Nazio Batuen Erakundeari eredugarria iruditu zaio Eusko Jaurlaritzaren Basque Industry 4.0 estrategia
UNIDOren —NBEko industria-erakundea— talde bat, aste honetan, Arantxa Tapia sailburuarekin, zazpi enpresekin eta lau klusterrekin bilduko da
SPRI Taldearen eskutik, 1.500 enpresen inguruko azterketa bat egiten ari da, Industria 4.0ren eta digitalizazioaren garapena analizatzeko
UNIDOren —Nazio Batuen Erakundearen (NBE) industria-garapenean erakunde espezializatua— iritziz, Eusko Jaurlaritzaren Basque Industry 4.0 estrategia eta Euskadin Industria 4.0ren inguruan ezarritako politikak eredugarriak dira. Hala, Euskadi aukeratu du horren inguruan azterketa bat egiteko eta bere biurteko txostenean jasotzeko. Aste honetan UNIDOko talde bat Euskadira hurbildu da Arantxa Tapia sailburuarekin biltzeko, enpresa jakin batzuk bisitatzeko, eta Industria 4.0ren eta digitalizazioaren garapena analizatzeko, SPRI Taldearekin batera iazko azken hiruhilekoan hasi zuen 1.500 enpresen analisia osatzeko.
Industria 4.0n euskal estrategiaren definizioaren eta ezarpenaren oinarri den arlo publikoaren eta pribatuaren arteko elkarlanak eman du bereziki atentzioa Nazio Batuen Ikertzaileen artean.
NBEaren industria-erakundearentzako azterketa hori baliagarria izan daiteke, bi urtetik behin, munduan industria-garapenaren arloko eboluzioari eta joerei buruz aurkezten duen txostena osatzeko. Kasu honetan, 2020an aurkeztuko duen txostena Industria 4.0n eta fabrikazio adimenduneko kontzeptuan nahastutako teknologia digital aurreratuetan zentratuko da, adibidez, Robotika aurreratuan, Adimen artifizialean, Big Datan eta Gauzen Interneten.
Azpimarratu behar da Industria 4.0 eta digitalizazioa bezalako gaietan euskal industria-politikaren inguruan NBEak erakutsitako interesari eta balorazioari, Harvardeko Unibertsitateak, klusterreko eta gobernantzako politikagatik, “Euskal Kasua” deitutakoaren inguruan egiten duen azterketa erantsi behar zaiola.
Hala, aste honetan zehar, Politika, Ikerketa eta Estatistika Saileko zuzendaria buru duen UNIDOko talde batek Euskadi bisitatzen du Arteche, Fagor Industrial, Gestamp, Ormazabal, Orbea, NBI Bearings eta SNA Europe euskal enpresak, eta ACICAE, Gaia, AFM eta Energía klusterrak elkarrizketatzeko, kasua erredaktatzeaz arduratzen den SPRIko taldeak lagunduta. Bisita honetan Ekonomiaren Garapeneko eta Azpiegituretako sailburu Arantxa Tapiarekin bildu da, euskal estrategiaren gakoei buruz hitz egiteko, Tapia baita hura ezartzeko arduradun nagusia.
Industria 4.0n euskal kasuaren erredakzioa babestuko duten datuak eskuratzeko, SPRIk inkesta bat egin du Euskadiko 1.500 industria-enpresatan. Bildutako emaitzak aztertuz, galdetutako enpresen artean teknologia digitalak erabiltzeko prestaketa-maila eta heldutasun teknologikoa analizatu ahal izango dira. Ahalegin berezia egiten da enpresen zein ezaugarrik eragin dezaketen teknologia berriak erabiltzen hastea ulertzen, baita teknologia digital aurreratuak hedatzearekin lotutako gaitasunetan, trebetasunetan eta enpleguan zein aldaketa garrantzitsu gertatzen ari diren (edo gertatzea espero den) ulertzen ere.
Industria-teknologia aurreratuei, fabrikazio adimendunari eta Industria 4.0ri buruzko 2020ko txostena
UNIDO da Nazio Batuen Erakundearen industria-garapenean espezializatutako erakundea eta, bi urtez behin, testuinguru globalean industriaren esparruan ematen ari diren azken garapenak eta joerak biltzen dituen erreferentziako txosten bat argitaratzen du. Edizio bakoitzean industria-garapenaren hainbat alderdi garrantzitsu lantzen ditu.
Txostenaren 2020ko edizioan, manufakturako produkzioaren etorkizuna eta teknologia berriak garapen bidean dauden herrialdeen eta herrialde industrializatuen industrializazio-prozesuan izaten ari diren eragina aztertuko ditu UNIDOk. Bereziki, fabrikazio adimenduneko kontzeptuan eta Industria 4.0n teknologia digital aurreratu inplizituak aztertuko ditu txostenak, adibidez, Robotika aurreratua, Adimen artifiziala, Big Data eta Gauzen Internet. Teknologia horiek industria-produkzioko paradigma berri bat sortzen ari dira eta produkzio fisikoko eta produkzio digitaleko sistemen arteko mugak gero eta gehiago ezabatzen ari dira.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra