Roberto Beitia, Sarenet enpresako presidentea: “4.0 Industrian konexioa da lehenengo urratsa”
Euskal konpainiak datuen analitikarako, cloud biltegiratzeetarako eta konektagarritasunerako konponbideak eskaintzen ditu enpresa sektorearentzat
Datuen analitikak edo “big data”k oinarritzat du teknologia zenbaiten konbinazioa, hala nola: sentsorika datuak biltzeko, adimen artifiziala informazio hori aztertzeko, cloud zerbitzuak datuak biltegiratzeko, konektagarritasuna informazio hori denbora errealean prozesatzeko, eta bistaratzeko tresna eta softwareak, erabiltzaileek errazago ulertu ditzaten analitikaren ondorioak. Teknologia horietako edozein da funtsezkoa big data edo smart data prozesu bat gauzatzeko.
1995etik hona Sarenet enpresak telekomunikazio, ahots eta datuen arloko konponbideak hornitzen dizko enpresa sektoreari, cloud comuting eta data center zerbitzuak eskainiz. 4.0 Industriarekin duen harremana komunikazioetan, informazioaren biltegiratzean eta zibersegurtasunean kontzentratzen da. Roberto Beitia presidenteak dioenez, “dispositibo, sentsore, kontrolatzaile eta abarren arteko komunikazioak funtsezkoak dira 4.0 Industrian”. “Sarenet enpresan 20 urtetik gora daramatzagu dispositiboak konektatzen behar diren segurtasun neurriekin. 4.0 Industrian fabrikazio lantegietako dispositiboak konektatu behar dira zibersegurtasuna zainduz eta informazioa bidali behar da produkzioa kudeatzeko ekipoetara eta lainora. Gure esperientziari esker, konfiantza handiz egin dezakegu lan hori”.
Sarenet enpresaren erronketako bat da cloud konponbideen merkatuan dagoen lehia, non tamaina handiko nazioarteko enpresak baitira nagusi. Desabantaila hori gainditzeko, apustu egin dute “hurbiltasunaren” eta hornitzaile espezializatuekiko “lankidetzaren” alde. “Hurbiltasunezko cloud zerbitzuak eskaintzen ditugu. Sei data center dauzkagu, batetik erredundantzia ahalbidetzeko, eta bestetik, hurbiltasuna emateko bezeroari, aplikazioen erantzun denborak ahalik eta onenak izan daitezen. Softwareari dagokionez, software librean oinarritutako plataforma bat garatu dugu Irontec enpresarekin batera, neurrira eginiko edozein IoT proiektutara egokitzen dena” gogorarazi du Roberto Beitiak.
Sarenet enpresak garatu dituen proiektu garrantzitsuenetako batzuk informazioaren biltegiratzearekin eta datuen analitikarekin lotuta daude. “Proiektu oso interesgarri bat garatu dugu enpresa barruan. Gure sarean dabilen informazio guztia aztertzen dugu, 60 milioi erregistro inguru egunero. Informazio-bolumen horri esker komunikazio fluxu osoa lortzen dugu eta grafikoki irudikatzen dugu, bezero bakoitzari erakusteko zein informazio dagoen bere sare pribatu birtualean. Sistemak aukera ematen digu baita ere denbora errealean detektatzeko akatsek edo segurtasun-erasoek eragindako anomalia guztiak.
Datuen analitika
Badugu beste proiektu interesgarri bat, hots, geotermiako instalazio industrialen tele-kudeaketa, duela gutxi klimatizazio enpresa batean ezarri duguna” zehaztu du Sarenet enpresako presidenteak.
Datuen analitikaz eta informazioa biltegiratzeko sistemez ari garenean, Beitiak dio erronka handienetako bat dela “instalazio industrialen segurtasun eza”. “Ez da harritzekoa, orain arte konexiorik gabeko uharteak baitziren, eta 4.0 Industrian konexioa da lehenengo urratsa. Baina kontua ez da bakarrik konektatzea, baizik eta konektatzea zibererasotuak izateko arriskurik gabe, eta horixe da hain zuzen lantegietako nagusi guztiak beldurtzen dituena. 4.0 Industriak bere baitan hartzen ditu fabrikazioa eta informazio teknologiak, alegia bi mundu, orain arte elkarren berri ez zutenak. Bien bat-egiteak oso gauza interesgarriak ekar ditzake, adibidez: hardware oso merkea erabiltzea kontrol industrialeko sistemei aplikatuta, PLC sistemek “guztiz konektatutako” ingurune baterantz eboluzionatzea eta informazio-bilketa integratzea kontrol-ekipamenduetan. Bestalde, datu handiek eta adimen artifizialak nabarmen hobetuko dute produkzioaren eraginkortasuna. Alderdi humanoari dagokionez, aurreikusten da kualifikazio handiagoa beharko dela fabrikazioarekin lotutako lanpostuetarako”.
Sarenet enpresak 90 langile ditu eta bulegoak dauzka Madrilen, Bartzelonan eta Valentzian, baina etorkizunera begira, langile gehiago kontratatu eta zerbitzu gehiago eskaini nahi ditu. “Plantilla sendotzen ari gara 4.0 Industriako proiektuak gauzatzeko, eta errendimendu handiko ekipamendua ezartzen ari gara Zamudioko Teknologi Parkean inauguratu berri dugun data center-ean, non Cloud IoT konponbideak landuko baititugu. Datozen hilabeteetan hainbat ekintza egingo ditugu 4.0 industriaren arloko gaitasunak sustatzeko eta aliantzak sortu nahi ditugu produkzioaren kudeaketan, sentsorikan eta datu handietan espezializatutako enpresekin, elkarrekin garatzeko 4.0 Industriako proiektuak” aurreratu du Roberto Beitiak.
Lotutako albisteak
IndeusBerri: Industria eta Euskararen plaza
Gaur albiste dira Adimen Artifiziala eta irudiak sortzea, ChatGPT ikastaroak, Bai Euskarari ziurtagiriak 25 urte eta Txartel adimendun.
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.