Haritivek aurrerapenak lortu ditu kostu eta tamaina handiko piezak sortzeko fabrikazio aurreratuko teknologian
Hiru urteko lanaren ondoren, Haritive proiektua amaitu da, eta aurrerapen handia lortu du fabrikazio aurreratuan. Fabrikazio mota hau kostu handiko materialak dituzten balio handiko eta tamaina ertain-handiko piezetan erabiltzen da, bereziki eskakizun handiko industria-sektoreetan, hala nola aeronautikan, ontzigintzan edo lanabes eta moldeen fabrikazioan.
Proiektu estrategiko hau 2017an Hazitek programaren barruan sartu zen, Eusko Jaurlaritzak SPRIren bidez bultzatutako programa, eta Europako FEDERen diru laguntzak lortu zituen. Addilan izan da proiektuaren burua, eta, lan horri esker, Fabrikazio Aurreratuaren eta Digitalaren Berrikuntzaren Saria jaso du, AFM makina-erremintaren klusterrak ematen duen saria. Gainera, beste bederatzi enpresak parte hartu dute proiektuan (Ona Electroerosión, Lagun Machine Tools, Cadtech, Sariki, Izar Cutting Tools, Grupo TTT, CT Ingenieros, Amondarain eta Vicinay Cadenas), eta Zientzia eta Teknologiaren Euskal Sareko bost I+G+b unitate (Tecnalia, Lortek, Vicinay Marine Innovación, Mondragon Unibertsitatea eta Invema). Azken hau AFMko unitate teknologikoa da.
Haritiveren helburu nagusia arku elektrikoaren edo WAAMen (Wire Arc Additive Manufacturing) bidezko fabrikazio gehigarriko teknologiak garatzea zen, balio handiko pieza mota horiek fabrikatzeko beharrezkoak ziren prozesu eta zerbitzu osagarrien kate guztiarekin batera. Eta, hori guztia, enpresen balio-katean integratzea.
“Gure makina bere inguruko beste teknologia batzuekin interakzioa duelako sortu zen proiektua. Teknologia horiek osagarriak izan behar dira, bezeroarentzat irtenbide lehiakor bat lortzeko”, azaldu du Ivan Tabernero Haritiveko teknikari arduradunak. Konponbide hori euskal enpresen arteko elkarlanaren bidez lortzea da helburua.
Proiektuaren azken urtean, garatutako teknologia balioztatzeko erakusgailuak egiteko ahalegina egin da, eta azken erabiltzaileek fabrikatutako ‘demo’ piezetan emaitza oso onak lortu dituztela ziurtatu dute, teknologia hori aplikazio berrietan erabiltzeko aukera ematen baitu. Izan ere, une honetan “jada bi makina saldu dira eta erakusketak egiten ari dira, batez ere aeronautika eta oil & gas sektoreetan”, azaldu du Tabernerok. Proiektuaren hiru bazkide azken erabiltzaileak dira ere, eta beharrezko egokitzapenak egiten ari dira. Hau da, berrikuntza-proiektu hau berehala merkaturatu da.
WAAM teknologia hari metalikoaren eta arku-soldaduraren konbinazioan oinarritzen da, eta tamaina handiko pieza metalikoak fabrikatzea ahalbidetzen du (metro bat baino gehiagoko luzerakoak), beste teknologia gehigarri batzuk baino ekoizpen-tasa askoz handiagoekin. Erabileraren ondorioz, nabarmen murriztu dira bai ekoizpen-denborak eta kostuak (azken hauek % 38 murriztu dira, lehengaien erabilera % 79 murriztuz), bai piezaren bizi-zikloaren barruko ingurumen-inpaktua ere ( % 65 txikiagoa da). Beste era batera esanda, bloke batetik abiatuta eta bertatik pieza lortzeko materiala kendu beharrean, aurreformako pieza bat egiten da, lortu beharreko azken formatik gertu dagoena. Horrek denbora eta materialak aurrezten ditu.
Proiektuak 3,5 milioi euroko aurrekontua izan du.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri.
Lotutako albisteak
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.