SPRI Taldeak dioenez, “eraldaketa digitala da orain enpresen lehiakortasun-palanka garrantzitsuena”
Enpresen garapenerako euskal agentziak AEFAME famili enpresen elkartearen jardunaldi batean parte hartu du
SPRI Taldeko Berrikuntza eta Teknologiako zuzendari Aitor Cobanerak adierazi du: “orain eraldaketa digitala da enpresen lehiakortasun-palanka garrantzitsuena”. Cobanerak jardunaldi batean parte hartu du Deustuko Unibertsitatean, AEFAME famili enpresen elkarteak eta Entelgy Digital erakundeak antolatu dutena SPRI Taldearen (enpresen garapenerako euskal agentziaren) laguntzarekin.
Jardunaldian aztertu da nola orientatu euskal famili enpresak eraldaketa digitaleko prozesuen inguruan. Cobanerak esan du eraldaketa digitala “aukera baino gehiago premia dela dagoeneko, eta konpainiek digitalizatuta egon behar dutela etorkizunerako, horrek berekin ekarriko duelarik lehiakortasuna hobetzea”.
Berrikuntza eta Teknologiako zuzendariak esan du iraultza industrial berri hau “abiadura bizian datorrela eta aldaketak askoz azkarrago gertatzen ari direla”. Gaineratu du prozesu horretan badirela funtsezko faktore bi: enpresek kalitatezko banda zabala izatea eta zibersegurtasuna. “Garrantzitsua da baita ere ekintzailetza 4.0 Industrian. Enpresa trakziogileek gero eta gehiago bilatzen dute startup-ekin lan egitea, azkartasuna ematen dietelako”.
Cobanerak esan du horrelako ekitaldiak “funtsezkoak direla enpresei erakusteko zer ari den gertatzen” iraultza teknologiko honekin.
Javier Martínezek, Google Cloud enpresako ingeniaritza arloko zuzendariak, azpimarratu du une honetan “ez daukagu[la] ideiarik ere nolakoa izango den mundua 30 urte barru”, eta aldaketa aro betean bizi garela “non tresnak diren aldaketaren bultzatzaileak. Benetan garrantzitsuena, ordea, pertsonak egokitzea da. Enpresa bat zenbat eta handiagoa izan, hainbat eta zailagoa izango da kultura aldatzea, pertsona gehiagok egokitu behar dutelako”.
Ángel Jareño, Uvesco taldeko zuzendariorde nagusiak esan du banaketan “daukagun abantaila dela ikusi egin dezakegula zer gertatzen den beste sektore batzuetan”. Onartu du ez dakiela hurbildik ere “nolakoak izango diren supermerkatuak hemendik hamar urtera, baina ahalegina egingo dugu ordurako prest egoteko”.
Jareñok esan du bere ustez “bukatzen ari garela basamortuko ibilbidea” eraldaketa digitalaren arloan, eta gogorarazi du “duela 6 urte egin genuela datuen lehen proiektua”.
Lotutako albisteak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko