2022ko ekainean BECen ospatuko den BIEMH aurkeztu du Euskadik Milaneko EMOn
- Biurtekoa BECen (Bilbao Exhibition Centre) izango da, 2022ko ekainaren 13tik 17ra, eta makina-erremintaren sektorearen suspertze-maila neurtuko duen termometroa bilakatuko da.
- Tapiak azpimarratu du euskal industria energiaren prezioekin bizitzen ari den egoera larria dela, eta eskua luzatu dio Estatuko Gobernuari konponbide onuragarri bat bilatzeko “presio hori itogarria izan baino lehen”
EMO MILANOko euskal ordezkaritzak, Arantxa Tapia Ekonomiaren Garapen, Jasangarritasun eta Ingurumeneko sailburua buru dela, BIEMHen 31. edizioa aurkeztu du gaur ofizialki, 2022ko ekainaren 13tik 17ra BECen (Bilbao Exhibition Centre) egingo dena. Ekitaldia, Danobatgroup industria-taldeko kide den Soraluce enpresaren standean izan da, eta bertan izan dira sailburuarekin batera, Xabier Basañez BECeko zuzendari nagusia, Pello Rodríguez Danobatgroupeko zuzendari nagusia eta Xabier Ortueta AFM Clusterreko zuzendari nagusia.
Tapiak gogorarazi duenez, 2024rako helburua da susperraldi ekonomikoarekin, Euskadiko Barne Produktu Gordinean industriaren eta zerbitzu aurreratuen pisua handitzea: “gure manufaktura-ahalmena industriari lotutako zerbitzu horien eskaintzarekin uztartzeaz ari gara. Industria berritu, moderno, digital, inklusibo eta jasangarriaz hain zuzen ere”.
“Ez da arrosa bidea, arantza asko daude”, sailburuak gaurko hitzaldian azpimarratu duenez, “aenpresa intentsiboak eta ez bakarrik intentsiboak energiaren kostuekin sufritzen ari direna ikusten ari gara. Kezka orokorra da Europan. Eta bereziki Euskadin, premiazkoa da. Eta barkatu aipamen honek ekitaldi honen helburua itzaltzen badu, hau da, gure Biurtekoa aurkeztea. Gertatzen da alderdi horrek gehiegi estutzen duela enpresa askoren ekoizpena, eta ezin dugu onartu presio hori itotzea. Industriara luzatutako eskua. Estatu espainiarreko ministerioei eskua luzatu zaie gizarte osoarentzat eta bereziki industriarentzat onuragarria izango den irtenbide bat bilatzeko.”
Ekonomiaren Garapeneko sailburuaren ustez, zorionez, gero eta kontzientzia handiagoa dago beharrezko trantsizio energetikoaren eta klimatikoaren inguruan. “Eremu honetan aukera amaigabeak irekitzen dira teknologia aurreratuak garatzeko ingurumen-irtenbideak emateko, baina industria bera da barrura begiratu behar duena eta bere ekoizpen-prozesuak, eraginkortasun energetikoaren hobekuntza eta material berrien erabilera berrikusi behar dituena”.
Datorren urteko azoka makina-erremintaren sektorearen suspertze-maila neurtzen duen termometroa izango da. 2018an ‘Biurtekoa’ ospatzeak -koronabirusak 2020ko hitzordua bertan behera utzi zuen- 42,7 milioi euroko diru-sarrerak eta 896 lanpostu zuzen ekarri zituen.
EMO MILANO 2021ak, urriaren 4tik 9ra bitartean egingo den azokak, 34 herrialde ezberdinetako 700 enpresa hartzen ditu. Atzerriko erakusketarien presentzia guztizkoaren % 60 inguru da. Ordezkari gehien dituzten herrialdeak Italia, Alemania, Taiwan, Suitza, Espainia, Japonia, Frantzia, Hego Korea eta Estatu Batuak dira. Euskadi da, zalantzarik gabe, estatuko makina-erremintaren erreferentzia garrantzitsuena, Milanen presentzia duten estatuko 34 enpresetatik 24 euskaldunak bait dira.
Arantxa Tapia sailburuarekin batera, Aitor Urzelai SPRI Taldeko zuzendaria eta Mikel Amundarain Industriako sailburuordea egon dira, Euskadiko industriaren eta ekonomiaren motorra den sektore honetan eta Industria 4.0 estrategiaren digitalizazioarekin eta garapen teknologikoarekin duten konpromisoagatik nabarmentzen den euskal ordezkaritzari laguntzen.
Lotutako albisteak
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean