Osasunaren eraldaketa Laugarren Iraultza Industrialean
Munduko Ekonomi Foroak argitaratutako azterketa batek hizpide hartu du teknologiek osasun sistemetan duten inpaktua
Datozen urteetan, bioteknologiako eta ingeniaritza genetikoko aurrerapenek, eta baita ere Adimen Artifizialak, datuen analitikak eta Gauzen Internetek iraultza ekarriko dute osasun arlora. Halaxe dio Munduko Ekonomi Foroak oraintsu argitaratu duen Health and Healthcare in the fourth industrial revolution azterlanak.
Txostenak dio berrikuntza teknologiko eta zientifikoek oso maila desberdinetan eraldatuko dituztela osasun sistemak. Aurrerapen horiek atea zabalduko diete diagnostiko eta tratamendu hobetuei eta aldaketa sakonak eragingo dituzte zerbitzu medikoen hornikuntza ulertzeko moduan. Azterlanak dio osasun zerbitzuak gero eta gehiago izango direla etengabeko zaintza-banaketarako sistema bat (eta ez ingurune klinikoan zentratutako eskema bat), erabat pertsonalizatutako ikuspegi batetik abiatuta.
Ingeniaritza genetikoaren aurrerapena aukera paregabea da gaixotasunentzako tratamendu berriak aurkitzeko. Gainera, horri datuen analisirako teknologiak gehitzen badizkiogu posible da zehaztasunezko medikuntza edo medikuntza genomikoa garatzea. Esan nahi baita posible izango dela diagnostiko eta tratamendu pertsonalizatuak egitea, paziente bakoitzaren geneak, ingurunea eta ohiturak kontuan hartuta.
Analitika eta konputazio arloetan, Adimen Artifizialak aukera ugari eskaintzen ditu osasun arloko langileei diagnostikoak egiten eta erabakiak hartzen laguntzeko. AAk dagoeneko erakutsi du eraginkorra dela diagnostikoak egiteko, eta txostenak dioen bezala, kasu batzuetan mediku espezialistek baino emaitza zehatzagoak ematen ditu. Azaleko minbizia detektatzeko prozesuei buruz egin berri den azterlan batek dio AA gai izan zela kasuen %95 detektatzeko; osasun arloko langileek, berriz, %87ko portzentajea lortu zuten. Analisirako gaitasun horri esker gai izango gara arlo farmazeutikoaren garapena hobetzeko, medikamendu batek pertsona batengan izango duen eragina aurreikusi ahal izango delako.
Beste teknologia batzuk ere -errealitate birtuala eta areagotua edo Gauzen Internet medikoa adibidez- hasi dira hobekuntzak sortzen tratamenduetan eta etxeko zaintzan. Bestalde, Blockchain teknologiak erraztu egiten du datu medikoak bezalako informazio sentsiblearen kudeaketa eta trukea, eta bere kontrola bermatzen du.
Nazioarteko arlo publikoko, enpresa munduko eta ikerketa arloko adituek egin duten azterlan honek osasunaren iraultzarekin lotutako erronka garrantzitsuenak ere aipatzen ditu. Batetik, aurrera egin behar dugu biztanleriaren zahartze globalari erantzungo dioten sistema sostengarriak lortzeko bidean eta, bestetik, gerta liteke berrikuntza mediko horiek gaitasun ekonomiko handiena duten biztanleek bakarrik eskuratu ahal izatea. Azkenik, txostenak dio eztabaidak ireki behar direla aurrerapen teknologikoek dakartzaten arazo etikoak eta pribatutasun arloko arazoak aztertzeko.
Biozientziak eta gizakiaren osasuna Espezializazio Adimenduneko RIS3 Euskadi Estrategiaren lehentasunetako bat dira, Fabrikazio Aurreratuarekin eta Energiarekin batera. Estrategia hori batez ere zentratzen da hazteko potentzial handiena duten eskualde mailako eremuetan, eta Euskadiren kasuan, lehendik dauzkagun enpresa-gaitasunetatik eta gaitasun zientifiko teknologikoetatik abiatzen da.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko