Piezen % 100 suntsitu gabe ikuskatzeko soluzioak
LINQcasek x urte daramatza manufaktura aurreratuko industrien ekoizpen- eta mantentze-prozesuak optimizatzeko soluzioetan lanean. Horretarako, Donostiatik ikuskapen-ekipo ez-suntsitzaileak garatzen dituzte teknika elektromagnetikoen bidez, bai eta produkzioa monitorizatzeko softwareak ere. Helburua: industriei produktiboagoak izaten laguntzea, akats kantitatea eta eraginkortasunik eza zerora jaitsiz.
“Gaur egun, prozesu industrial gehienak teknika suntsitzaileen bidez ebaluatzen dira. Prozesu horietan, pieza batek propietate mekaniko egokiak dituen zehazteko modu bakarra pieza bera moztea eta aztertzea da, eta horrek erabil ezina bihurtzen du”, azaldu du Ibon Iribarren LINQcaseko kudeatzaileak. “Garestia, geldoa eta piezen kalitatearen trazabilitate egokia bermatzeko gai ez dena” izaten den arazo horri irtenbidea emateko, Donostiako enpresak piezen %100a kontrolatzeko gai den irtenbide bat proposatzen du, teknika ez suntsitzaile elektromagnetikoak erabiliz. Modu honetara erabilgarriak izan daitezkeen piezak alferrik ez galtzea lortzen da.
LINQcasek proposatutako irtenbideak piezak magnetizatzen ditu, materialaren seinale elektromagnetikoa “entzuten” du eta korrelazio matematiko bat egiten du kontrolatu nahi diren propietate mekanikoekin, adibidez, puntu jakin bateko gogortasuna. Behin hori jakinda, makina automatikoa edo eskuzkoa ematen dute, erabiltzaileak piezen %100 egiazta dezan edo ikuskapen estatistikoa egin dezan, segundo edo minutu batzuetan. “Industriei aurrezteko aukera handiak ematen dizkie honek, adibidez, Automobilgintzako bezero batek akats bat izan zuen fabrikazio-prozesu batean, eta gertakari bakar horren kostua 1.4 milioi eurokoa izan zela kalkulatu zen”, adierazi du Iribarrenek.
Teknika horiek erabiliz, artezketa-erreketak, propietate mekanikoak eta tenplatze-propietateak, gainazaleko akatsak, arrakalak eta porotasunak identifika daitezke, baita dimentsio-kontrola egin ere, ikuskatutako pieza aldatu gabe. Hori guztia automobilgintzako ardatzetan aplikatzen dute batez ere, bazkideek ondo ezagutzen duten sektorea, esperientzia luzea baitute.
Teknologia hau BRTAko kide den Ceit-IK4 ikerketa zentroarekin batera garatu da. Ceitek artezketa prozesuak egiaztatzeko ikerketa industriala egina zuen, baina LINQcasekin elkartzeko aukera aztertu zuen garapena bizkortzeko eta ingurune industrialetan kontsumitzeko egokia zen teknologia egiteko. “Industriarentzat aurrerapauso handia dela uste dugu, izan ere merkatura iristen ez den goi mailako teknologia asko dago, ez delako sinplifikatzen eta sendotzen, eta hori izaten ari da gure lana”, esan du LINQcaseko gerenteak.
Prozesuen digitalizazioa
Suntsitzaileak ez diren ikuskapen-soluzioez gain, LINQcasek bigarren negozio-lerro baten alde egiten du: prozesuen digitalizazioaren alde. Donostiako konpainiak materialak entregatzeko automatizazio adimentsuko proiektuak eskaintzen ditu ekoizpen-lerroetarako, makinek denbora errealean sortzen dituzten datuetan oinarrituta, “Ekoizpen edo mantentze prozesu batean eraginkortasunik eza antzematen dugu, hobetzeko aukera kuantifikatzen dugu eta proiektua exekutatzen dugu bezeroak hobekuntza hori lor dezan”, azaldu du Iribarrenek.
Orain, automobilgintzako instalazio batean material faltagatik ekoizpen-lineen geldialdiei irtenbidea ematen dien proiektu batean ari dira lanean, “makinen seinaleak irakurriz (70 seinaletik gora duela gutxi garatutako proiektu batean) material berriak bidaltzen ez badira geldialdi bat noiz egingo den iragartzen dugu. Hortik aurrera, biltegiko lana planifikatuko dugu, lineako zer material hornitu behar dituen adieraziz. Eta azkenik, robot autonomoen flota bat programatu eta integratzen dugu, materiala entregatzen dela ziurtatzeko “, adierazi du Iribarrenek.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri.
Lotutako albisteak
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat