IIsetic-ek Big Dataren eta adimen artifizialaren alde egin du fabrikazio prozesu eraginkorragoak lortze aldera
Bizkaiko konpainiak, arazoren bat aurkitzekotan, instalazioan bertan zuzenean jarduteko zerbitzuak eskaintzen ditu
Datuen analitika edo Big Data, enpresen digitalizazio prozesuei aurre egiteko orduan erreminta erabakigarrietako bat da. Azken urteetan, zenbait faktorek bat egin dute, datuen analisia erakunde mota desberdinetan zabal daitezen: gailu sentsoreen merkatzea eta IoT datuak jasotzeko, konektagarritasunaren hobekuntza, datuen prozesatze gaitasun handiagoa zerbitzarietan eta datu horien analisirako adimen artifizialaren garapena. Industrietako datuen analitikako prozesuei aurre egiteko orduan, aldaketa “kultural” batez mintzatu gaitezke. Orain dela urte batzuk, ekoizpen prozesuetako arlo desberdinetan milaka datu biltzen ziren proiektu handiak nagusi baziren ere, egun, Smart Data, informazio gutxiago, baina erabakigarriagoa dena biltzeko joera dago. Horrez gain, analitikako proiektuak txikiagoak izateaz gain prozesu zehatzagoetan oinarritzen dira.
Bizkaiko Isetic konpainia, 2014an sortu geroztik, aldaketa guzti hauen lekuko izan da. Adimen artifizialeko erremintak aplikatuta, datu andana denbora errealean analizatzeko gai den enpresatzat du bere burua ez bakarrik agiriak sortzeko, baizik eta arazoren bat antzematean instalazioan bertan zuzenean jarduteko. Hori guztia Zeus bere plataformari esker. Isetic-eko CEO Manuel Fandiñorekin mintzatu gara.
Isetic-ek zertan dihardu?
Zeus dugu, prozesuen automatizazio plataforma bat zeinek, datuak Bildu, landu eta informazioaren araberako jarduketak egikaritzeko aukera luzatzen digun. Esaterako, piezak egiten ari den plastikozko injekzio-makinako tenperaturak gora egin duela hautemateko gai gara. Kasu horretan, automatizazio batek, makina hozteko hozketa sistema bat martxan jartzen du. Baina ez hori bakarrik: datuei esker, makina bat noiz matxuratuko den jakin dezakegu. Gure helburua, prozesuak ahalik eta eraginkorrenak izatea da eta ahalik eta hobekien automatizatzeko datuak eskaintzen ditugu.
Zer nolako erremintak erabiltzen dituzue?
Oso garrantzitsuak dira adimen artifiziala, ‘deep learning’, ‘machine learning’…Helburua, bezeroak bere ekoizpen eta enpresaren bitartez mozkin handiagoak lortzea da, Eguzki-energia sortzeko proiektu bati aplikatutako gure plataformak ekoizpena %10 hobetzeko aukera luzatzen du. Lan zatietako batzuetan hilabetero 800 orduko aurrezkia egiaztatu dugu ere, fabrikazioan zenbat pieza alde batera utzi diren jakiteko. Zati hauek eskuz egin beharrean, automatizatu ditzakegu eta informazio hori denbora errealean kudeatu. Piezaren kalitatea ere neur daiteke 50 parametro baino gehiagotan eta bidez batez hobetu. Honela, pieza hori hobeto fabrikatzeko moduaren inguruan analisi bat egiten duzu eta informazioa bezeroari eskaini. Guk hori egin ahal izateko erremintak eskaintzen ditugu, baina ondoren, ingeniariak, datu horiek berrikusi eta oniritzia emateko ardura izango du.
Zeinek dira lanean ari zareten proiektu berrienak?
Prentsa bitartezko piezen ebaketa prozesuak automatizatzen ari gara. Orain arte, langile bat makinan ebaketaren informazioa txertatzeaz arduratzen zen, lana begiratzen zuen, piezak gainbegiratzen zituen eta sailetan beste esparru batzuetara bidaltzen zituen. Guzti hori guk automatizatu dugu, inongo langileren esku hartzerik behar gabe. Horrez gain, pieza bakoitza ekoizteak zenbat denbora behar duen eta bere kostua zein izango den jakiteko gai gara. Beste proiektu bat Naturgy-rentzat garatzen ari gara, modu eraginkorragoan eguzki-energia jasotzeko parke bat digitalizatzean oinarritzen dena. Meteorologiarekin erlazionatutako datu irekiei esker (Open Data) eguzki panelak modu eraginkorrean mugi genitzake edo konponketa eta mantentze lanak egin ditzan teknikari bat hurreratu dadin egun egokia zein den zehazteko aukera dugu. Hori guztia datuak analizatzeko edozein tankerako “hardwarerik” aldatu behar gabe.
Enpresak, batik bat enpresa txiki eta ertainak, datuen analitikaren prozesua inplementatzeko harkor agertzen al dira?
Euskadin bezeroak kontzientziatuta daude eta jakin badakite Big Datak aurreztea dakarrela. Hilabetero 200 lan-ordu aurrezteak soilik garrantzitsua da edozein enpresarentzat. Guztiek datuen analitika nahi dute. Beste gauza bat, erakunde bakoitzarentzat une ekonomiko eta kultural egokia denentz jakitea. Ildo honetan, formakuntza eta lehen pausua emateko aukera luzatuko dien instituzioen laguntzak funtsezkoak dira. Garrantzitsuena, bezeroak epe laburrera mozkinak jasotzea. Bere aldetik, enpresa handiek geroz eta gehiago espezializatutako eta tamaina txikiko enpresek garatutako proiektu txikiak dituzte jomuga. Argi dagoena zera da: Big Datarekin bat egingo ez duten enpresak ez dira haziko. Nik, proiektu txikiak egin ditzatela gonbidatuko nieke, beren negozioetan izango duten eragina ikus zezaten.
Eta zein da langileen jarrera datuen analisien sistemaren inplementazioaren aurrean?
Gure esperientziaren arabera, langileak datuen bilketan interesatuta daude. Beraiek ere informazioa eskaintzen dute eta prozesu desberdinak automatizatzeko aukeran interesatuta daude. Langileak berak informazioa eskuratu gura du gaizki zer egiten duen jakite aldera. Inork ez du nahi bere lan guztia ezerezean gelditzea.
Zeintzuk dira etorkizunera begira Isetic-en erronkak?
Egun hamar bat langile ditugu eta 10 herrialdetan gara. Gure asmoa, hurrengo urtera begira, Madrilen ordezkaritza bat irekitzea da. Esparru desberdinetan presente dagoen eta makinen jokaera neurtzeko orduan trebetasun bataz-besteko oso handiak eskaintzen dituen gure Zeus plataforma garatzen jarraituko dugu. Datuen analitikan eta adimen artifizialaren alorretako langile kualifikatuen eskasiak ere kezkatzen gaitu.
Lotutako albisteak
Formatu handiko 3D inprimaketa, modularra eta jasangarria: Indart3D-ren proposamen diferentziala
Pellet bidezko estrusioan espezializatuta dago. Bere teknologiak material birziklatu edo teknikoekin inprimatzeko aukera ematen du eta soluzio eraginkorrak, moldakorrak eta egungo industriaren erronketara egokituak eskaintzen ditu.
Laura Ovies (EIT Community): “Euskadi eta beste eskualde batzuk beren garapen berritzailerako aliatu estrategiko gisa har gaitzaten nahi dugu”
Zamudion lan egiten du, eta EIT Community Hub Spain erakundeko arduraduna funtsezkoa da tokiko eragileak kontinenteko berrikuntza ekosistema handienarekin lotzeko, Berrikuntza eta Teknologiaren Europako Institutuarekin (EIT).
Lantekek, software industrialean munduko liderrak, 36.000 bezero baino gehiago ditu dagoeneko
Arabako Parkean kokatuta dagoen enpresak 400 langile baino gehiago ditu, eta SPRI Taldearen zibersegurtasuneko programako laguntza bat jaso du
Lowerton, adimen artifizialarekin enpresak berritzea eskaintzen duen startupa
Bere teknologiak aukera ematen du lau hilabeteko lana eskatzen duten hobekuntzak bi egunetan bakarrik ezartzeko
Duplostock industria-irtenbide pertsonalizatuen diseinatzaile eta fabrikatzaile bihurtu da
Zuzendaritzan izandako aldaketaren ondoren, euskal enpresak eraldaketa digitalaren, efizientzia energetikoaren eta bere prozesuen automatizazioaren aldeko apustua egin du.
Abuelo Actual, bi hamarkada adinekoen etxeak oztoporik gabeko espazio bihurtzen
Bizkaiko Silver Economy-ko Enpresen Gidaren parte da eta Nagusi Intelligence Centerrek bultzatu du, Foru Aldundiaren proiektu estrategikoak.
Moldes Ura enpresak berrikuntzaren alde egin du lehiakorra izaten jarraitzeko
Zamudion kokatuta, automobilgintza sektorerako injekzio eta konpresio moldeak ekoizten ditu enpresak, eta duela gutxi SPRI Taldearen Hazinnova programan parte hartu du.
Novaut, blog batetik jaio zen marketplace industrialaren finkapena
Merkatuan bost urte daramatza, eta Arabako enpresak lortu du bere lekua egitea ordezko pieza kritikoen sektoreko erraldoien artean
GM2k digitalizazioaren eta nazioartekotzearen aldeko apustua egin du, motorraren sektorearen hazkundea bultzatzeko
Motorzaleentzako ekipamenduaren banaketan espezializatutako enpresa arabarrak adimen artifizialean oinarritutako laguntzaile birtual bat garatu du, ereduaren araberako ordezko piezen bilaketa errazteko, eta Mediterraneo inguruko herrialdeetan hedatzen hasi da.
Makegik retrofitting industrialaren aldeko apustua egin du, nazioarteko hedapenerako bide gisa
Makina-erreminten eguneratzean espezializatutako enpresa gipuzkoarra merkatu aeroespazialean oinarritutako lan-ildo berriak garatzen ari da.