Euskal enpresa batek fisioterapia-sektorera bideratutako laguntzaile birtual bat diseinatu du
Teknologia berrietara eta Covid-19ak utzi duen testuingurura egokitutako fisioterapia-zerbitzua eskaintzeko apustuan, Fisify enpresa donostiarrak ‘Aurya’ garatu du, pazienteen patologia muskulu-eskeletikoak sendatzen laguntzen duen laguntzaile birtuala.
Konfinamenduaren ondorioz bere etxez etxeko fisioterapia lana eten ondoren, Fisifyk bere jarduera berregin zuen eta zerbitzu digitalak eskaintzearen aldeko apustua egin zuen, online kontsultak eskainiz. Orain, Donostiako ‘startup’ ak aurrera pauso bat eman du apustu horretan, adimen artifizialean oinarritutako software bat garatu baitu, pazientea diagnostikatzeaz gain, hura berreskuratzeko prozesu osoan laguntzen duena. Horrela, fisioterapeutaren eta pazientearen arteko distantzia murrizten du, eta zerbitzu pertsonalizatuagoa eta jarraituagoa eskaintzen da.
Programak adimen artifiziala erabiltzen du lehen fase batean, aurretratamenduan hain zuzen ere. Lehen fase horretan pazienteari bere sintomak online ebaluatzeko aukera ematen da, galdera-sorta baten eta bere kasua tratatzeko hasierako aholku batzuen bidez. “Horrela, pazienteak hasieratik has daitezke tratamenduarekin”, argitu du Egoitz Lazkano Fisifyko zuzendariak. Bigarren fasean, informazio hori guztia bildu ondoren, algoritmoak ariketa-programa eraginkorrena diseinatzen du paziente bakoitzaren kasu zehatza tratatzeko.
Online tratamendu pertsonalizatua eskaintzeaz gain, programak eduki multimediako atal bat du, pazienteek proposatutako ariketak hobeto uler ditzaten eta ondo egiten ikas dezaten. Horrez gain, ikusmen artifiziala gehituta, ‘Aurya’ laguntzaile birtualak pazientea egiten ari den mugimenduen jarraipena eta analisia egiteko eta zuzenketak denbora errealean egiteko aukera ematen du.
Gero eta digitalizatuago dauden osasun-zerbitzuak
Softwarea eta bere zerbitzuaren azken proposamena garatzeko, Donostiako enpresak Generaliren Innsomnia berrikuntza hub-aren laguntza izan du. “Lankidetza honek gure fisioterapia digital proiektuari bultzada bat ematen dio, gero eta jende gehiagori lagunduko baitio bere gaitzak tratatzen, gaur egungo lesioen berreskurapenetan jarduteko modua irauliz”, Lazkanoren esanetan. “Gainera, uste dugu lankidetzaren aldeko apustuak agerian uzten duela gizarteak zerbitzu digitalizatu, eroso eta eskuragarrien inguruan duen interesa”, gaineratu du.
Innsomniatik ere interes hori azpimarratzen dute, eta honako hau gehitzen dute: “Osasunaren eta medikuntzaren esparrua da, ziurrenik, berrikuntza teknologikoari aukera gehien ematen dionetako bat eta, beharbada, atsegingarrienetako bat, proiektuen emaitzek zuzenean eta modu positiboan eragiten baitute pertsonen ongizatean.”
SPRI Taldearen helburuetako bat euskal enpresak digitalizatzea da, big data, machine learning, adimen artifiziala eta marketing digitala bezalako tresnak, zerbitzuekin, laguntzekin eta hemen zehazten diren aktiboekin sustatuz.
Lotutako albisteak
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat