Euskadiko enpresen digitalizazioan egindako aurrerapenak

Euskadiko enpresek digitalizazioan aurrera egin ahal izateko, eta, hortaz, lehiakortasuna hobetzeko tresnak jorratu dituzte Eusko Jaurlaritzaren SPRI Taldea enpresa-agentziaren bitartez antolatutako jardunaldian. Bilboko Itsas Museoan egindako ekitaldian, erkidegoko gobernuak eskaintzen dituen tresnak eta dirulaguntzak azaltzeaz gain, Europar Batasunaren estrategien berri eman dute.

Estibaliz Hernáez Eusko Jaurlaritzako Teknologia, Berrikuntza eta Eraldaketa Digitaleko sailburuordeak eman dio hasiera jardunaldiari eta enpresek gaitasun digitalen garrantziaz kontzientziatzeko beharra azpimarratu du. Eusko Jaurlaritzak ezarpen digitalarekin eta “zuen esku dauden laguntza-mekanismoak ezagutarazten” laguntzen duela gehitu du. “Eraldaketa digitalarekin zeregin berriak sortzen dira, gaitasun berriak eta espazio naturala egokitzeko beharra”.

Hernáezek nabarmendu du enpresetako arlo teknologikoetan profesionalak falta direla eta gogorarazi du, Euskadin, enpresen arloko konpetentzia digitalen garapena 20-25 Estrategia Digitalaren bitartez sustatzen ari direla.

César Herrero Europako Batzordeko ikerlari zientifikoak JRC zentroan egiten duten lana azaldu du. 3.000 ikerlari daude bertan eta “ezagutza zientifiko independentea eta kontrastatua eskaintzen du”. “2030erako helburua da helduen % 80k oinarrizko konpetentzia digitalak izatea eta 20 milioi espezialista digital egotea”. Adierazi du behar digitalak asko handitu diren arren, prestakuntzak “baxu” jarraitzen duela: “langileen % 26k soilik jaso zuen prestakuntza 2020 eta 2021ean”.

Herrerok aipatu du ETE-en % 74rentzat eskulan kualifikatuaren falta dela enpresa-garapenerako oztopo nagusia, “eta Europako hiru enpresatik bik behar digitalak” dituela. Gainera, ukatu egin du horrek enplegua suntsituko duenik. “Digitalizazioak lan-zeregin berrien % 31 sortu ditu eta % 14 dira suntsitu dituenak”.

Tomás Iriondo Gaia Klusterreko zuzendari nagusiak “gure eguneroko bizitzan erabiltzea laguntzen diguten” teknologietan inbertitzeko beharra dagoela adierazi du. “Helburua ez da ezagutzea soilik, aplikatzea baizik. Talentua falta zaigu, baina hemen xedea ez da fitxatzea. Guztiok jaso beharko dugu formakuntza eta prestatu beharko dugu konpetentzia digitaletan”.

Leyre Madariaga Eusko Jaurlaritzako Eraldaketa Digitaleko eta Ekintzailetzako zuzendariak gogorarazi du 20-25 estrategia digitala “2020-21ean egin genuela. Ez dugu datu askorik Euskadin dugun egoeraz. Azken txostenean, IKTen erabiltzaileak % 74 dira eta espezialistak % 10. Horrek Europako batezbestekoaren gainetik jartzen gaitu”.

7 programak eta laguntza-zerbitzuak

Erkidegoko gobernuaren dirulaguntzak azaldu ditu; 7 programa eta laguntza-zerbitzu izango dira, eta urtean 5 milioi euroko aurrekontua izango dute, estrategia eta diagnostikorako, sentsibilizaziorako, atxikitzeko, aholkularitzarako eta ebaluaziorako. Horien artean daude barnetegi teknologikoak edo Inplantalariak zerbitzua. Aholkularitzan espezializatutako zerbitzu horrek “bezero gehiago erakartzeko eta produktibitatea handitzeko aukera” ematen du, beste lorpen batzuen artean.

Jardunaldian, jardunbide egokien kasuak ere jorratu dituzte. Iratxe Acha Eika kooperatibako kideak Ikanos Eusko Jaurlaritzaren estrategia digitalerako programarekin izan duten esperientzia aipatu du. Eikak labe eta gaineko sukaldeentzako osagarriak fabrikatzen ditu. “Gure mapa lehiakorra garatzen lagundu digu, programa oso erraza da”. Ana Isabel Vitorica Ekonomiaren Garapen, Jasangarritasun eta Ingurumen Saileko kideak azaldu du eskaintzen duten tresna “enpresei oso lotuta” dagoela: “enpresekin izandako esperientzien emaitza da eta etengabe eguneratzen da”.

Imanol Terán adituak sentsibilizazio- eta gaikuntza-programak jorratu ditu, esaterako barnetegi teknologikoak edo Enpresa Digitala ikastaroak, eta “ekimen oso onak” direla adierazi du.

Susi Rodríguez Elurneteko kideak adierazi du digitalizazio-tresnen ikaskuntza azkartzen dutela eta Mondragon taldeko José Miguel Viedmak hau esan du: “hasieran kostatu zitzaigun, baina gero arrakasta handia izan du”.

Iris Chainseko Celeste Cuneok Eusko Jaurlaritzaren Inplantalariak laguntza-programarekin izandako esperientziaz jardun du: “inpaktu positiboa izan du taldean, batez ere denbora aurrezteko garaian, baliorik ez zuten zereginak kendu baititugu”.  Tecnaliako Leire Bastidak BAIT tresnak dituen abantailak azaldu ditu, IT Txartelarekin alderatuta. “Ez da tresna bat erabiltzen jakitea soilik, digitalizazioan aurrera egiteko