HRE Hidraulic, enpresa hedatuaren eredua berritzen
Gipuzkoako konpainia hori nazioartekotzeko jauzia ematen ari da
HRE Hidraulic enpresak 30 urtetik gorako esperientzia du likido industrialentzako ingeniaritza-konponbideen garapenean, eta bi negozio-eremu osagarri eta sinergiko ditu: batetik, sektore mota guztietarako likido bidezko automatizazio konponbideak eta aplikazio industrialak eta, bestetik, ekipamendu didaktikoaren fabrikazioa automatizazio-teknologien irakaskuntzarako. Lehen ildoa beraizik zuzendurik dago automatizazio oleo-hidraulikoaren eta lubrifikazio industrialaren arloetara. Bigarrenak, berriz, ikaskuntza-sistema espezializatuak garatzen eta fabrikatzen ditu bezero industrialentzat, ikastetxeentzat eta unibertsitateentzat.
SPRI Taldeak koordinaturiko “Innobideak Lehiabide” programaren laguntzari esker, konpainia nazioartera zabaltzeko prozesuan murgilduta dago eta aliantzak bilatzen ari da ekipamendu-fabrikatzaile eta -merkaturatzaileekin: “Nazioarteko aliantzak aztertzen eta sortzen ari gara, bai ekipamendu didaktikoen fabrikatzaileekin (gure produktuentzat osagarri direnak) eta bai banatzaileekin” dio Iñaki Gutiérrezek, HRE Hidraulic enpresaren ildo horretako arduradunak, “bi helburu dauzkagu: batetik, produktu-sorta zabalagoa eskaintzea eta horrela erakargarriago izatea, prestakuntza-konponbide globalago bat eskainiz nazioarteko merkatuan; eta, bestetik, kolaboratzaileak bilatzea, baina, hori bai, eragina dutenak herrialde bakoitzean eta ongi errotuta daudenak merkatuan”.
Egoitza Elgoibarren duen konpainia honen iritziz, berrikuntzak egon behar du gogoeta estrategikoaren erdian, produkziora nahiz antolakuntzara zuzenduta. Hala, bere baliabideen %3 inbertitzen du I+G+B-n. Zentzu horretan, konpainiak enpresa arteko harreman-eredu berri bat sustatu nahi du, enpresa hedatuaren ideian oinarrituta. “Asmoa da harreman-eredu berri bat sortzea bezeroen eta hornitzaileen artean, enpresa baten barruko departamendu desberdinen artean egon ohi denaren antzekoa, harreman horren bitartez berrikuntza-aukerak bilatzeko eta amaierako bezeroarentzako proposamena hobetzeko” dio Iñaki Gutiérrezek. Era berean, antolakuntzako berrikuntza-proiektu bat garatzen ari dira, laneko harreman-eredu berri bat sortzeko gardentasunean eta enpresa barruko parte-hartze aktiboan oinarrituta.
Innobideak programak laguntza ematen du euskal enpresen lehiakortasuna hobetuko duten ekintzak garatzeko. Hiru laguntza-ildo dauzka: Lehiabide ildoak, berrikuntza proiektuei zuzendua dagoenak, enpresen tamaina handitzeko eta enpresen eta hornitzaileen arteko lankidetza garatzeko ekintzak babesten ditu; Pertsonak ildoaren helburua da enpresako langileek konpainian parte har dezatela; eta Kudeabide ildoak enpresaren kudeaketa hobetzea du xede. Innobideak programaren 2018ko deialdian parte hartzeko epea zabalik egongo da irailaren 27ra arte.
Lotutako albisteak
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat