Eusko Jaurlaritzak makineria industriala berritzea sustatzen du ekonomia suspertzeko
Renove Makineria Planak 5 milioiko aurrekontua du eta talka-tresna bat izan nahi du euskal ETE industrialak berraktibatzen eta modernizatzen laguntzeko
Eusko Jaurlaritzak berriro eskainiko dizkie enpresei euren makineria modernizatzeko laguntzak, 5 milioi euroko aurrekontua izango duen “Renove Makineria” programaren bidez. Enpresa Garapenerako Euskal Agentziaren, hots, SPRI Taldearen bitartez abiarazitako ekimen hori datorren irailaren 15ean irekiko da eta urriaren 22an amaituko da eskaerak aurkezteko epea.
Euskal enpresei Covid-19aren ondorioak arintzen laguntzeko Eusko Jaurlaritzak bultzatutako neurrietako bat da programa hau. Zehazki, Renove Makineria programaren helburua da talka-tresna bat izatea euskal ETE industrialak berraktibatzen eta modernizatzen laguntzeko.
Programa honen bidez nabarmen modernizatu nahi dira produkzio ekipamenduak, besteak beste, segurtasun edo ingurumenarekiko errespetu arloetan dituzten prestazioak hobetuz, era horretan produktibitatea eta lehiakortasuna hobetzeko.
Renove Makineria planak 70.000 eurorainoko dirulaguntzak ematen ditu enpresa bakoitzeko, makineria berria erosteko. Eskaera bakoitzerako onartutako gehienezko gastu eta inbertsio-aurrekontuekiko dirulaguntza-portzentajea %40koa izango da.
Dirulaguntzak SPRIk gauzatu eta ordainduko ditu bi ordainketatan. Lehenengo ordainketa –dirulaguntzaren %50– dirulaguntza emateko erabakia jakinarazi ondoren egingo da. Gainerako %50a ordainduko da likidazio-eskaera eta justifikaziozko dokumentazioa aurkeztutakoan.
Dirulaguntza jaso ahal izango du zeregin hauetarako baliatuko den makineriak: produktuak eta materialak ontziratu eta enbalatzeko, lehengaiak eta produktu erdilanduak eraldatzeko, eta enpresa eskatzailearen ustiaketa ekonomikoaren produkzio-prozesuen manipulazio automatikoa egiteko.
Makineria berriak gutxienez 70.000€ balio behar du (BEZ gabe). 2020ko irailaren 14tik aurrera erosia behar du izan makineria berriak eta laguntza-eskaera aurkeztu eta hurrengo 12 hilabeteetan entregatu eta martxan jarria
Lotutako albisteak
Zure enpresaren finantza-osasuna hobetu beharra duzu? Zorra birfinantzatzen eta askoz gauza gehiagotan lagunduko dizu Lortuk
Ostiral honetan, SPRI Taldeak Lortu laguntzen deialdi berri bat egingo du, 500.000 euroko balioarekin. Enpresa industrialei eta produktu-prozesu industrialekin lotutako zerbitzu-enpresei zuzenduta dago deialdia, kanpoko profesionalen laguntzarekin enpresaren finantza-osasuna lortzeko proiektu bat has dezaten.
Eusko Jaurlaritzak eta KONFEKOOPek Euskadiko industria-kooperatibak sustatzeko funtsa sortu dute
Funtsak KONFEKOOPek jarritako 2 milioi euroko hasierako kapitala izango du, eta SPRI Taldeko Arrisku Kapitalaren Sozietate Kudeatzaileak kudeatuko du.
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Eusko Jaurlaritzak Gauzatu Industria programa aktibatu du 28 milioi eurorekin
Oinarri teknologiko eta berritzailea duten enpresa txiki eta ertainen sorrera eta garapena bultzatzeko