Mercedes-Benzek BIND 4.0ko startupekin partekatu ditu eraldaketa digitaleko bere proiektuak
BIND 4.0 berrikuntza irekiko plataformako startupek telematikoki bisitatu dute gaur goizean Mercedes-Benz automobilgintzako konpainia liderrak Gasteizen duen lantegia, eraldaketa digitalaren arloan dituen proiektuak ezagutzeko. Konpainia 2016ko lehenengo ediziotik ari da BIND 4.0rekin lankidetzan, eta bere berrikuntza-proiektu nagusiak aurkeztu ditu bisitariei azken berrikuntza teknologikoen berri emateko eta fabrika lantegi digital bihurtzea nola lortu duen azaltzeko.
Bisitan BIND 4.0ko partner enpresek ere parte hartu dute, teknologien garapenari eta berrikuntza eta industria inguruneetako lankidetza-jardunbide egokienei buruzko esperientziak partekatzeko. BIND 4.0k eta Mercedes-Benzek antolatutako esperientzia didaktiko honen helburua izan da parte-hartzaileek Mercedes-Benzen ekoizpen-prozesu adierazgarrienak ezagutu ahal izatea eta, aldi berean, proiektuen arduradun zuzenekin egoteko aukera izatea.
Jardunaldiari hasiera emateko, bisita birtual bat egin da Emilio Titos Mercedes-Benz España konpainiaren zuzendariarekin. Ondoren, erakusketa teknologiko interaktiboen dinamika bat egin da taldetan banatuta, eta parte-hartzaileek berrikuntza irekian eta eraldaketa industrialean lankidetza areagotzeko moduari buruzko esperientziak partekatu ahal izan dituzte.
Formatu honen bitartez, BIND 4.0ko startupek eta partner enpresek zuzenean ezagutu ahal izan dituzte Mercedes-Benzeko ekoizpen-prozesuak. Konpainiak proiektuak gauzatzea ahalbidetu duten hainbat teknologia, besteak beste, fabrikazio aditiboa, errealitate areagotua, robotika edo ikuspen artifiziala ezarri ditu prozesu horietan konpainiako arlo bakoitzaren arduradunen bidez. Zehazki, saio interaktiboetan bertaratuek ikusi ahal izan dute, beste berrikuntza askoren artean, nola gauzatzen den AGVn oinarritutako robotika kolaboratiboko proiektu bat, nola jartzen den abian akats mekanikoen mantentze-lan prediktibo bat edo nola lortzen den energia litio-baterietan biltegiratzea.
Gaur goizean BIND 4.0ko enpresekin eta startupekin batera izan den Eusko Jaurlaritzako Eraldaketa Digitalaren eta Ekintzailetzaren zuzendariaren, Leyre Madariagaren, hitzetan, “gaur Mercedes-Benzen lantegira egin dugun bisitaren modukoak aukera apartak dira BIND 4.0 osatzen dugun guztiontzat, batetik, 4.0 industrian liderra den enpresa baten eskutik berrikuntzaren bidea zein den jakiteko eta, bestetik, zuzenean egindako erakustaldi baten bidez startupek eta konpainia handiek helburu bateratu batekin elkarlanean nola lan egin behar duten jakiteko”.
Emilio Titos, Mercedes-Benz Gasteizko zuzendari nagusiak, berretsi du Gasteizko lantegiak eraldaketa digitalaren azelerazioarekin hartuta duen konpromisoa, beharrezkoa izanik etengabeko bilakaera teknologikoan murgilduta dagoen ingurune ekonomikoan ahalik eta ongien lehiatu ahal izateko. “Alde horretatik, gure hornitzaile-sarean berrikuntza eta eraldaketa digitala sustatzeko ardura dugula ere sentitzen dugu. BIND 4.0rekin eta startupekin lankidetzan jarduteko gure esperientziak gure ekosistemaren eraldaketa digitala bultzatzen du”, esan du.
BIND 4.0ri buruz
BIND 4.0 industria adimenduneko berrikuntza irekiko plataforma publiko/pribatua da, Ekonomiaren Garapen, Jasangarritasun eta Ingurumen Sailak SPRI taldearen eta Euskadiko ekintzailetzaren ekosistemako UpEuskadi plataformaren bidez sortua. Gaur egun egoitza Euskadin duten erreferentzia globaleko 57 enpresa lider nagusirekin lankidetzan dihardu, eta teknologiaren arloko nazioarteko hainbat enpresak ere parte hartzen dute bertan, hala nola Siemens, Microsoft eta Amazon Web Services enpresek. Ekimena helburu bikoitzarekin sortu zen: alde batetik, industriaren eraldaketa digitala bultzatzeko eta, bestetik, ekimen berritzaileak sendotzeko prozesua bizkortzeko enpresa handien eta startupen arteko lankidetza-eredu baten bitartez. 2016tik BIND 4.0 plataformak bere lau edizioetan 130 startupek baino gehiagok garatu dituzten 200 proiektu bizkortu ditu guztira
Lotutako albisteak
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.