Kluster helburua: eraldaketa digitala eta iraunkortasuna
Industria sailburuordeak Basque Cluster Day 2019 jardunaldia inauguratu eta erronka globaletan lan egiten jarraitzera animatu ditu
Javier Zarraonadia Eusko Jaurlaritzako Industria sailburuordeak “Basque Cluster Day 2019” deritzon Euskadiko klusterren urteko bilkuran parte hartu zuen ostiralean, azaroak 22, eta bertan adierazi zuenez, oraingoa garrantzi handiko unea da euskal industriarentzat Europako testuinguruan, eraldaketa sakonak eragiten ari diren bi mugimendu geldiezinen ondorioz: teknologia disruptiboen eta hauei atxikitako negozio-eredu berrien iritsiera, eta bestetik, klima-aldaketaren aurkako borroka, deskarbonizazioa eta honen inpaktua.
Jendaurreko agerraldian, sailburuordeak argi utzi zuen “bi aldaketa horiek guztiz bideragarriak direla merkatuari balioa eta teknologia gehitu eta nazioartekotzean izugarri aurrera egin duen euskal industria-sarearentzat, izan ere, honen giltzarrizko sektoreak mundu osoan saltzen ari dira, beste enpresa txikiago batzuen gaineko trakzioa egiten duten bitartean”.
Haren hitzetan, klusterrak funtsezko tresna dira eraldaketa digitala gauzatzeko eta Jaurlaritza estrategiak berrikusten ari da bidea errazteko. Horren harira, “ZTBP berriari ekin eta kluster programa berrikusteko asmoa dugu eta Europa ere esparru programa birdiseinatzen ari da”, sailburuordeak argitu duenez. Klusterrek aldaketei adi egon eta sektore zein klusterren arteko lankidetza sendotu behar dute lehiakorragoak izateko.
EBari Europako Industria Estrategiari buruzko aholkularitza ematen dion Cristina Oyón SPRIko ekimen estrategikoen arduradunak ezagutzera eman du nola diseinatzen ari den Horizon Europe berria aipatutako bi bektoreen arabera: iraunkortasuna eta eraldaketa. Lehenengo ardatzean, Horizon Europek ehun mila milioi euroko kopuruaren % 35 klima-aldaketara eta garapen iraunkorrera bideratuko du, oinarrizko bost gai hauen arabera: isurpenak, zoruak berreskuratzea, ura, itsasoa eta ozeanoa. Klusterren jarduerak aukera horiek guztiak profitatu behar ditu. Eraldaketa digitalaren ardatzari dagokionez, UNIDOk eraldaketa digitalari buruz egin duen Europa mailako inkesta baten arabera, “kluster bateko kideak diren enpresak hobeto posizionatuta daude elkarteetatik kanpokoak baino”.
Europako Industria Estrategiaren inguruko ekintzei dagokienez, SPRIren arduradunak iragarri zuen Euskadi EIT-Manufacturing deritzonaren egoitzetako bat izateko aukeratu dutela. Hauxe da EIT (European Institute of Innovation and Technology) erakundea osatzen duten 8 komunitateetako bat. Europako Batzordeak sortu zuen, mugaz gaindiko lankidetza-ingurune berritzaileen bitartez Europan berrikuntza eta enpresa-garapena bultzatzeko asmoz, laguntza-programak kudeatuz eta proiektuak finantzatuz. Aurreikuspenen arabera, EIT-Manufacturingek 400M€ inguru kudeatuko ditu 2020-2026 epealdian. Oyónek berariaz nabarmendu zuen klusterrek lankidetza-inguruneetan sortu eta garatutako ekimen horietan izango duten garrantzia.
Bestalde, Alberto Fernandez Eusko Jaurlaritzako teknologia arloko zuzendariak proiektuak toki mailan zein Europa mailan prestatzearen garrantzia izan zuen hizpide. Halaber, gonbidapena luzatu zien klusterrei lankidetza bidezko proiektuen eragile nagusiak bihur daitezen, enpresei lagunduz eta lankidetza bidezko ekimen berriak erakarriz. Proiektu-deialdiak lehiakorrak dira eta kluster-erakunde dinamizatzaileren baten laguntzaz landutako proiektuek euskal zein europar erakundeek aitortu eta baloratzen duten kalitate-plusa ekar dezakete.
Teknologia zuzendariak “funtsezkotasunaren” kontzeptua lantzeko premia nabarmendu zuen, baldin eta meritu zientifikoa eta teknologikoa duen proiekturen batek proiekzio ekonomikoa edo merkatukoa ere baldin badu. Klusterrek gaitasun handiak dituzte, dagozkien enpresei “funtsezkoa izatearen” balioa duten proiektuak aurkezten laguntzeko, eta horien bitartekaritza da kasu askotan beste proiektu-proposamen batzuekin lehiatzeko gaitasuna ematen duena.
Jendaurreko ekitaldian, Gaiker, Energia, Eraikuntza eta Fabrikazio-Teknologia Aurreratuen arloetako klusterren esperientziak eta lekukotasunak ezagutzeko aukera ere izan zen. Bestalde, Orkestrak eta Tecnaliak gogoeta egin zuten klusterrei buruz, teknologiari buruz eta etorkizuneko zein nazioarteko joerei buruz.
Topaketari esker, klusterren kolektiboari eman zaizkio ezagutzera Basque Research Technology Alliance (BRTA) Euskal Partzuergo Zientifiko-Teknologikoaren jarduera eta zerbitzuak. BRTAk Zientzia, Teknologia eta Berrikuntzaren Euskal Sareari atxikitako 16 eragile zientifiko-teknologikoak biltzen ditu, eta TNO, Fraunhofer eta Europa mailako beste erreferente batzuekin homologa daitekeen egitura du. Lankidetza-dinamiken bitartez Euskadiko ekosistema teknologikoa bultzatzea da BRTAren eginkizun nagusia.
“Datorren Teknologia: erronkak eta lankidetza beharra”
Joseba Laka, ICT Dibisioaren Zuzendaria TECNALIA eta James Wilson, Orkestra – LEI
Erronka, aukera eta ahalmenen testuingurua Euskadin
Cristina Oyón, Ekimen Estrategikoen arduraduna, SPRI
Rikardo Bueno, CEO, BRTA – Euskal Zientzia eta Teknoligia Partzuergoa
Alberto Fernández, Teknologia Zuzendaria, EUSKO JAURLARITZA
Lankidetza-esperientzia praktikoen panela Teknologia Inguruan. Zertarako gaude hemen?
Patricia Tamés. AFM-INVEMA Fabrikazio Aurreratuaren Teknologia Klusterra
Jose Ignacio Hormaeche, Energia Klusterra.
Jon Ansoleaga.ERAIKUNE Euskadiko Eraikuntzaren Klusterra.
Luis Madariaga. GAIKER Teknologia Zentroa
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean