Nazioarteko MEDICA azokan izango da Basque Health Cluster elkartea
Euskadiko 12 enpresak jarriko dute ikusgai hemengo industria medikoaren potentziala
Azaroaren 12tik 15era egingo da MEDICA azoka, medikuntzaren eta osasunaren industriak mundu osoan antolatzen duen nagusietakoa, Alemaniako Dusseldorf hirian. Han izango da Basque Health Cluster elkartea, sektore horretako euskal enpresak biltzen dituena, biozientziaren eta osasunari aplikatutako teknologiaren eremuan Euskadik eskaintzen dituen aukerak erakusten.
Euskadiko hamabi enpresa joango dira azokara. BIC Bizkaia, BIC Gipuzkoa eta SPRI Taldeko Invest in Basque Country arituko dira erakusten zer aukera eskaintzen dituen gure herriak gailu medikoak garatzeko. Beren produktuak ikusgai jarriko dituzte, orobat, Fagor Healthcare, Fesia Technology, Gogoa, INYBI, Osasen Sensores eta Reiner Medical enpresek, Tecnalia eta IK4 Research Alliance teknologia-zentroek eta EHUk. 16. pabiloiko B31 standean egongo dira denak, eta han erakutsiko dituzte medikuntza, biozientzia eta osasunaren sektorerako egin dituzten azken garapen teknologikoak.
Azokaren programazioari dagokionez, azaroaren 13an Basque Country Opportunities for the Medical Device Sector jardunaldia egingo da, euskal erakunde publiko, ikerketa-zentro eta enpresetako ordezkariak bertan direla. Estíbaliz Hernáez, Eusko Jaurlaritzako Teknologia, Berrikuntza eta Lehiakortasuneko sailburuordea izango da jardunaldiko lehen hizlaria, eta The Basque Country: Smart specialization in advanced manufacturing & health txostena irakurriko du. Invest in the Basque Countryko arduradun den Marian Ibarrondok industria medikoaren alorrean Euskadik eskaintzen dituzten aukerak izango ditu hizpide, eta Basque Health Clusterreko zuzendaria, María Pascual Zulueta, berriz, euskal enpresek ekoitzitako aurrerapen teknologikoez jardungo da.
Orobat mintzatuko da jardunaldian Cikautxo Medical – Corporación Mondragoneko Negozio Garapeneko zuzendaria, Gonzalo Martín, eta Industrial reference in Advanced Manufacturing hitzaldia eskainiko du. Tecnaliako Osasun Dibisioko Jesús Valero ere hizlari izango da, eta gailu medikoen berrikuntza teknologikoez arituko da, Tecnalia korporazio teknologikoa erreferentzia eta adibide duela.
Irabazi-asmorik gabeko elkartea da Basque Health Cluster, eta biozientzien eta osasunaren alorreko euskal enpresen eta erakundeen ordezkari eta sustatzaile jarduten da, Euskadin sektore hori garatzen, bultzatzen, eta nazioartera hedatzen laguntzeko.
Lotutako albisteak
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.