Ideable, industria-, enpresa- eta gizarte-ekosistema eraldatzeko teknologia
Big Data, Machine Learning edo Adimen Artifiziala. Teknologia horiekin lan egiten du Ideablek eraldaketa digitaleko prozesuak aurrera eramateko eta, horrela, aldaketetara egokitzeko gai diren enpresa eta erakunde lehiakorrak sortzeko. Barakaldoko enpresak 10 urte baino gehiago daramatza negozioak eta gizartea teknologiaren bidez bultzatzeko konpromisoa hartuta, eta horretarako garrantzitsuena, Iñaki Bartolome CEOaren arabera, “erakundea prozesu hau hasteko beharraz konbentzituta egotea da”.
“Horrelako prozesu batean sartzea bitarteko profiletatik edo berrikuntzako arduradun batetik soilik sortzen bada, baina gerentzia hasieratik konprometituta ez badago eta prozesu horretan parte hartzen ez badu, ahaleginean geratuko da. Eta, jakina, enpresaren balio-kate osoan esku hartzen duten profil guztiak inplikatzea ezinbestekoa da. Denek dute zerbait esateko eta parte izan behar dute prozesua barneratzeko eta arrakasta ziurtatzeko “, azaldu du Bartolomek.
Begirada horren pean, azken urteotan, besteak beste, Ulma, Nortunel, Osakidetza, RTVE eta Eusko Jaurlaritzarentzat lan egin du, eta azken bi urteetan fakturazioa bikoiztea lortu du. “Guretzat, SMC Europeren kasua adibide zoragarria da“, azpimarratu du konpainiako CEOak. “Bilaketak optimizatzeko garapen txiki baterako sartu ginen eta ia zazpi urte daramatzagu haiekin. Gaur egun, talde egonkor bat dugu iterazio-modalitateko proiektuak gauzatzeko eta unean uneko eskaerei erantzuteko. Gainera, aldi berean software eta cloud arkitektura-lanak egiten ditugu hornitzaile guztiei zeharka eragiten dieten alderdietan”, gehitu du.
Eskala txikiagoan, baina inpaktu handiarekin, Nutec Procalen kasua dago: “prozesu jakin bat digitalizatzeko eta neurtzeko laguntza eskatu ziguten, eta gaur egun produkzioaren ia fase guztietan esku hartzen dugu, eraginkortasunean, produktibitatean, fakturazioan eta errentagarritasunean eragin handia izanik. Izan ere, eraldaketa digitala hasten denean, kalitatearekin gertatzen den bezala, prozesu hori ez da inoiz amaitzen“, esan du Bartolomek.
Erakundeei bide horretan laguntzeko eta arrakastara eramateko, abangoardia teknologikoari eustea da Ideableren lehentasunetako bat. Hala azaldu du CEOak: “Bulego tekniko bat dugu, proiektu eta bezero guztiei eragiten dien zeharkako lana egiten duena. Talde hori konponbideak optimizatzearen edo zailtasun handiko erronka teknikoen bila dabil beti. Etengabeko zaintza teknologikoa egiten du, eta, ondoren, side projects eta barne-hitzaldietan islatzen du, erakundean probatzeko eta ezagutarazteko. Horrela, talde teknikoak eta komertzialak gai dira beren garapenetan aplikatzeko eta bezeroei eskaintzeko”.
Gaur egun, adibidez, konpainia AA sortzailean murgilduta dago. Horren bidez, barne-informazio asko duen erakunde batek datu horietara heltzeko irisgarritasuna erraztu ahal izango luke ChatGPT motako elkarrizketa-txaten bidez; edo bezeroei bilaketa semantikoak eskaini ahal izango lizkieke beren katalogoetan erreferentziak aurkitzeko. “Bilaketa adimendunen eremuan hobetzeko tarte handia dago erakundeentzat, eta horixe da gehien lantzen ari garen eremuetako bat”, dio Bartolomek.
Gizartea eraldatzeko teknologia
Hasiera-hasieratik, Barakaldoko konpainiak argi zuen bezeroei gizarte-itzulkina eskaini nahi ziela. Horren erakusgarri dira Euskadiko Hirugarren Sektore Sozialarekin, Agintzari, Agipad, Bizitegi, Lagungo eta beste erakunde batzuekin egindako lan ugariak. Esperientzia horren ondorioz, eta familia-inguruabar pertsonalekin batera, Kwido sortu zen, adinekoak zaintzeko gailu anitzeko plataforma.
“Machine Learning eta Adimen Artifiziala erabiltzen ditugu zaintza-zerbitzuak diseinatzeko, batez ere telelaguntza aurreratuaren eta prediktiboaren bidez: bideo-deiak, estimulazio kognitiboa, sentsoreen bidezko monitorizazioa, telemedikuntza, balorazio geriatrikoa, etab.”, azaldu du Iñaki Bartolomek. Euskadin, adibidez, lehen etxeIKT zentroa teknologia horretan oinarritzen da, eta “urteak daramatza etxean 300 pertsona baino gehiago zaintzen. Era berean, BetiONen erabiltzen den estimulazio kognitiboa eskaintzen dugu, eta IMQ Igurcorekin elkarlanean aritzen gara etxeko zaintzarako IgurTEK zerbitzu berritzailean”, nabarmendu du. Euskadin ez ezik, Espainian, Italian, Panaman, Puerto Ricon, Polonian eta baita herrialde arabiarretan ere eskaintzen dute beren teknologia.
Duela gutxi, Kwido aukeratu dute Madrilgo Erkidegoko Historia Sozial Bakarraren eta Telelaguntza Aurreratuaren proiektuaren konponbide tekniko gisa. Proiektu horretan, partzuergoan parte hartzen dute herrialdeko zenbait aholkularitza teknologiko garrantzitsurekin batera, eta bertan lanean ari dira beren teknologiak ia 50.000 pertsona hobeto zaintzeko aukera eman dezan.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
Lotutako albisteak
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du