Produkzioa planifikatu eta programatzeko konponbideak
Bizkaiko LTAKT aholkularitzak produkzioaren eraginkortasuna eta efikazia hobetzeko tresnak eskaintzen dizkie bere bezeroei
LTAKT PROJECT & PROCESS konpainiak industria eta osasun sektoreetako prozesuak hobetzeko tresnak eskaintzen ditu 2015etik. Testuinguru horretan, ad-hoc konponbideak eskaintzen ditu detektatutako arazoak azkar eta erraz konpontzeko. Ponciano Ibarreche da enpresako zuzendari nagusia eta berarekin hitz egin dugu egiten duten lanari eta bezeroen premia garrantzitsuenei buruz.
Zer egiten duzue LTAKT enpresan?
Gure zerbitzuak beraizik zuzentzen zaizkie euren prozesuetan eraginkortasun edo efikazia arazo puntualak dituzten enpresa txiki eta ertainei. Horietako asko ez dira automozio sektorekoak: elikadura, piezen fabrikazioa, molde eta tresna pertsonalizatuak, proba termikoak egiten dituzten laborategiak, e.a. Denak dira enpresa txikiak, antolatzeko moduan arazo puntualak dituztenak edo prozesuak hobetzeko ezagutzarik ez dutenak. Guk laguntza ematen diegu jakin dezaten zertan ari diren eta gauzak nola hobetu ditzaketen, beren prozesuetan zentratuz.
Eman adibideren bat jakiteko zer zerbitzu eskaini duzuen edo eskaintzen ari zareten.
Horietako bat lotuta dago ikusmen artifizialeko tresnen ezarpenarekin. Bezeroak ikusmen artifizialeko sistema nahiko zahar bat zeukan, arazoak ematen zituena informazioa eta produkzioa kudeatzerakoan, ezin zuelako xurgatu produkzioaren % 100a. Bezero horrek 4 milioi pieza inguru fabrikatzen ditu urtean, baina kopuru horren heren baten kalitatea bakarrik gainbegiratu zezaketen ikusmen artifiziala erabiliz. Orduan, guk, kanpoko kolaboratzaile batekin batera, produkzio-ildoak berrorientatu genituen eraginkortasuna hobetzeko, hots, konponbide eraginkor eta efizienteago bat eskaintzeko.
Badaukagu Mondragon Unibertsitatearekin batera garatzen ari garen beste kasu arrakastatsu bat: eskaeraren aurreikuspena aplikatzen ari gara sare neuronalen sistemak erabiliz. Plangintzan diharduen jendearen zeregina oso zaila zen eta da. Gauza asko hartu behar dira kontuan: eskaera definitu, produkzioa programatu eta planifikatu… Mondragon Unibertsitateko irakasle batekin batera, sistema bat garatzen ari gara aldakortasuna egonkortzeko eta murrizteko, eskaera aurreikusten duen eta adimen artifizialean oinarrituta dagoen programa bat diseinatuz.
Halaber, osasun sektorera zuzendutako Lean Health izeneko serious game bat garatu dugu, zeinetan saiatu baikara Lean metodologiari buruzko ezagutza industrialak osasun sektorean aplikatzen.
Orobat aipatzekoa da proiektu anitzen kudeaketarako diseinua eta ezarpena (CCPM), proiektu bat baino gehiagorekin lan egiten duten baina baliabide mugatuak dituzten eta arazo horiei aurre egiteko tresna sinpleak behar dituzten enpresentzat sortua. Zentzu horretan, proiektuak egin ditugu hormigoizko etxe aurre-fabrikatuak egiten dituen enpresa batean, gatzgabetze lantegi batean nahiz proba termikoak egiten dituen laborategi batean.
Zertan datza enpresa baten premiak baloratzeko prozesua?
Lehenik eta behin, jakin behar da zein den enpresaren egungo egoera, hau da, bere motibazio-maila edo sistemen informatizazio-gradua. Batzuek euskarri onak dauzkate datuentzat, baina beti ere enpresa-motaren arabera, eta datuak kudeatzeko moduak eta antolakuntzak ere badute zerikusia. Aldagai horiek kontuan hartuta, beren premien araberako konponbide ahalik eta errealistenak planteatzen dizkiegu. Ezin zaio hegazkin bat eman hegazkinak pilotatzen ez dakien enpresa bati. Enpresak gai izan behar du identifikatzeko zerk bereizi ditzakeen gainerakoengandik. Emaitzek prozesuak hobetu behar dituzte, baina orobat hobetu behar dituzte atetik irteten den produktu kopurua handitu dezaketen antolakuntzako alderdi guztiak.
Zein jarrera dute ETEek zuek eskaintzen dituzuenak bezalako konponbideak inplementatzeko orduan?
Arazo nagusia kostuak izaten dira beti. Aurkitzen ditugun egoerek tristura handia sortzen digute. Edo aurkitzen dute laguntza ekonomikoren bat SPRIk (edo antzeko erakundeek) bultzatutako planen bitartez edo normalean oso zaila da proiektuak gauzatzea. Laguntzekiko menpekotasun handia dago. Laguntzarik gabe, proiektu asko seguru asko ezingo genituzkeen gauzatu.
Nolako proiektuak eskatzen dizkizuete gehien zuen bezeroek?
Oro har, programazioan eta produkzioaren plangintzan zentratutakoak. Konpainia askok Excel-a erabiltzen dute oraindik plangintzarako eta antolatzeko, baina puntu batera iritsitakoan Excel-a txiki geratzen zaie informazio kopurua handia delako. Azkenaldian jaso ditugun eskaera gehienak plangintzarekin eta programazioarekin lotuta daude. Batzuek oinarrizko salmenten gainean egiten dute plangintza, eta ohartu dira aukera horren mugara iritsi direla.
Zeintzuk dira zuen etorkizuneko erronkak?
Uste dut osasun sektorean oraindik badagoela zer hobetu. Eta sektore horretan jarraitu nahi dugu lanean. Bestalde, produkzioaren programazioa eta plangintza da une honetan eskaera gehien duena. Enpresetako arduradunek ahal bezala planifikatzen dute, ahal dutena egiten dute eskura dauzkaten bitartekoekin.
Lotutako albisteak
Lantekek, software industrialean munduko liderrak, 36.000 bezero baino gehiago ditu dagoeneko
Arabako Parkean kokatuta dagoen enpresak 400 langile baino gehiago ditu, eta SPRI Taldearen zibersegurtasuneko programako laguntza bat jaso du
Lowerton, adimen artifizialarekin enpresak berritzea eskaintzen duen startupa
Bere teknologiak aukera ematen du lau hilabeteko lana eskatzen duten hobekuntzak bi egunetan bakarrik ezartzeko
Duplostock industria-irtenbide pertsonalizatuen diseinatzaile eta fabrikatzaile bihurtu da
Zuzendaritzan izandako aldaketaren ondoren, euskal enpresak eraldaketa digitalaren, efizientzia energetikoaren eta bere prozesuen automatizazioaren aldeko apustua egin du.
Novaut, blog batetik jaio zen marketplace industrialaren finkapena
Merkatuan bost urte daramatza, eta Arabako enpresak lortu du bere lekua egitea ordezko pieza kritikoen sektoreko erraldoien artean
GM2k digitalizazioaren eta nazioartekotzearen aldeko apustua egin du, motorraren sektorearen hazkundea bultzatzeko
Motorzaleentzako ekipamenduaren banaketan espezializatutako enpresa arabarrak adimen artifizialean oinarritutako laguntzaile birtual bat garatu du, ereduaren araberako ordezko piezen bilaketa errazteko, eta Mediterraneo inguruko herrialdeetan hedatzen hasi da.
Veiss-ek 20 urte baino gehiago dihardu tokiko enpresa eta erakundeen eraldaketa digitalean laguntzen
Arabako enpresak webgune korporatiboak, mugikorretarako aplikazioak edo online dendak garatzen ditu sektore mota guztietarako.
Lancor, altxatzeko motor elektrikoen fabrikazioan Europako liderra
Abanto-Zierbenako enpresak SPRI Taldearen Gaitasun Digital Profesionalen programako laguntza jaso du eta esportaziorako produktu propioak garatzearen aldeko apustua egiten du.
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
Mercanza: “Bezeroa bere datuen ustiapenean espezializatua bihurtzen dugu”
Enpresak eraldaketa digital tradizionala gaindituz soluzioak eta zerbitzuak eskaintzen ditu, enpresen eraginkortasuna eta produktibitatea bultzatzeko.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.