Markel Olano ahaldun nagusiak ireki du jardunaldia, eta Ekonomia Sustapeneko eta Proiektu Estrategikoetako diputatu Jabier Larrañagak, berriz, itxi egin du. Jardunaldian zehar, hizlariek Adinberriren Adimen Aurreratuko Sistemaren txosten baten bitartez azaldu dute euren ikuspegi prospektiboa arreta eta zaintzen esparruan aplikatzen diren teknologia berriei buruz eta, horrez gain, hizpide hartu dituzte sektore sozio-sanitarioaren erronkak arreta-ereduen arloan eta nola aprobetxatu erronka horien aukerak.
Euren esperientzia ez ezik, proposamen berritzaileak ere aurkeztu dituzte: esaterako “Resivoz”, Caser Residencia, Vicomtech eta Resiplus erakundeen artean garatutako sistema, zeinak ahots bidezko elkarreragina erabiltzen baitu egoitzetan informazioaren erregistroa optimizatzeko; Ubikare eta Mutua Madrileña erakundeek garatutako “Ubikare-Naiha”, Adimen Artifizialaren bidez profesionalei sostengua emateko eta erabaki onenak hartzen laguntzeko erizaintza-sistema adimendun bat; Wattio-k eta Eusko Jaurlaritzako Beti ON tele-laguntza zerbitzuak garatutako “Wattio-Zaintek” konponbide berritzailea, zeinak teknologia erabiltzen baitu bakarrik bizi diren pertsona nagusien zaintza hobetzeko, euren pribatutasuna inbaditu gabe eta autonomia mugatu gabe; eta, azkenik, Kompai Robotics ekimen frantsesa, zeinak robotika asistentziala diseinatzen eta aplikatzen baitu adineko pertsonen zerbitzura jartzeko.
Jardunaldian parte hartu du baita ere “Silver Valley” kluster frantsesak. Zilarrezko ekonomiako enpresak barne hartzen dituen kluster bat da, aitzindaria Europa osoan eta erreferente bat nazioartean, eta 4.500dik gora profesional biltzen ditu. Adinberri Fundazioak lankidetza-hitzarmen bat sinatu du kluster horrekin.
Zilarrezko ekonomia gero eta garrantzitsuagoa da testuinguru ekonomikoan, eta hori argi ikusten da “Silver is Gold” topaketak izan duen parte-hartze mailan, 300dik gora profesional elkartu baitira. Adinberri Fundazioak antolatu du jardunaldia “Etorkizuna Eraikiz” programaren esparruan (Foru Aldundiak abiarazia Gipuzkoak etorkizunean izango dituen erronkei modu kolaboratiboan aurre egiteko) eta Zientzia, Teknologia eta Berrikuntzaren Euskadi 2030 Plan orokorraren eta RIS3 estrategiaren testuinguruan. Estrategia horrek trantsizio sozio-sanitarioa, teknologiko-digitala eta energetiko-klimatikoa lantzen ditu, eta lehentasunezkotzat jo ditu Osasun Pertsonalizatuaren arloa eta “Zahartze Osasuntsua” izeneko Zeharkako Ekimen Trakziogilea.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.