Kirol eta bizitza egokiturako 16 konponbide berri 3D inprimaketa erabiliz
Sorkuntza kolektiboko tailerrak Getxolan Lab espazioan.
Getxolan Lab espazioa berrikuntza irekirako topagune bat da, non ideia eta prototipo berriak garatzen baitira 3D inprimaketako teknologietan oinarriturik. Une honetan, laborategia tailer programa bat bultzatzen ari da kirol eta bizitza egokiturako konponbide berritzaileak sortzeko. Profil oso desberdinei zuzendutako topaketen bitartez, Getxolan Lab espazioaren inguruan sortutako komunitateak 16 prototipo diseinatuko eta fabrikatuko ditu detektatu diren beharrei erantzuteko, eta 3D inprimaketa erabiliko du horretarako.
Ekimen hori lankidetzan sustatu dute 3DLan elkarteak eta GetxoLan, Getxoko Udaleko Ekonomia-Sustapen Sailak. “3DLan elkartearen helburua da konponbideak sortzea 3D inprimaketa erabiliz eta konponbide horiek eskaintzea ezgaitasunak dituzten pertsonei. Bestelako jarduerak ere garatzen ditugu, elkartea ekonomikoki sostengarria izan dadin”, azaldu du Santi Pisonerok, 3DLan elkarteko koordinatzaileak. Premisa horretatik abiaturik abiarazi dute tailerren egitaraua, helburutzat hartuz potentzial ekonomikoa eta soziala duten konponbide berriak sortzea. Getxolanentzat, ekimen hori aukerakoa da garapen ekonomikorako aukera berriak bultzatzeko bere arlo estrategiko batean: kirola eta ongizatea.
Prozesuak hiru fase ditu –asmakuntza, diseinua eta fabrikazioa-, eta lau arlo zehatzetara zuzenduta dago: taldeko kirolak, uretako kirolak, bakarkako kirola eta bizitza egokitua. Maker, diseinatzaile, erabiltzaile eta enpresek parte hartu dute tailerretan, non 16 konponbide identifikatu baitituzte 3D inprimagailuekin fabrikatzeko. “Orain erronka da objektu berriak asmatzea Getxolan Lab espazioko komunitatearen bitartez, eta design thinking sorkuntza-prozesua aplikatuz geure bitartekoekin inprimatzeko moduko prototipo fisiko bihurtzea” azaldu du Santi Pisonerok.
Konponbideak dagoeneko aukeratuta daude eta horietako batzuk dira, adibidez, kirol desberdinetarako babesak, neoprenoari akoplatzeko kaxa estanko bat, erabilpen anitzetarako egokitutako helduleku bat eta argazki kamerentzako euskarri ergonomiko bat. Hurrengo fasea da prototipoak fabrikatzea, eta apirilaren amaieran aurkeztuko dira prozesu osoaren emaitzak.
Proiektuak badu beste erronka handi bat: konponbide guztiak eskuragai jarriko dira Creative Commons lizentziapean. Horrek esan nahi du jabetza intelektuala jabearena izango dela, baina edozein pertsonak deskargatu ahal izango duela diseinua erreproduzitzeko. “Bizi dugun paradigma aldaketari erantzuten dio, kontua ez baita balio diferentzial handiko objektu bat aurkitzea, baizik eta negozioa beste alderdi batzuetan oinarritzea, adibidez, bezeroarekiko hurbiltasunean, posizionamenduan eta markaren garapenean” azaldu du Santi Pisonerok.
Lotutako albisteak
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.